<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.11-->
  <head>
    <title>2024-09-202409T118202205280-00-TRA-DOC-MT-ARRET-T-0528-22-202407176-07_00</title>
    <meta content="text/html; charset=utf-8" http-equiv="Content-Type"/>
    <meta content="" name="Gendoc_DGTGeneratedDate"/>
    <meta content="0" name="MSIP_Label_6bd9ddd1-4d20-43f6-abfa-fc3c07406f94_ContentBits"/>
    <meta content="Commission Use" name="MSIP_Label_6bd9ddd1-4d20-43f6-abfa-fc3c07406f94_Name"/>
    <meta content="mt-MT" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="1" name="EP_Mention"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="27/09/2024 14:19:43" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="Publication intégrale au Rec ou RecFP, mention Rec" name="Mention"/>
    <meta content="mt" name="Gendoc_LangCode"/>
    <meta content="ARR" name="TypeDoc"/>
    <meta content="Lth6ImKADbostVxrvFstIO3T6kZ8JdN8ggDWsUm+7JLrD7a2mO3wQFWcHCJ9v7FEs9KPSvqiqJ+TwtiItetbTEEpYcsT8BM01XFI5nTtW/jC6X1ufm5FLA0SLhoRYy6vXs/S1Vm/gitzKRzDuDxKBYmdz4hZ8ihjOTyQ/7HCXAQ=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="" name="Gendoc_GendocTemplateSubType"/>
    <meta content="OK" name="ReadyToPublish"/>
    <meta content="cassaje" name="Gendoc_User"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="true" name="MSIP_Label_6bd9ddd1-4d20-43f6-abfa-fc3c07406f94_Enabled"/>
    <meta content="4301871e-6001-4da6-8628-6ffc22c8bb18" name="MSIP_Label_6bd9ddd1-4d20-43f6-abfa-fc3c07406f94_ActionId"/>
    <meta content="0528" name="NumeroOrdre"/>
    <meta content="2022" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="cassaje" name="Gendoc_DGTGeneratedUser"/>
    <meta content="b24c8b06-522c-46fe-9080-70926f8dddb1" name="MSIP_Label_6bd9ddd1-4d20-43f6-abfa-fc3c07406f94_SiteId"/>
    <meta content="FAST_document_go_ok" name="Gendoc_LastVerificationStatus"/>
    <meta content="ARR_T" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 09-09-24 08:59:37" name="Created"/>
    <meta content="" name="Canevas3_Vademecum"/>
    <meta content="2024-09-23T08:59:23Z" name="MSIP_Label_6bd9ddd1-4d20-43f6-abfa-fc3c07406f94_SetDate"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="Normal" name="Version"/>
    <meta content="T" name="Juridiction"/>
    <meta content="74bd16c336a74a1885349b0ef215f330" name="DocumentIdentifier"/>
    <meta content="0528" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RD" name="NatureAff"/>
    <meta content="RD" name="Gendoc_CaseNature"/>
    <meta content="0001" name="NumSuite"/>
    <meta content="T" name="Gendoc_Juridiction"/>
    <meta content="Standard" name="MSIP_Label_6bd9ddd1-4d20-43f6-abfa-fc3c07406f94_Method"/>
  </head>
  <body>
    <div style="header">
      <div id="rId25" style="first"/>
      <div id="rId21" style="even">Sentenza tat‑12.9.2024 – Kawża C‑73/23</div>
      <div id="rId22" style="default">Belaruskali vs Il-Kunsill</div>
    </div>
    <p class="C19Centre" id="para-1" title="page-1">
      SENTENZA TAL‑QORTI ĠENERALI (Ir‑Raba’ Awla Estiża)
    </p>
    <p class="C19Centre" id="para-2" title="page-1">
      18 ta’ Settembru 2024  (<span class="note footnote notemarker">
<a id="c-1" href="#t-1">*</a>
</span>)
    </p>
    <p class="C71Indicateur" id="para-3" title="page-1">
      “Politika estera u ta’ sigurtà komuni – Miżuri restrittivi meħuda minħabba s-sitwazzjoni fil-Bjelorussja u l-involviment tal-Bjelorussja fl-aggressjoni Russa kontra l-Ukraina – Iffriżar ta’ fondi – Lista tal-persuni, tal-entitajiet u tal-organi li għalihom japplika l-iffriżar tal-fondi u tar-riżorsi ekonomiċi – Inklużjoni ta’ isem ir-rikorrent fil-lista – Appoġġ lir-reġim – Appoġġ finanzjarju – Impriża li tappartjeni lill-Istat – Benefiċċju mir-reġim – Repressjoni tas-soċjetà ċivili – Żball ta’ evalwazzjoni”
    </p>
    <p class="C02AlineaAltA" id="para-4" title="page-1">
      Fil-Kawża T‑528/22,
    </p>
    <p class="C02AlineaAltA" id="para-5" title="page-1">
      Belaruskali AAT, stabbilita f’Soligorsk (il-Bjelorussja), irrappreżentata minn V. Ostrovskis u E. Anevlavi, avukati,
    </p>
    <p class="C72Alineadroite" id="para-6" title="page-1">
      rikorrenti,
    </p>
    <p class="C19Centre" id="para-7" title="page-1">
      vs
    </p>
    <p class="C02AlineaAltA" id="para-8" title="page-1">
      Il‑Kunsill tal‑Unjoni Ewropea, irrappreżentat minn J. Rurarz, B. Driessen u A. Boggio‑Tomasaz, bħala aġenti,
    </p>
    <p class="C72Alineadroite" id="para-9" title="page-1">
      konvenut,
    </p>
    <p class="C02AlineaAltA" id="para-10" title="page-1">
      sostnut minn
    </p>
    <p class="C02AlineaAltA" id="para-11" title="page-1">
      Ir‑Renju tal‑Belġju, irrappreżentat minn C. Pochet, L. Van den Broeck u M. Van Regemorter, bħala aġenti,
    </p>
    <p class="C02AlineaAltA" id="para-12" title="page-1">
      u minn
    </p>
    <p class="C02AlineaAltA" id="para-13" title="page-1">
      Ir‑Repubblika tal‑Latvja, irrappreżentata minn K. Pommere u J. Davidoviča, bħala aġenti,
    </p>
    <p class="C72Alineadroite" id="para-14" title="page-1">
      intervenjenti,
    </p>
    <p class="C19Centre" id="para-15" title="page-1">
      IL‑QORTI ĠENERALI (Ir‑Raba’ Awla Estiża),
    </p>
    <p class="C02AlineaAltA" id="para-16" title="page-1">
      komposta minn R. da Silva Passos, President, S. Gervasoni, N. Półtorak (Relatriċi), I. Reine u T. Pynnä, Imħallfin,
    </p>
    <p class="C02AlineaAltA" id="para-17" title="page-1">
      Reġistratur: M. Zwozdziak‑Carbonne, Amministratriċi,
    </p>
    <p class="C02AlineaAltA" id="para-18" title="page-1">
      wara li rat id-digriet tal‑11 ta’ Novembru 2022, Belaruskali vs Il‑Kunsill (T‑528/22 R, mhux ippubblikat, EU:T:2022:709), li permezz tiegħu l-President tal-Qorti Ġenerali ċaħad it-talba għal miżuri provviżorji u rriżerva l-ispejjeż,
    </p>
    <p class="C02AlineaAltA" id="para-19" title="page-1">
      wara li rat il-fażi bil-miktub tal-proċedura,
    </p>
    <p class="C02AlineaAltA" id="para-20" title="page-1">
      wara s-seduta tal‑10 ta’ April 2024,
    </p>
    <p class="C02AlineaAltA" id="para-21" title="page-1">
      tagħti l-preżenti
    </p>
    <p class="C75Debutdesmotifs" id="para-22" title="page-1">
      Sentenza
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1</p>
</td>
<td valign="top">
