1.   

Fil-11 ta’ Ġunju 2020, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—	Alstom S.A. (Franza),

—	Bombardier Transportation (Investment) UK Ltd (ir-Renju Unit).

Alstom takkwista, fis-sens tal-Artikolu 3(1)(b) tar-Regolament dwar l-Għaqdiet, il-kontroll ta; Bombardier Transportation kollha kemm hi.

Il-konċentrazzjoni hija mwettqa permezz ta’ xiri ta’ ishma.

2.   

L-attivitajiet kummerċjali tal-impriżi kkonċernati huma:

—

Alstom: l-industrija tat-trasport bil-ferrovija, inklużi soluzzjonijiet tat-trasport (minn ferroviji ta’ veloċità għolja sa dawk ta’ fuq il-linji prinċipali u dawk ta’ taħt l-art, trammijiet u karozzi tal-linja elettroniċi), offerti ta’ servizzi personalizzati (manutenzjoni u modernizzazzjoni) ddedikati għall-passiġġieri u l-infrastruttura, mobilità diġitali u soluzzjonijiet ta’ sinjali;

—	Bombardier Transportation: soluzzjonijiet tal-ferroviji, inklużi l-ferroviji, sottosistemi, sinjali, sistemi u servizzi ta’ trasport kompluti lesti għall-użu.

3.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

4.   

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:

M.9779 — Alstom/Bombardier Transportation

Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Faks +32 22964301

Indirizz postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË