(1)

Fit-18 ta’ Settembru 2018, abbażi ta’ talba mill-Mekkaniżmu ta’ Verifika u Spezzjoni tan-Nazzjonijiet Uniti għall-Jemen (UNVIM), il-Kunsill adotta d-Deċiżjoni (PESK) 2018/1249 (1) dwar azzjoni tal-Unjoni Ewropea b’appoġġ għall-UNVIM.

(2)

Fit-12 ta’ Ottubru 2020, abbażi ta’ talba mill-UNVIM, il-Kunsill adotta d-Deċiżjoni (PESK) 2020/1465 (2) u ġedded l-azzjoni tal-Unjoni b’appoġġ għall-UNVIM għal perjodu ta’ 12-il xahar.

(3)

Fit-28 ta’ Settembru 2023, abbażi ta’ talba mill-UNVIM, il-Kunsill adotta d-Deċiżjoni (PESK) 2023/2095 (3) u ġedded ulterjorment l-azzjoni tal-Unjoni b’appoġġ għall-UNVIM għal perjodu ta’ 12-il xahar, sat-30 ta’ Settembru 2024.

(4)

Il-Kunsill tas-Sigurtà tan-Nazzjonijiet Uniti fir-Riżoluzzjoni (UNSCR) 2722 (2024) ikkundanna l-forniment ta’ armi u materjal relatat ta’ kull tip lill-Houthis, bi ksur tal-UNSCR 2216 (2015), u appella għal kooperazzjoni prattika addizzjonali biex l-Houthis ma jitħalliex jakkwista l-materjal meħtieġ biex iwettaq aktar attakki.

(5)

Il-UNSCR 2742 (2024) estendiet il-mandat tal-Missjoni tan-Nazzjonijiet Uniti li tappoġġa l-Ftehim ta’ Hodeidah sabiex tiġi appoġġata l-implimentazzjoni tal-ftehim dwar il-Belt ta’ Hodeidah u l-portijiet ta’ Hodeidah, Saleef u Ras Issa stabbilit fil-Ftehim ta’ Stokkolma konkluż fit-13 ta’ Diċembru 2018 mill-partijiet għall-kunflitt fil-Jemen, u approvat mill-UNSCR 2451 (2018) u l-UNSCR 2452 (2019).

(6)

Il-UNVIM talab aktar appoġġ mill-Unjoni għal sena.

(7)

Jenħtieġ li l-Unjoni ġġedded l-appoġġ tagħha għall-UNVIM għal sena għall-implimentazzjoni tal-mandat tiegħu.

(8)

Jenħtieġ li jiżdied ammont ta’ referenza finanzjarja biex ikopri l-perjodu mill-1 ta’ Ottubru 2024 sat-30 ta’ Settembru 2025.

(9)

Għalhekk jenħtieġ li d-Deċiżjoni (PESK) 2020/1465 tiġi emendata skont dan,

(1)

fl-Artikolu 3(1), jinżdied l-inċiż li ġej:

;

(2)

fl-Artikolu 5, it-tielet paragrafu huwa sostitwit b’dan li ġej:

“Għandha tiskadi fit-30 ta’ Settembru 2025.”.