<p class="normal">Permezz tar-rikors tagħha bbażat fuq l-Artikolu 263 TFUE, ir-rikorrenti, Belaruskali AAT, qiegħda titlob, fl-ewwel lok, l-annullament tad-Deċiżjoni ta’ Implimentazzjoni tal-Kunsill (PESK) 2022/881 tat‑3 ta’ Ġunju 2022 li timplimenta d-Deċiżjoni 2012/642/PESK dwar miżuri restrittivi fid-dawl tas-sitwazzjoni fil-Belarussja u l-involviment tal-Belarussja fl-aggressjoni Russa kontra l-Ukrajna (ĠU 2022, L 153, p. 77) u tar-Regolament ta’ Implimentazzjoni tal-Kunsill (UE) 2022/876 tat‑3 ta’ Ġunju 2022 li jimplimenta l-Artikolu 8a(1) tar-Regolament (KE) Nru 765/2006 dwar miżuri restrittivi fid-dawl tas-sitwazzjoni fil-Belarussja u l-involviment tal-Belarussja fl-aggressjoni Russa kontra l-Ukrajna (ĠU 2022, L 153, p. 1) (iktar ’il quddiem, meħuda flimkien, l-“atti inizjali”) u, fit-tieni lok, l-annullament tad-Deċiżjoni tal-Kunsill (PESK) 2023/421 tal‑24 ta’ Frar 2023 li temenda d-Deċiżjoni 2012/642 (ĠU 2023, L 61, p. 41) u tar-Regolament ta’ Implimentazzjoni tal-Kunsill (UE) 2023/419 tal‑24 ta’ Frar 2023 li jimplimenta l-Artikolu 8a tar-Regolament (KE) Nru 765/2006 dwar miżuri restrittivi fid-dawl tas-sitwazzjoni fil-Belarussja u l-involviment tal-Belarussja fl-aggressjoni Russa kontra l-Ukrajna fil-Belarussja (ĠU 2023, L 61, p. 20) (iktar ’il quddiem, meħuda flimkien, l-“atti ta’ żamma”), sa fejn dawn l-atti jikkonċernaw lilha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il‑fatti li wasslu għall‑kawża u l‑fatti li ġraw wara l‑preżentata tar‑rikors</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2</p>
</td>
<td valign="top">
<p class="normal">Ir-rikorrenti hija l-unika produttur ta’ fertilizzanti bil-potassju fil-Bjelorussja u waħda mill-ikbar produtturi ta’ fertilizzanti bil-potassju fid-dinja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3</p>
</td>
<td valign="top">
<p class="normal">Din il-kawża tressqet fil-kuntest tal-miżuri restrittivi adottati mill-Unjoni Ewropea sa mill‑2004 minħabba s-sitwazzjoni fil-Bjelorussja fir-rigward tad-demokrazija, tal-Istat tad-dritt u tad-drittijiet tal-bniedem, u l-involviment tal-Bjelorussja fl-aggressjoni Russa kontra l-Ukraina.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4</p>
</td>
<td valign="top">
<p class="normal">Il-Kunsill tal-Unjoni Ewropea, fit‑18 ta’ Mejju 2006, adotta, abbażi tal-Artikoli [75 u 215 TFUE], ir-Regolament (KE) Nru 765/2006 dwar miżuri restrittivi kontra l-President Lukashenko u ċerti uffiċjali tal-Belarus (ĠU 2008, L 352M, p. 432) u, fil‑15 ta’ Ottubru 2012, adotta, abbażi tal-Artikolu 29 TUE, id-Deċiżjoni 2012/642/PESK dwar miżuri restrittivi kontra l-Bjelorussja (ĠU 2012, L 285, p. 1).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5</p>
</td>
<td valign="top">
<p class="normal">Fil-verżjonijiet tagħhom applikabbli fid-data li fiha ġew adottati l-atti inizjali, l-Artikolu 4(1)(b) tad-Deċiżjoni 2012/642 u l-Artikolu 2(1) u (5) tar-Regolament Nru 765/2006 jipprevedu li l-fondi u r-riżorsi ekonomiċi kollha pposseduti, iddetenuti jew ikkontrollati minn, b’mod partikolari, il-persuni fiżiċi jew ġuridiċi, l-entitajiet jew l-organi li jibbenefikaw mir-reġim tal-President Lukashenko għandhom jiġu ffriżati.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6</p>
</td>
<td valign="top">
<p class="normal">Barra minn hekk, skont l-Artikolu 4(1)(a) tad-Deċiżjoni 2012/642 u l-Artikolu 2(4) tar-Regolament Nru 765/2006, il-fondi u r-riżorsi ekonomiċi kollha pposseduti, iddetenuti jew ikkontrollati minn, b’mod partikolari, persuni, entitajiet jew organi responsabbli għal ksur serju tad-drittijiet tal-bniedem jew għar-repressjoni tas-soċjetà ċivili u tal-oppożizzjoni demokratika, jew li l-attivitajiet tagħhom jipperikolaw serjament, b’xi mod ieħor, id-demokrazija jew l-Istat tad-dritt fil-Bjelorussja, għandhom jiġu ffriżati wkoll.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7</p>
</td>
<td valign="top">
<p class="normal">Fl‑24 ta’ Ġunju 2021, il-Kunsill adotta d-Deċiżjoni tal-Kunsill (PESK) 2021/1031 li temenda d-Deċiżjoni 2012/642 (ĠU 2021, L 224I, p. 15), u r-Regolament (UE) 2021/1030, li jemenda r-Regolament Nru 765/2006 (ĠU 2015, L 224I, p. 1).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8</p>
</td>
<td valign="top">
<p class="normal">Fil-fatt, skont l-Artikolu 2g tad-Deċiżjoni 2012/642, kif emendat bid-Deċiżjoni 2021/1031, ix-xiri, l-importazzjoni jew it-trasferiment ta’ prodotti tal-klorur tal-potassju (potassium chloride) (jew potassa) mill-Bjelorussja huma pprojbiti. Skont l-Artikolu 1i tar-Regolament 765/2006, kif emendat bir-Regolament 2021/1030, huwa pprojbit li jiġu importati, li jinxtraw jew li jiġu ttrasferiti, direttament jew indirettament, il-prodotti bil-potassa elenkati fl-Anness VIII tal-imsemmi regolament, mill-Bjelorussja, kemm jekk joriġinaw minn dan il-pajjiż, kif ukoll jekk le (iktar ’il quddiem, flimkien, il-“miżuri restrittivi settorjali”).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9</p>
</td>
<td valign="top">
<p class="normal">Fl‑24 ta’ Frar 2022, il-President tal-Federazzjoni Russa ħabbar operazzjoni militari fl-Ukraina u, fl-istess jum, il-forzi armati Russi attakkaw l-Ukraina f’diversi bnadi tal-pajjiż.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10</p>
</td>
<td valign="top">
<p class="normal">Fl‑24 ta’ Frar 2022, ir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà ppubblika stqarrija li tikkundanna, f’isem l-Unjoni, l-“invażjoni mhux ipprovokata” tal-Ukraina mill-forzi armati tal-Federazzjoni Russa u qal li “l-prezz li ser jitħallas għall-involviment tal-Bjelorussja fl-aggressjoni militari mhux ipprovokata u mhux iġġustifikata [hekk immexxija] kontra l-Ukraina huwa għoli” u li “[permezz tal-miżuri restrittivi], ser ikunu fil-mira dawk li, fil-Bjelorussja, qegħdin jikkollaboraw f’dawn l-attakki kontra l-Ukraina u [ser ikun ristrett] il-kummerċ f’għadd ta’ setturi ewlenin”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11</p>
</td>
<td valign="top">
<p class="normal">Kif jirriżulta mit-tieni premessa u mit-titoli tal-atti inizjali, dawn tal-aħħar ġew adottati minħabba l-gravità tas-sitwazzjoni fil-Bjelorussja, kif ukoll b’reazzjoni għall-ksur persistenti tad-drittijiet tal-bniedem u għar-repressjoni sistematika tas-soċjetà ċivili u tal-oppożizzjoni demokratika. It-titoli tal-atti inizjali jirreferu wkoll għall-involviment tal-Bjelorussja fl-aggressjoni Russa kontra l-Ukraina.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12</p>
</td>
<td valign="top">
<p class="normal">Permezz tal-atti inizjali, isem ir-rikorrenti ġie inkluż fil-linja 28 tat-Tabella B tal-lista tal-persuni, tal-entitajiet u tal-organi milquta mill-miżuri restrittivi li tinsab fl-Anness tad-Deċiżjoni 2012/642 u fl-Anness I tar-Regolament Nru 765/2006 (iktar ’il quddiem, flimkien, il-“listi inkwistjoni”).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13</p>
</td>
<td valign="top">
<p class="normal">Fl-atti inizjali, il-Kunsill iġġustifika l-inklużjoni ta’ isem ir-rikorrenti fil-listi inkwistjoni għall-motivi li ġejjin:</p>
</td>
</tr>
</table>
    <p class="C02AlineaAltA" id="para-37" title="page-3">
      “L-Open Joint Stock Company Belaruskali hija impriża pubblika u waħda mill-akbar produtturi tal-potassa fid-dinja, li tforni 20 % tal-esportazzjonijiet dinjija tal-potassa. Hija għalhekk wieħed mis-sorsi ewlenin ta’ dħul u ta’ muniti barranin għar-reġim ta’ Lukashenko. Aliaksandr Lukashenko ddeskriviha bħala ‘teżor nazzjonali, kburija, wieħed mill-pilastri tal-esportazzjonijiet Bjelorussi’. Konsegwentement, Belaruskali qiegħda tibbenefika mir-reġim ta’ Lukashenko u tappoġġjah.
