6.11.2020   

MT

Il-Ġurnal Uffiċjali tal-Unjoni Ewropea

C 375/57


Avviż minn qabel ta’ konċentrazzjoni

(Il-Każ M.9989 — BB Holding Investment/Duferdofin-Nucor)

Każ li jista’ jiġi kkunsidrat għal proċedura ssimplifikata

(Test b’rilevanza għaż-ŻEE)

(2020/C 375/09)

1.   

Fit-28 ta’ Ottubru 2020, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Dan l-avviż jikkonċerna l-impriżi li ġejjin:

—

BB Holding Investment S.A. (“BB Holding Investment”, il-Lussemburgu),

—

Duferdofin-Nucor S.r.l. (“Duferdofin-Nucor”, l-Italja), ikkontrollata bi sħab minn BB Holding Investment S.A. u Nucor European Holdings BV.

BB Holding Investment takkwista, fis-sens tal-Artikolu 3(1)(b) tar-Regolament dwar l-Għaqdiet, il-kontroll esklużiv ta’ Duferdofin-Nucor kollha kemm hi.

Il-konċentrazzjoni hija mwettqa permezz tax-xiri ta’ ishma.

2.   

L-attivitajiet kummerċjali tal-impriżi kkonċernati huma:

—

BB Holding Investment: il-ġestjoni ta’ kumpaniji attivi fl-enerġija, it-trasport bil-baħar u l-azzar, fejn hija attiva primarjament fil-kummerċ / id-distribuzzjoni ta’ prodotti tal-azzar.

—

Duferdofin-Nucor: il-manifattura u d-distribuzzjoni ta’ prodotti tal-azzar tal-karbonju, bħal blooms, billets u rounds, u prodotti twal lesti, b’mod partikolari sezzjonijiet tqal (travi).

3.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

4.   

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jenħtieġ li r-referenza li ġejja dejjem tiġi speċifikata:

M.9989 — BB Holding Investment/Duferdofin-Nucor

Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Faks +32 22964301

Indirizz postali:

European Commission

Directorate-General for Competition

Merger Registry

1049 Bruxelles / Brussel

BELGIQUE / BELGIË


(1)  ĠU L 24, 29.1.2004, p. 1 (ir-“Regolament dwar l-Għaqdiet”).

(2)  ĠU C 366, 14.12.2013, p. 5.