(1)

Fit-12 ta’ Lulju 2004, il-Kunsill adotta l-Azzjoni Konġunta 2004/570/PESK, li stabbiliet operazzjoni militari tal-Unjoni Ewropea fil-Bożnija-Ħerzegovina (Operazzjoni ALTHEA).

(2)

Skont l-Artikolu 6(1) tal-Azzjoni Konġunta 2004/570/PESK, il-Kunsill awtorizza lill-Kumitat Politiku u ta’ Sigurtà (KPS) biex jieħu d-deċiżjonijiet rilevanti dwar il-ħatra tal-Kmandant tal-Forza tal-UE għall-Operazzjoni ALTHEA.

(3)

Fis-26 ta’ Settembru 2023, il-KPS adotta d-Deċiżjoni (PESK) 2023/2130 (2) li taħtar lill-Ġeneral Maġġur László STICZ bħala l-Kmandant tal-Forza tal-UE għall-Operazzjoni ALTHEA mill-21 ta’ Jannar 2024.

(4)

Fis-26 ta’ Lulju 2024, l-awtoritajiet militari Rumeni pproponewil-ħatra tal-Ġeneral Maġġur Florin-Marian BARBU biex jieħu post il-Ġeneral Maġġur László STICZ bħala l-Kmandant tal-Forza tal-UE għall-Operazzjoni ALTHEA (il-“ħatra proposta”). Il-Kmandant tal-Operazzjoni tal-UE ta’ Operazzjoni ALTHEA appoġġa l-ħatra proposta.

(5)

Fit-3 ta’ Settembru 2024, il-Kumitat Militari tal-UE appoġġa l-ħatra proposta u qabel li l-Maġġur Ġeneral Florin-Marian BARBU jinħatar bħala Kmandant tal-Forza tal-UE għall-Operazzjoni ALTHEA.

(6)

Għandha tittieħed deċiżjoni dwar il-ħatra tal-Maġġur Ġeneral Florin-Marian BARBU bħala Kmandant tal-Forza tal-UE għall-Operazzjoni ALTHEA.

(7)

Jenħtieġ li d-Deċiżjoni (PESK) 2023/2130 titħassar.

(8)

Fit-12 u t-13 ta’ Diċembru 2002, il-Kunsill Ewropew ta’ Copenhagen adotta dikjarazzjoni li ssostni li l-arranġamenti “Berlin plus” u l-implimentazzjoni tagħhom ser japplikaw biss għal dawk l-Istati Membri tal-Unjoni li huma wkoll membri tan-NATO jew partijiet għas-“Sħubija għall-Paċi”, u li konsegwentement ikkonkludew ftehimiet bilaterali dwar is-sigurtà man-NATO,