    </p>
    <p class="C02AlineaAltA" id="para-38" title="page-3">
      L-impjegati ta’ Belaruskali li kienu ħadu sehem fl-istrajkijiet u fid-dimostrazzjonijiet paċifiċi wara l-votazzjoni presidenzjali frawdolenti ta’ Awwissu tal‑2020 fil-Bjelorussja ġew intimidati u ngħataw is-sensja mill-maniġment tal-impriża. Lukashenko nnifsu hedded li jibdel lil dawk li strajkjaw b’minaturi mill-Ukraina. Konsegwentement, Belaruskali hija responsabbli għar-repressjoni tas-soċjetà ċivili fil-Bjelorussja u qiegħda tappoġġja lir-reġim ta’ Lukashenko.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14</p>
</td>
<td valign="top">
<p class="normal">Fis‑7 ta’ Ġunju 2022, il-Kunsill ippubblika, f’Il-Ġurnal Uffiċjali tal-Unjoni Ewropea, Avviż għall-attenzjoni tal-persuni soġġetti għall-miżuri restrittivi previsti [fl-atti inizjali] (ĠU 2022, C 221, p. 2). Il-persuni fiżiċi u ġuridiċi kkonċernati minn dan l-avviż setgħu, skont dan tal-aħħar, iressqu quddiem il-Kunsill, qabel it‑30 ta’ Novembru 2022, talba għall-eżami mill-ġdid tad-deċiżjoni li permezz tagħha huma kienu ġew inklużi fil-listi inkwistjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15</p>
</td>
<td valign="top">
<p class="normal">Permezz ta’ ittra tat‑22 ta’ Ġunju 2022, ir-rikorrenti talbet li tingħata aċċess għall-informazzjoni u għall-provi li jsostnu l-imsemmija inklużjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16</p>
</td>
<td valign="top">
<p class="normal">Fit‑22 ta’ Lulju 2022, il-Kunsill ikkomunika lir-rikorrenti d-Dokumenti tax-Xogħol WK 5532/2022 INIT, WK 5532/2022 ADD 1 u WK 6656/2022 INIT, li jinkludu l-fatti li ttieħdu inkunsiderazzjoni meta ġiet inkluża fil-listi inkwistjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17</p>
</td>
<td valign="top">
<p class="normal">Permezz ta’ ittra tat‑30 ta’ Novembru 2022, ir-rikorrenti ressqet talba quddiem il-Kunsill għal eżami mill-ġdid tal-inklużjoni tagħha fil-listi inkwistjoni permezz tal-atti inizjali (iktar ’il quddiem it-“talba għal eżami mill-ġdid”).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18</p>
</td>
<td valign="top">
<p class="normal">Permezz ta’ ittra tal‑21 ta’ Diċembru 2022, il-Kunsill informa lir-rikorrenti bl-intenzjoni tiegħu li jżomm il-miżuri restrittivi fir-rigward tagħha, u għaddielha d-Dokument tax-Xogħol addizzjonali 17500/2022 INIT u datat it‑13 ta’ Diċembru 2022.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19</p>
</td>
<td valign="top">
<p class="normal">Fit‑12 ta’ Jannar 2023, ir-rikorrenti għaddiet l-osservazzjonijiet tagħha lill-Kunsill.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20</p>
</td>
<td valign="top">
<p class="normal">Fl‑24 ta’ Frar 2023, il-Kunsill, b’risposta għat-talba għal eżami mill-ġdid, bagħat ittra uffiċjali lir-rikorrenti li fiha tenna l-allegazzjonijiet magħmula fl-espożizzjoni inizjali tal-motivi. Fl-istess ittra, il-Kunsill indika li kien iddeċieda li jżomm l-inklużjoni tar-rikorrenti fil-listi inkwistjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21</p>
</td>
<td valign="top">
<p class="normal">Permezz tal-atti ta’ żamma, il-miżuri meħuda kontra r-rikorrenti ġew estiżi sat‑28 ta’ Frar 2024, għall-istess motivi bħal dawk invokati fl-atti inizjali (ara l-punt 13 iktar ’il fuq).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22</p>
</td>
<td valign="top">
<p class="normal">Il-miżuri restrittivi settorjali ġew emendati bid-Deċiżjoni tal-Kunsill (PESK) 2022/356 tat‑2 ta’ Marzu 2022, li temenda d-Deċiżjoni 2012/642 (ĠU 2022, L 67, p. 103) u bir-Regolament tal-Kunsill (UE) 2022/355 tat‑2 ta’ Marzu 2022, li jemenda r-Regolament Nru 765/2006 (ĠU 2022, L 67, p. 1), u estiżi permezz tal-atti ta’ żamma.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">It‑talbiet tal‑partijiet</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23</p>
</td>
<td valign="top">
<p class="normal">Ir-rikorrenti qiegħda essenzjalment titlob li l-Qorti Ġenerali jogħġobha:</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tannulla l-atti inizjali u ta’ żamma, sa fejn dawn jikkonċernaw lilha;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tikkundanna lill-Kunsill għall-ispejjeż.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24</p>
</td>
<td valign="top">
<p class="normal">Il-Kunsill jitlob li l-Qorti Ġenerali jogħġobha:</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tiċħad ir-rikors; </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tikkundanna lir-rikorrenti għall-ispejjeż.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25</p>
</td>
<td valign="top">
<p class="normal">Ir-Renju tal-Belġju u r-Repubblika tal-Latvja jitolbu li r-rikors jiġi miċħud.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id‑dritt</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l‑ammissibbiltà tad‑dokumenti prodotti wara l‑għeluq tal‑fażi bil‑miktub tal‑proċedura</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26</p>
</td>
<td valign="top">
<p class="normal">Permezz ta’ dokument separat, ippreżentat fit‑8 ta’ April 2024, ir-rikorrenti pproduċiet provi ġodda, li jtennu l-osservazzjonijiet tagħha, tad‑29 ta’ Novembru 2023, dwar l-estensjoni tal-atti ta’ żamma essenzjalment intiżi sabiex jikkontestaw l-argumenti tal-Kunsill ippreżentati fil-kontroreplika tiegħu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27</p>
</td>
<td valign="top">
<p class="normal">Il-Kunsill, sostnut mir-Renju tal-Belġju u mir-Repubblika tal-Latvja, jikkontesta l-ammissibbiltà tal-provi ġodda msemmija fil-punt 26 iktar ’il fuq, minħabba l-produzzjoni tard tagħhom taħt l-Artikolu 85(3) tar-Regoli tal-Proċedura tal-Qorti Ġenerali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28</p>
</td>
<td valign="top">
<p class="normal">Skont l-Artikolu 85(1) tar-Regoli tal-Proċedura, il-provi u l-provi proposti għandhom jiġu prodotti fil-kuntest tal-ewwel skambju ta’ noti. Bis-saħħa tal-Artikolu 85(2) tal-istess Regoli, il-partijiet prinċipali jistgħu jipproduċu jew jipproponu provi ġodda insostenn tal-argumenti tagħhom anki fir-replika u fil-kontroreplika, bil-kundizzjoni li jiġġustifikaw għaliex dawn il-provi jkunu ġew prodotti jew proposti tard. Bis-saħħa tal-Artikolu 85(3) tal-istess Regoli, il-partijiet prinċipali jistgħu, b’mod eċċezzjonali, jipproduċu jew jipproponu provi ġodda anki qabel l-għeluq tal-fażi orali tal-proċedura jew qabel ma l-Qorti Ġenerali tiddeċiedi li taqta’ l-kawża mingħajr il-fażi orali tal-proċedura, bil-kundizzjoni li jiġġustifikaw għaliex dawn il-provi jkunu ġew prodotti jew proposti tard.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29</p>
