14.12.2017   

MT

Il-Ġurnal Uffiċjali tal-Unjoni Ewropea

C 429/30

1.

Fil-5 ta’ Diċembru 2017, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Dan l-avviż jikkonċerna l-impriżi li ġejjin:

JD, Sonae MC u Balaiko takkwista/jakkwistaw fis-sens tal-Artikolu 3(1)(b) u 3(4) tar-Regolament dwar l-Għaqdiet il-kontroll ta’ JDSH u Sport Zone kollha kemm huma.

Il-konċentrazzjoni hija mwettqa permezz ta’ xiri ta’ ishma.

2.

L-attivitajiet kummerċjali tal-impriżi kkonċernati huma:

—   JD: bejgħ bl-imnut ta’ lbies u żraben sportivi; It-tħaddim ta’ ċentri tal-fitness fir-Renju Unit. JD hija kkontrollata mill-Pentland Group, li huwa attiv fil-fornitura bl-ingrossa ta’ prodotti tad-ditta li jintużaw barra lill-bejjiegħa bl-imnut li jbigħu barra.

—   Sonae MC: kummerċ bl-imnut u bl-ingrossa ta’ prodotti tal-ikel u prodotti mhux tal-ikel u l-ġestjoni ta’ assi ta’ proprjetà immobbli.

—   Balaiko: kumpanija veikolu ta’ investiment.

—   JDSH: Kummerċ bl-imnut ta’ prodotti sportivi fil-Portugall u Spanja bl-isem tad-ditti JD, “size?” u Sprinter.

—   SPZ: il-kummerċ bl-imnut ta’ prodotti sportivi fil-Portugall u Spanja bl-isem tad-ditta Sport Zone.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

4.

Il-Kummissjoni tistieden lil terzi persuni interessati biex jibagħtulha l-kummenti li jista' jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Jinħtieġ li r-referenza li ġejja dejjem tiġi speċifikata:

M.8710 — JD/SONAE MC/BALAIKO/JDSH/SPORT ZONE

Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt: