TEST Konsolidat: 31995R1591 — MT

Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu

li jistabbilixxi regoli dettaljati dwar l-applikazzjoni ta’ rifużjonijiet fuq l-esportazzjoni għall-glukosju u l-ġulepp tal-glukosju użati f’ċerti prodotti proċessati mill-frott u l-ħaxix

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KEE) Nru 426/86 ta’ l-24 ta’ Frar 1986 dwar l-organizzazzjoni komuni tas-suq fil-prodotti proċessati mill-frott u l-ħaxix ( 1 ), kif l-aħħar emendat bir-Regolament tal-Kummissjoni (KE) Nru 1032/95 ( 2 ), u, partikolarment l-Artikoli 13(8), 14(5) u 14a(7) tiegħu,

Billi skond l-Artikolu 13(4) tar-Regolament (KEE) Nru 426/86, liċenzja ta’ l-esportazzjoni hija meħtieġa qabel tingħata kull rifużjoni;

Billi r-Regolament tal-Kummissjoni (KEE) Nru 3719/88 ( 3 ), kif l-aħħar emendat bir-Regolament (KE) Nru 1199/95 ( 4 ), jippreskrivi regoli dettaljati sabiex tiġi applikata s-sistema tal-liċenzji ta’ importazzjoni u ta’ esportazzjoni u ta’ ċertifikati ta’ l-iffissar bil-quddiem għal prodotti agrikoli;

Billi r-Regolament tal-Kummissjoni (KEE) Nru 3846/87 ( 5 ), kif l-aħħar emendat bir-Regolament (KE) Nru 836/95 ( 6 ), jistabbilixxi nomenklatura għall-prodotti agrikoli għal rifużjonijiet fuq l-esportazzjoni;

Billi r-Regolament tal-Kummissjoni (KEE) Nru 3665/87 ( 7 ), kif l-aħħar emendat bir-Regolament (KE) Nru 331/95 ( 8 ), jippreskrivi regoli komuni sabiex tiġi applikata s-sistema ta’ rifużjonijiet fuq l-esportazzjoni ta’ prodotti agrikoli; billi dawn ir-regoli jridu jiġu supplimentati b’regoli speċifiċi fuq il-glukosju u l-ġulepp tal-glukosju inkorporati fi prodotti proċessati mill-frott u l-ħaxix;

Billi,skond l-Artikolu 13(1) tar-Regolament (KEE) Nru 426/86, ir-rifużjonijiet iridu jiġu stabbiliti fil-limiti li joħorġu minn ftehim konklużi skond l-Artikolu 228 tat-Trattat;

Billi, b’dan il-ħsieb, u sabiex tiġi evitata distorsjoni fil-kompetizzjoni, is-sistema ta’ rifużjonijiet fuq l-esportazzjoni tal-glukosju u l-ġulepp tal-glukosju inkorporati fi prodotti proċessati mill-frott u ħaxix trid tiġi konformi mas-sistema prevista fir-Regolament tal-Kummissjoni (KE) Nru 1518/95 tad-29 ta’ Ġunju 1995 li jippreskrivi regoli dettaljati dwar l-applikazzjoni tar-Regolamenti (KEE) Nru 1418/76 u (KEE) Nru 1766/92 fir-rigward ta’ importazzjoni u esportazzjoni jew prodotti proċessati minn ċereali u ross u li jemenda r-Regolament tal-Kummissjoni (KE) Nru 1162/95 li jippreskrivi regoli speċjali dettaljati dwar l-applikazzjoni tas-sistema ta’ liċenzji għall-importazzjoni u l-esportazzjoni ta’ ċereali u ross ( 9 );

Billi l-miżuri previsti f’dan ir-Regolament huma skond l-opinjoni tal-Kumitat ta’ Ġestjoni għall-Prodotti Proċessati mill-Frott u l-Ħaxix,

ADOTTAT DAN IR-REGOLAMENT:

Rifużjoni fuq esportazzjoni tista tingħata fir-rigward ta’ glukosju u ġulepp tal-glukosju li jaqgħu taħt il-kodiċi NM 1702 30 51, 1702 30 59, 1702 30 91, 1702 30 99 u 1702 40 90 użati fil-prodotti elenkati fl-Artikolu 1(1)(b) tar-Regolament (KEE) Nru 426/86.

Ir-Regolament (KE) Nru 1518/95 għandu japplika għall-prodotti msemmijin fl-Artikolu 1.

Madanakollu, sabiex dan ir-Regolament jiġi applikat, is-sezzjoni 20 ta’ l-applikazzjoni għal-liċenzja u tal-liċenzja għandu jkun fiha waħda mir-referenzi elenkati fl-Anness.

L-għotja ta’ rifużjoni skond dan ir-Regolament għandha twaqqaf l-għotja ta’ rifużjoni skond ir-Regolament tal-Kummissjoni (KE) Nru 1429/95 ( 10 ) li jistabbilixxi regoli dettaljati għall-applikazzjoni ta’ rifużjonijiet fuq l-esportazzjoni fir-rigward ta’ prodotti proċessati mill-frott u l-ħaxix, għajr dawk ir-rifużjonijiet mogħtija fir-rigward ta’ zokkor miżjud.

L-awtoritajiet kompetenti ta’ l-Istati Membri għandhom jeżaminaw l-akkuratezza tad-dikjarazzjonijiet msemmija fl-Artikolu 14a (3) tar-Regolament (KEE) Nru 426/86 fuq kampjun ta’ mill-anqas ta’ 5 % magħżul fuq bażi ta’ analiżi ta’ riskju. Tali kontrolli għandhom jitwettqu fuq id-dokumenti dwar il-ħażna miżmuma mill-manifattur.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

		Il-Ġurnal Uffiċjali
		No	page	date
►M1	IR-REGOLAMENT TAL-KUMMISSJONI (KE) Nru 2625/95 tal-10 ta’ Novembru 1995	L 269	3	11.11.1995
M2	IR-REGOLAMENT TAL-KUMMISSJONI (KE) Nru 498/2004 tas-17 ta’ Marzu 2004	L 80	20	18.3.2004
►M3	REGOLAMENT TAL-KUMMISSJONI (KE) Nru 548/2007 tal-21 ta’ Mejju 2007	L 130	3	22.5.2007