</td>
<td valign="top">
<p class="normal">Skont il-ġurisprudenza, minn naħa, il-Qorti Ġenerali għandha s-setgħa li teskludi l-provi prodotti tard jekk hija tqis li din il-produzzjoni tardiva ma tkunx iġġustifikata b’mod suffiċjenti fid-dritt jew ma tkunx fondata u, min-naħa l-oħra, l-applikazzjoni tal-Artikolu 85(3) tar-Regoli tal-Proċedura tippreżupponi li tkun intweriet l-eżistenza ta’ ċirkustanzi eċċezzjonali (sentenza tat‑23 ta’ Novembru 2023, Ryanair u Airport Marketing Services, C‑758/21 P, EU:C:2023:917, punt 49). F’dan il-każ, ir-rikorrenti ma tipproduċix provi li jistgħu jiġġustifikaw it-tardività tal-produzzjoni, fit‑8 ta’ April 2024, jiġifieri jumejn qabel is-seduta, tal-provi addizzjonali inkwistjoni (ara, f’dan is-sens, is-sentenza tad‑29 ta’ Settembru 2021, Ryanair et vs Il‑Kummissjoni, T‑448/18, mhux ippubblikata, EU:T:2021:626, punt 58).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30</p>
</td>
<td valign="top">
<p class="normal">F’dawn iċ-ċirkustanzi, għandu jitqies li r-rikorrenti ma ġġustifikatx b’mod suffiċjenti fid-dritt, fis-sens tal-Artikolu 85(3) tar-Regoli tal-Proċedura, it-tardività tal-produzzjoni tal-provi prodotti fit‑8 ta’ April 2024. Għaldaqstant, dawn il-provi tal-aħħar huma inammissibbli u mhux ser jittieħdu inkunsiderazzjoni mill-Qorti Ġenerali fl-eżami ta’ dan ir-rikors (ara, f’dan is-sens, is-sentenza tad‑29 ta’ Settembru 2021, Ryanair et vs Il‑Kummissjoni, T‑448/18, mhux ippubblikata, EU:T:2021:626, punt 63).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31</p>
</td>
<td valign="top">
<p class="normal">Għandha tiġi eżaminata, fl-ewwel lok, it-talba għall-annullament parzjali tal-atti inizjali u sussegwentement, fit-tieni lok, it-talba għall-annullament parzjali tal-atti ta’ żamma.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq it‑talba għall‑annullament parzjali tal‑atti inizjali</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32</p>
</td>
<td valign="top">
<p class="normal">Insostenn tat-talba tagħha għall-annullament parzjali tal-atti inizjali, ir-rikorrenti tqajjem ħames motivi. L-ewwel motiv huwa bbażat fuq ksur tal-prinċipju ta’ legalità u jinqasam f’ħames partijiet ibbażati, l-ewwel waħda, fuq ksur tad-drittijiet fundamentali tal-bniedem, it-tieni, fuq ksur ta’ atti tad-dritt internazzjonali, it-tielet, fuq ksur tal-għanijiet stabbiliti mis-sisien legali tal-Unjoni, ir-raba’, fuq ksur tal-prinċipju li l-miżuri għandhom ikunu mmirati u l-ħames waħda, fuq ksur tal-prinċipju ta’ ċertezza legali. It-tieni motiv huwa bbażat fuq żball ta’ evalwazzjoni. It-tielet motiv huwa bbażat fuq ksur tal-prinċipju ta’ nondiskriminazzjoni. Ir-raba’ motiv huwa bbażat fuq ksur tal-prinċipju ta’ proporzjonalità. Il-ħames motiv huwa bbażat fuq ksur tal-obbligu ta’ motivazzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33</p>
</td>
<td valign="top">
<p class="normal">Għandu jiġi analizzat, l-ewwel, il-ħames motiv, imbagħad il-ħames parti tal-ewwel motiv, imbagħad it-tieni motiv, imbagħad it-tieni parti tal-ewwel motiv, imbagħad l-ewwel, it-tielet u r-raba’ parti tal-ewwel motiv, flimkien mar-raba’ motiv u, fl-aħħar, it-tielet motiv.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq il‑ħames motiv, ibbażat fuq ksur tal‑obbligu ta’ motivazzjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34</p>
</td>
<td valign="top">
<p class="normal">Ir-rikorrenti ssostni li l-motivi mressqa mill-Kunsill fl-Anness tad-Deċiżjoni 2022/881 sempliċement jirriproduċu l-kriterji applikati sabiex tiġi ġġustifikata l-inklużjoni fil-lista u b’ebda mod ma jippreċiżaw kif hija qiegħda tappoġġja lir-reġim ta’ Lukashenko, kif hija qiegħda tibbenefika minn dan ir-reġim, jew kif hija responsabbli għar-repressjoni tas-soċjetà ċivili fil-Bjelorussja. Issa, mill-ġurisprudenza jirriżulta li mingħajr informazzjoni oħra li ssostniha, tali riproduzzjoni ma tistax tikkostitwixxi motivazzjoni suffiċjenti min-naħa tal-Kunsill.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35</p>
</td>
<td valign="top">
<p class="normal">Il-Kunsill, sostnut mir-Repubblika tal-Latvja, jikkontesta dawn l-argumenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36</p>
</td>
<td valign="top">
<p class="normal">Għandu jitfakkar li, skont ġurisprudenza stabbilita, l-obbligu li att li jikkawża preġudizzju jkun motivat, liema obbligu huwa korollarju tal-prinċipju tar-rispett tad-drittijiet ta’ difiża, għandu l-għan, minn naħa, li l-persuna kkonċernata tingħata biżżejjed informazzjoni sabiex tkun taf jekk l-att huwiex fondat jew jekk jistax ikun ivvizzjat b’difett li abbażi tiegħu tkun tista’ tiġi kkontestata l-validità tal-att quddiem il-qorti tal-Unjoni u, min-naħa l-oħra, li din tal-aħħar tkun tista’ tagħmel l-istħarriġ tagħha dwar il-legalità ta’ dan l-att (ara s-sentenza tat‑23 ta’ Settembru 2014, Ipatau vs Il‑Kunsill, T‑646/11, mhux ippubblikata, EU:T:2014:800, punt 92 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37</p>
</td>
<td valign="top">
<p class="normal">Il-motivazzjoni meħtieġa mill-Artikolu 296 TFUE għandha turi b’mod ċar u inekwivoku r-raġunament tal-istituzzjoni, li tkun adottat l-att, b’mod li l-persuni kkonċernati jkunu jistgħu jsiru jafu r-raġunijiet għall-miżuri adottati u b’mod li l-qorti li jkollha ġurisdizzjoni tkun tista’ tagħmel l-istħarriġ tagħha (ara s-sentenza tat‑23 ta’ Settembru 2014, Ipatau vs Il‑Kunsill, T‑646/11, mhux ippubblikata, EU:T:2014:800, punt 93 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38</p>
</td>
<td valign="top">
<p class="normal">Il-motivazzjoni ta’ att tal-Kunsill li jimponi tali miżura restrittiva mhux biss għandha tidentifika l-bażi legali ta’ din il-miżura, iżda wkoll ir-raġunijiet speċifiċi u konkreti għaliex il-Kunsill iqis, fl-eżerċizzju tas-setgħa diskrezzjonali ta’ evalwazzjoni tiegħu, li l-parti kkonċernata għandha tkun is-suġġett ta’ tali miżura (ara s-sentenza tal‑24 ta’ Mejju 2023, Lyubetskaya vs Il‑Kunsill, T‑556/21, mhux ippubblikata, EU:T:2023:283, punt 19 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39</p>
</td>
<td valign="top">
<p class="normal">Madankollu, il-motivazzjoni meħtieġa mill-Artikolu 296 TFUE għandha tiġi adattata għan-natura tal-att inkwistjoni u għall-kuntest li fih dan ikun ġie adottat. Ir-rekwiżit ta’ motivazzjoni għandu jiġi evalwat fid-dawl taċ-ċirkustanzi tal-każ, b’mod partikolari tal-kontenut tal-att, tan-natura tal-motivi invokati u tal-interess li jista’ jkollhom id-destinatarji tal-att jew persuni oħra kkonċernati mill-att fis-sens tar-raba’ paragrafu tal-Artikolu 263 TFUE li jingħataw spjegazzjoni. Ma huwiex meħtieġ li l-motivazzjoni tispeċifika kull punt ta’ fatt u ta’ liġi rilevanti, sa fejn in-natura suffiċjenti ta’ motivazzjoni għandha tiġi evalwata mhux biss fid-dawl ta’ kliemha iżda wkoll fid-dawl tal-kuntest tagħha u tar-regoli ġuridiċi kollha li jirregolaw il-qasam ikkonċernat (ara s-sentenza tat‑23 ta’ Settembru 2014, Ipatau vs Il‑Kunsill, T‑646/11, mhux ippubblikata, EU:T:2014:800, punt 95 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40</p>
</td>
<td valign="top">
<p class="normal">B’mod partikolari, att li jikkawża preġudizzju huwa motivat biżżejjed meta jkun adottat f’kuntest magħruf mill-persuna kkonċernata, li jippermettilha tifhem il-portata tal-miżura meħuda fir-rigward tagħha (ara s-sentenza tat‑23 ta’ Settembru 2014, Ipatau vs Il‑Kunsill, T‑646/11, mhux ippubblikata, EU:T:2014:800, punt 96 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41</p>
</td>
<td valign="top">
<p class="normal">F’dan ir-rigward, il-kliem “jibbenefika mir-reġim ta’ Lukashenko u jappoġġjah” u “repressjoni tas-soċjetà ċivili” fl-imsemmija espożizzjoni jirreferi b’mod espliċitu għall-kriterji għal inklużjoni kontenzjużi msemmija fil-punti 5 u 6 iktar’il fuq, li minnhom jirriżulta li għandhom jiġu inklużi fil-listi inkwistjoni l-persuni, entitajiet jew organi li jkunu ġew identifikati li qegħdin jibbenefikaw mir-reġim ta’ Lukashenko jew li qegħdin jappoġġjawh jew li jkunu responsabbli għal ksur serju tad-drittijiet tal-bniedem jew għar-repressjoni tas-soċjetà ċivili u tal-oppożizzjoni demokratika, jew li l-attivitajiet tagħhom jipperikolaw serjament, b’xi mod ieħor, id-demokrazija jew l-Istat tad-dritt fil-Bjelorussja. B’hekk, ir-rikorrenti setgħet faċilment tifhem fuq liema kriterji kienet ibbażata l-inklużjoni tagħha fil-listi inkwistjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42</p>
</td>
<td valign="top">
<p class="normal">Kif jirriżulta mill-espożizzjoni, imfakkra fil-punt 13 iktar ’il fuq, tal-motivi li jiġġustifikaw l-inklużjoni tar-rikorrenti fil-listi inkwistjoni, din tal-aħħar ġiet inkluża fl-imsemmija listi peress li hija impriża pubblika u waħda mill-ikbar produtturi tal-potassa fid-dinja, li tforni 20 % tal-esportazzjonijiet dinjija tal-potassa. Hija għalhekk wieħed mis-sorsi ewlenin ta’ dħul u ta’ muniti barranin għar-reġim ta’ Lukashenko li ddeskriviha bħala “teżor nazzjonali, kburija, wieħed mill-pilastri tal-esportazzjonijiet Bjelorussi”. Konsegwentement, ir-rikorrenti qiegħda tibbenefika mir-reġim ta’ Lukashenko u tappoġġjah. Barra minn hekk, l-impjegati tagħha li kienu ħadu sehem fl-istrajkijiet u fid-dimostrazzjonijiet paċifiċi wara l-votazzjoni presidenzjali frawdolenti ta’ Awwissu tal‑2020 fil-Bjelorussja ġew intimidati u ngħataw is-sensja mill-maniġment tal-impriża. Il-President Lukashenko nnifsu hedded li jibdel lil dawk li strajkjaw b’minaturi mill-Ukraina. B’hekk, l-atti inizjali jsemmu r-“raġunijiet speċifiċi u konkreti”, fis-sens tal-ġurisprudenza ċċitata fil-punt 38 iktar ’il fuq, li għalihom ir-rikorrenti titqies li hija responsabbli għar-repressjoni tas-soċjetà ċivili fil-Bjelorussja u li qiegħda tappoġġja lir-reġim ta’ Lukashenko, jiġifieri l-motivi li abbażi tagħhom ir-rikorrenti hija s-suġġett ta’ miżuri restrittivi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">43</p>
</td>
<td valign="top">
<p class="normal">B’hekk, fid-dawl tal-kunsiderazzjonijiet premessi, għandu jiġi konkluż li l-atti inizjali huma motivati b’mod suffiċjenti fid-dritt u l-ħames motiv għandu jiġi miċħud bħala infondat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq il‑ħames parti tal‑ewwel motiv, ibbażata fuq ksur tal‑prinċipju ta’ ċertezza legali</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">44</p>
</td>
<td valign="top">
<p class="normal">Ir-rikorrenti ssostni li r-riferiment għar-rekwiżit ta’ legalità, previst fl-Artikolu 52(1) tal-Karta tad-Drittijiet Fundamentali tal-Unjoni Ewropea, jippreżupponi l-eżistenza ta’ regoli tad-dritt preċiżi u prevedibbli. Issa, il-kliem użat fil-kriterji rilevanti li abbażi tagħhom hija ġiet inkluża fil-lista ma huwiex ċar. B’mod iktar preċiż, il-kliem li ġej ma huwiex ċar: “reġim ta’ Lukashenko”, “appoġġ”, “benefiċċju mir-reġim”, “soċjetà ċivili” u “repressjoni”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">45</p>
</td>
<td valign="top">
<p class="normal">Il-Kunsill, sostnut mir-Renju tal-Belġju u mir-Repubblika tal-Latvja, jikkontesta dawn l-argumenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">46</p>
</td>
<td valign="top">
<p class="normal">Għandu jitfakkar li l-kriterji għal inklużjoni fil-listi inkwistjoni jirrigwardaw “persuni, entitajiet jew korpi [organi] responsabbli għal ksur serju tad-drittijiet tal-bniedem jew għar-repressjoni tas-soċjetà ċivili” u li “jibbenefikaw mir-reġim ta’ Lukashenko jew jappoġġawh”; dawn il-kriterji huma previsti mill-Artikolu 4(1)(a) u (b) tad-Deċiżjoni 2012/642. Għalhekk, l-allegazzjoni tar-rikorrenti essenzjalment tirrigwarda din id-dispożizzjoni tad-Deċiżjoni 2012/642.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">47</p>
</td>
<td valign="top">
<p class="normal">F’dan ir-rigward, skont il-ġurisprudenza, eċċezzjoni ta’ illegalità tista’ titqies li tkun tqajmet impliċitament, sa fejn jirriżulta b’mod ċar biżżejjed mir-rikors li r-rikorrent kellu l-ħsieb li jqajjem din l-eċċezzjoni (ara, f’dan is-sens, is-sentenzi tal‑15 ta’ Settembru 2016, Yanukovych vs Il‑Kunsill, T‑346/14, EU:T:2016:497, punt 56; tal‑15 ta’ Settembru 2016, Yanukovych vs Il‑Kunsill, T‑348/14, EU:T:2016:508, punt 57, u tat‑22 ta’ Settembru 2021, Al‑Imam vs Il‑Kunsill, T‑203/20, EU:T:2021:605, punt 39 (mhux ippubblikata)).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">48</p>
</td>
<td valign="top">
<p class="normal">Issa, mill-analiżi tar-rikors, b’mod partikolari mill-punt 104 tiegħu, jirriżulta li r-rikorrenti, mingħajr ma tqajjem formalment eċċezzjoni ta’ illegalità skont l-Artikolu 277 TFUE, qiegħda tinvoka l-illegalità tal-kriterji msemmija iktar ’il fuq, previsti fl-Artikolu 4(1)(a) u (b) tad-Deċiżjoni 2012/642, fil-kuntest tat-talbiet intiżi għall-annullament tal-atti inizjali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">49</p>
</td>
<td valign="top">
<p class="normal">F’dan ir-rigward, għandu jitfakkar li skont ġurisprudenza stabbilita, il-prinċipju ta’ ċertezza legali, li huwa prinċipju ġenerali tad-dritt tal-Unjoni, jeħtieġ, fost oħrajn, li r-regoli ta’ dritt ikunu ċari, preċiżi u prevedibbli fl-effetti tagħhom, b’mod partikolari meta jkun jista’ jkollhom effetti mhux favorevoli fuq l-individwi u fuq l-impriżi. Sanzjoni, anki jekk mhux ta’ natura kriminali, tista’ tiġi imposta biss jekk tkun ibbażata fuq bażi legali ċara u mhux ambigwa. Il-prinċipju ta’ ċertezza legali jimplika, b’mod partikolari, li kull leġiżlazzjoni tal-Unjoni, b’mod partikolari meta din tkun timponi jew tkun tippermetti li jiġu imposti sanzjonijiet, għandha tkun ċara u preċiża, sabiex il-persuni kkonċernati jkunu jistgħu jifhmu b’mod ċar id-drittijiet u l-obbligi li jirriżultaw minnha u jkunu jistgħu jieħdu l-passi neċessarji fid-dawl ta’ dan. Dan ir-rekwiżit ta’ bażi legali ċara u preċiża ġie stabbilit ukoll fil-qasam tal-miżuri restrittivi (ara s-sentenza tal‑4 ta’ Settembru 2015, NIOC et vs Il‑Kunsill, T‑577/12, mhux ippubblikata, EU:T:2015:596, punti 131 u 132 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">50</p>
</td>
<td valign="top">
<p class="normal">Skont ġurisprudenza stabbilita, sabiex tingħata interpretazzjoni ta’ dispożizzjoni tad-dritt tal-Unjoni, mhux biss għandu jittieħed inkunsiderazzjoni kliemha, iżda wkoll il-kuntest tagħha u l-għanijiet imfittxija mil-leġiżlazzjoni li tkun tagħmel parti minnha. L-oriġini ta’ dispożizzjoni tad-dritt tal-Unjoni tista’ wkoll tipprovdi informazzjoni rilevanti għall-interpretazzjoni tagħha (ara s-sentenza tat‑2 ta’ Settembru 2021, CRCAM, C‑337/20, EU:C:2021:671, punt 31 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">51</p>
</td>
<td valign="top">
<p class="normal">Barra minn hekk, hija l-qorti tal-Unjoni li, fil-kuntest tal-istħarriġ ġudizzjarju tal-miżuri restrittivi, għandha tagħti lill-Kunsill marġni wiesgħa ta’ diskrezzjoni sabiex jistabbilixxi l-kriterji ġenerali li jiddefinixxu l-kategorija ta’ persuni li jistgħu jkunu s-suġġett tal-miżuri restrittivi (sentenza tat‑13 ta’ Settembru 2018, Vnesheconombank vs Il‑Kunsill, T‑737/14, mhux ippubblikata, EU:T:2018:543, punt 94).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">52</p>
</td>
<td valign="top">
<p class="normal">L-użu ta’ kliem vag f’dispożizzjoni mhux neċessarjament iwassal għal ksur tal-libertajiet fundamentali, u l-fatt li liġi tagħti setgħa ta’ evalwazzjoni ma jmurx, fih innifsu, kontra r-rekwiżit ta’ prevedibbiltà, kemm‑il darba l-portata u r-regoli għall-eżerċizzju ta’ tali setgħa jkunu ddefiniti b’mod ċar biżżejjed, fid-dawl tal-għan leġittimu inkwistjoni, sabiex l-individwu jingħata protezzjoni adegwata kontra l-arbitrarjetà. Barra minn hekk, ir-rekwiżit ta’ prevedibbiltà li jakkumpanja l-prinċipju ta’ legalità tal-pieni – liema prinċipju jeħtieġ li l-liġi tiddefinixxi b’mod ċar ir-reati u l-pieni – ma jipprekludix li l-liġi tagħti setgħa ta’ evalwazzjoni li l-portata tagħha u r-regoli għall-eżerċizzju tagħha jkunu ddefiniti b’mod ċar biżżejjed. Dawn il-prinċipji ġurisprudenzjali japplikaw ukoll fir-rigward tal-miżuri restrittivi li, minkejja li ma humiex, bħala prinċipju, intiżi sabiex jissanzjonaw reat, iżda jikkostitwixxu minflok miżuri preventivi, jaffettwaw serjament id-drittijiet u l-libertajiet tal-persuni kkonċernati (ara, f’dan is-sens, is-sentenzi tas‑16 ta’ Lulju 2014, National Iranian Oil Company vs Il‑Kunsill, T‑578/12, mhux ippubblikata, EU:T:2014:678, punti 116 u 117, u tal‑4 ta’ Settembru 2015, NIOC et vs Il‑Kunsill, T‑577/12, mhux ippubblikata, EU:T:2015:596, punti 135 u 136 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">53</p>
</td>
<td valign="top">
<p class="normal">Fid-dawl tal-premess, għandu jiġi kkonstatat, l-ewwel nett, li l-formulazzjoni wiesgħa ta’ kriterji kontenzjużi li jagħtu setgħa ta’ evalwazzjoni lill-Kunsill tista’ tkun kompatibbli mal-prinċipji ta’ proporzjonalità u ta’ ċertezza legali (ara, f’dan is-sens, is-sentenza tat‑22 ta’ Settembru 2016, Tose’ e Ta’ avon Bank vs Il‑Kunsill, T‑435/14, mhux ippubblikata, EU:T:2016:531, punt 39).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">54</p>
</td>
<td valign="top">
<p class="normal">It-tieni nett, għandu jiġi rrilevat li t-tifsira u l-portata tal-kliem inkwistjoni għandhom jiġu stabbiliti skont is-sens tiegħu fil-lingwaġġ ta’ kuljum, filwaqt li jittieħed inkunsiderazzjoni l-kuntest li fih jintuża u l-għanijiet imfittxija mil-leġiżlazzjoni li jagħmel parti minnha, u dan filwaqt li jiġi ppreċiżat li l-interpretazzjoni ta’ dispożizzjoni tad-dritt tal-Unjoni ma jistax ikollha r-riżultat li ċċaħħad il-formulazzjoni ċara u preċiża ta’ din id-dispożizzjoni minn kull effett utli (sentenza tat‑18 ta’ Ottubru 2023, MAZ‑upravljajusaja kompanija holdinga Belavtomaz vs Il‑Kunsill, T‑532/21, mhux ippubblikata, EU:T:2023:656, punt 52).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">55</p>
</td>
<td valign="top">
<p class="normal">Għandu jitfakkar ukoll li regolament li jipprevedi miżuri restrittivi mhux biss għandu jiġi interpretat fid-dawl tad-deċiżjoni adottata fil-kuntest tal-politika estera u ta’ sigurtà komuni, imsemmija fl-Artikolu 215(2) TFUE, iżda wkoll fid-dawl tal-kuntest storiku li fih ikunu ġew adottati d-dispożizzjonijiet mill-Unjoni u li jagħmel parti minnhom dan ir-regolament. L-istess jgħodd għal deċiżjoni adottata fil-qasam tal-politika estera u ta’ sigurtà komuni, li għandha tiġi interpretata billi jittieħed inkunsiderazzjoni l-kuntest li fih tkun ġiet adottata (sentenza tat‑18 ta’ Ottubru 2023, MAZ‑upravljajusaja kompanija holdinga Belavtomaz vs Il‑Kunsill, T‑532/21, mhux ippubblikata, EU:T:2023:656, punt 53).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">56</p>
</td>
<td valign="top">
<p class="normal">Fid-dawl tal-ġurisprudenza ċċitata fil-punt 55 iktar ’il fuq, għandu jiġi osservat li, fil-kuntest tal-miżuri restrittivi meħuda kontra l-Bjelorussja sa mill‑2004, il-kriterji ta’ “benefiċċju” mir-reġim ta’ Lukashenko u ta’ “appoġġ” lill-imsemmi reġim ġew introdotti permezz tal-Artikolu 1(1) u (2) tad-Deċiżjoni tal-Kunsill 2012/36/PESK tat‑23 ta’ Jannar 2012 li temenda d-Deċiżjoni 2010/639/PESK dwar miżuri restrittivi kontra l-Bjelorussja (ĠU 2012, L 19, p. 31).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">57</p>
</td>
<td valign="top">
<p class="normal">Mill-premessi 3 u 4 tad-Deċiżjoni 2012/36 kien jirriżulta li, fid-dawl tal-gravità tas-sitwazzjoni fil-Bjelorussja, kellhom jiġu adottati miżuri restrittivi addizzjonali kontra dan il-pajjiż, b’mod partikolari fir-rigward tal-persuni u tal-entitajiet li kienu qegħdin jibbenefikaw mir-reġim ta’ Lukashenko jew kienu qegħdin jappoġġjawh, b’mod partikolari l-persuni u l-entitajiet li jappoġġjawh finanzjarjament jew materjalment.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">58</p>
</td>
<td valign="top">
<p class="normal">L-Artikolu 2 tar-Regolament Nru 765/2006 ġie għalhekk emendat permezz tal-Artikolu 1 tar-Regolament tal-Kunsill (UE) Nru 114/2012 tal‑10 ta’ Frar 2012 li jemenda r-Regolament Nru 765/2006 (ĠU 2012, L 38, p. 3).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">59</p>
</td>
<td valign="top">
<p class="normal">Fl‑1 ta’ Novembru 2012, id-Deċiżjoni tal-Kunsill 2010/639/PESK tal‑25 ta’ Ottubru 2010 dwar miżuri restrittivi kontra ċerti uffiċjali tal-Bjelorussja (ĠU 2010, L 280, p. 18) tħassret u ġiet issostitwita bid-Deċiżjoni 2012/642.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">60</p>
</td>
<td valign="top">
<p class="normal">Kif jirriżulta mill-premessi 1 sa 5 u 8 tad-Deċiżjoni 2012/642, il-miżuri restrittivi kontra l-Bjelorussja ttieħdu u ġew estiżi minħabba n-nuqqas ta’ rispett persistenti, f’dan il-pajjiż, tad-drittijiet tal-bniedem u n-nuqqas ta’ osservanza persistenti tad-demokrazija u tal-Istat tad-dritt u ġew, minħabba f’hekk, immirati, b’mod partikolari, lejn il-persuni responsabbli għal frodi u għal ksur tal-istandards elettorali internazzjonali b’rabta ma’ ċerti proċeduri elettorali jew referendarji fil-Bjelorussja, kif ukoll lejn il-persuni responsabbli għal ksur serju tad-drittijiet tal-bniedem u għar-repressjoni ta’ dimostranti paċifiċi wara l-imsemmija proċeduri.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">61</p>
</td>
<td valign="top">
<p class="normal">Barra minn hekk, f’dan ir-rigward, għandu jitfakkar li mill-premessa 6 tad-Deċiżjoni 2012/642 jirriżulta li, fir-rigward tal-persuni u tal-entitajiet li qegħdin jibbenefikaw mir-reġim ta’ Lukashenko jew li qegħdin jappoġġjawh, l-għan huwa li jkunu fil-mira kull persuna jew entità li jappoġġjawh, b’mod partikolari, iżda mhux biss, il-persuni u l-entitajiet li jappoġġjawh finanzjarjament jew materjalment.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">62</p>
</td>
<td valign="top">
<p class="normal">Mill-premess jirriżulta li, billi stabbilixxa l-benefiċċju mir-reġim ta’ Lukashenko, kif ukoll l-appoġġ lill-imsemmi reġim, bħala kriterji li jiġġustifikaw l-inklużjoni ta’ isem fil-listi inkwistjoni, il-Kunsill, fid-dawl tal-gravità u tal-persistenza tal-ksur tad-drittijiet tal-bniedem, tad-demokrazija u tal-Istat tad-dritt, kif ukoll tar-repressjoni tas-soċjetà ċivili u tal-oppożizzjoni demokratika fil-Bjelorussja, ried iżid il-pressjoni fuq l-imsemmi reġim billi wessa’ l-kategorija tal-persuni u tal-entitajiet milquta mill-miżuri restrittivi tal-Unjoni. F’dan ir-rigward, il-Kunsill ippreveda l-possibbiltà li jiġu applikati miżuri ta’ ffriżar tal-fondi u tar-riżorsi ekonomiċi, b’mod partikolari, għall-persuni u għall-entitajiet li jibbenefikaw mir-reġim ta’ Lukashenko u jappoġġjawh, b’mod partikolari, iżda mhux biss, dawk li jappoġġjawh finanzjarjament (ara, f’dan is-sens, is-sentenza tat‑18 ta’ Ottubru 2023, MAZ‑upravljajusaja kompanija holdinga Belavtomaz vs Il‑Kunsill, T‑532/21, mhux ippubblikata, EU:T:2023:656, punt 60).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">63</p>
</td>
<td valign="top">
<p class="normal">Fir-rigward tal-persuni, tal-entitajiet jew tal-organi responsabbli għar-repressjoni tas-soċjetà ċivili u tal-oppożizzjoni demokratika, mill-kuntest li fih jintuża l-kliem “responsabbli għar-repressjoni”, u, b’mod partikolari, mill-użu, fl-Artikolu 4(1)(a) tad-Deċiżjoni 2012/642 u fl-Artikolu 2(4) tar-Regolament Nru 765/2006, tal-kliem “persuni, entitajiet jew korpi responsabbli […] għar-repressjoni tas-soċjetà ċivili u tal-oppożizzjoni demokratika, jew li l-attivitajiet tagħhom ikunu serjament jipperikolaw [b’xi mod ieħor] id-demokrazija jew l-istat tad-dritt fil-Bjelorussja”, jirriżulta li l-intenzjoni tal-leġiżlatur kienet li b’dan il-kriterju jkopri, b’mod ġenerali, kull persuna, entità jew organu li l-attivitajiet tagħhom jipperikolaw serjament id-demokrazija jew l-Istat tad-dritt fil-Bjelorussja. Barra minn hekk, l-użu tal-frażi “b’xi mod ieħor” fit-tieni parti tal-imsemmija dispożizzjonijiet juri l-intenzjoni tal-leġiżlatur li jqis ir-repressjoni tas-soċjetà ċivili u tal-oppożizzjoni demokratika bħala tip ta’ attivitajiet li jipperikolaw serjament id-demokrazija jew l-Istat tad-dritt fil-Bjelorussja. Fl-aħħar, l-użu tal-kelma “attivitajiet” jindika l-intenzjoni tal-leġiżlatur li jkopri l-persuni, l-entitajiet jew l-organi li l-attivitajiet tagħhom jipperikolaw serjament id-demokrazija jew l-Istat tad-dritt fil-Bjelorussja minħabba l-fatt li dawn l-attivitajiet jikkontribwixxu għall-imsemmija perikoli, irrispettivament minn jekk hemmx intenzjoni f’dan ir-rigward (sentenza tal‑15 ta’ Frar 2023, Belaeronavigatsia vs Il‑Kunsill, T‑536/21, EU:T:2023:66, punt 27).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">64</p>
</td>
<td valign="top">
<p class="normal">It-tielet nett, l-allegazzjonijiet tar-rikorrenti dwar l-interpretazzjoni tal-kliem użat fil-kriterji għal inklużjoni, jiġifieri, f’dan il-każ, tal-espressjoni “reġim ta’ Lukashenko”, tal-kelma “appoġġ”, tal-kunċett ta’ “benefiċċju”, tal-espressjoni “soċjetà ċivili” u tal-kelma “repressjoni” ma jorbtux mal-osservanza tal-prinċipju ta’ ċertezza legali, iżda mal-applikazzjoni ta’ dawn il-kriterji mill-Kunsill, li huwa s-suġġett tat-tieni motiv.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">65</p>
</td>
<td valign="top">
<p class="normal">B’hekk, l-argumenti mressqa mir-rikorrenti ma jikkontestawx il-legalità tal-kriterji stabbiliti mill-Artikolu 4(1)(a) u (b) tad-Deċiżjoni 2012/642 li huma ċari u preċiżi biżżejjed. Għalhekk, dawn il-kriterji josservaw il-prinċipju ta’ ċertezza legali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">66</p>
</td>
<td valign="top">
<p class="normal">Għaldaqstant, il-ħames parti tal-ewwel motiv għandha tiġi miċħuda.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq it‑tieni motiv, ibbażat fuq żball ta’ evalwazzjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">67</p>
</td>
<td valign="top">
<p class="normal">It-tieni motiv jinqasam f’żewġ partijiet. L-ewwel parti hija bbażata fuq l-allegazzjoni li ma nġiebet ebda prova li turi li r-rikorrenti qiegħda tibbenefika mir-reġim ta’ Lukashenko jew tappoġġjah. It-tieni parti hija bbażata fuq l-allegazzjoni li ma nġiebet ebda prova li r-rikorrenti hija responsabbli għar-repressjoni tas-soċjetà ċivili fil-Bjelorussja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">68</p>
</td>
<td valign="top">
<p class="normal">Qabelxejn, għandu jiġi rrilevat li t-tieni motiv għandu jitqies li huwa bbażat fuq żball ta’ evalwazzjoni, u mhux fuq żball manifest ta’ evalwazzjoni. Fil-fatt, għalkemm huwa minnu li l-Kunsill igawdi minn ċertu setgħa ta’ evalwazzjoni sabiex jiddetermina, każ b’każ, jekk ikunux issodisfatti l-kriterji legali li fuqhom huma bbażati l-miżuri restrittivi inkwistjoni, xorta jibqa’ l-fatt li l-qrati tal-Unjoni għandhom iwettqu stħarriġ, bħala prinċipju stħarriġ sħiħ, tal-legalità tal-atti kollha tal-Unjoni (ara s-sentenza tas‑6 ta’ Settembru 2023, Pumpyanskiy vs Il‑Kunsill, T‑291/22, mhux ippubblikata, EU:T:2023:499, punt 40 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">69</p>
</td>
<td valign="top">
<p class="normal">Barra minn hekk, għandu jitfakkar li l-effettività tal-istħarriġ ġudizzjarju ggarantita mill-Artikolu 47 tal-Karta tad-Drittijiet Fundamentali tal-Unjoni Ewropea teħtieġ, b’mod partikolari li, bħala parti mill-istħarriġ tal-legalità tal-motivi li fuqhom tkun ibbażata d-deċiżjoni li jiġi inkluż jew li jinżamm isem persuna jew entità fil-listi ta’ persuni fil-mira ta’ miżuri restrittivi, il-qorti tal-Unjoni għandha tara li din id-deċiżjoni, li tkun taffettwa individwalment lil din il-persuna jew lil din l-entità, tkun ibbażata fuq bażi fattwali soda biżżejjed. Dan jimplika verifika tal-fatti allegati fl-espożizzjoni tal-motivi li fuqhom hija bbażata l-imsemmija deċiżjoni, b’mod li l-istħarriġ ġudizzjarju ma jkunx limitat għall-evalwazzjoni tal-verosimiljanza astratta tal-motivi invokati, iżda jkun jikkonċerna l-kwistjoni dwar jekk dawn il-motivi jew, tal-inqas, wieħed minn dawn il-motivi, li jitqies biżżejjed fih innifsu sabiex isostni din l-istess deċiżjoni, humiex ikkorroborati (sentenza tat‑13 ta’ Settembru 2023, Synesis vs Il‑Kunsill, T‑97/21 u T‑215/22, mhux ippubblikata, EU:T:2023:531, punt 35).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">70</p>
</td>
<td valign="top">
<p class="normal">Hija effettivament l-awtorità kompetenti tal-Unjoni li għandha, fil-każ ta’ tilwima, tistabbilixxi l-fondatezza tal-motivi invokati kontra l-persuna jew l-entità kkonċernata u mhux dawn tal-aħħar li għandhom iġibu prova negattiva li l-imsemmija motivi ma humiex fondati (ara s-sentenza tat‑13 ta’ Settembru 2023, Synesis vs Il‑Kunsill, T‑97/21 u T‑215/22, mhux ippubblikata, EU:T:2023:531, punt 37 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">71</p>
</td>
<td valign="top">
<p class="normal">Jekk l-awtorità kompetenti tal-Unjoni tipprovdi informazzjoni jew tipproduċi provi rilevanti, il-qorti tal-Unjoni għandha tivverifika l-eżattezza materjali tal-fatti allegati fir-rigward ta’ din l-informazzjoni jew ta’ dawn il-provi u tevalwa s-saħħa probatorja ta’ dawn tal-aħħar skont iċ-ċirkustanzi tal-każ u fid-dawl tal-osservazzjonijiet li jistgħu jkunu ppreżentati fir-rigward tagħhom, b’mod partikolari, mill-persuna jew entità kkonċernata (ara s-sentenza tat‑13 ta’ Settembru 2023, Synesis vs Il‑Kunsill, T‑97/21 u T‑215/22, mhux ippubblikata, EU:T:2023:531, punt 38 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">72</p>
</td>
<td valign="top">
<p class="normal">Għandu jitfakkar li l-inklużjoni ta’ isem ir-rikorrenti fil-listi inkwistjoni kienet iġġustifikata mill-motivi mfakkra fil-punt 13 iktar ’il fuq. Għalhekk, għandu jiġi eżaminat, fl-ewwel lok, jekk il-fatti mressqa fl-espożizzjoni tal-motivi tad-deċiżjoni tal-inklużjoni tar-rikorrenti fil-listi inkwistjoni humiex stabbiliti u mbagħad, fit-tieni lok, jekk jaqgħux taħt l-Artikolu 4(1)(a) u (b) tad-Deċiżjoni 2012/642.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">Fuq l‑ewwel parti, ibbażata fuq l‑allegazzjoni li ma nġiebet ebda prova li turi li r‑rikorrenti qiegħda tibbenefika mir‑reġim ta’ Lukashenko jew tappoġġjah</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">73</p>
</td>
<td valign="top">
<p class="normal">Ir-rikorrenti tikkontesta l-motiv tal-inklużjoni tagħha fil-listi inkwistjoni fis-sens li hija qiegħda tibbenefika mir-reġim ta’ Lukashenko jew tappoġġjah.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">74</p>
</td>
<td valign="top">
<p class="normal">Fl-ewwel lok, fir-rigward tad-dikjarazzjoni li r-rikorrenti “hija impriża pubblika”, ir-rikorrenti tikkonferma li l-ishma tagħha huma proprjetà tar-Repubblika tal-Bjelorussja. Madankollu, il-Gvern tar-Repubblika tal-Bjelorussja ma huwa suġġett għal ebda miżura restrittiva u ma jidhirx li jaqa’ taħt ir-reġim ta’ Lukashenko. Barra minn hekk, is-sempliċi fatt li l-ishma tagħha huma proprjetà tar-Repubblika tal-Bjelorussja ma jfissirx li hija appoġġjat lir-reġim ta’ Lukashenko u/jew ibbenefikat minnu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">75</p>
</td>
<td valign="top">
<p class="normal">Fit-tieni lok, fir-rigward tad-dikjarazzjoni li r-rikorrenti “hija waħda mill-ikbar produtturi tal-potassa fid-dinja, li tforni 20 % tal-esportazzjonijiet dinjija tal-potassa” u li “[h]ija għalhekk sors ewlieni ta’ dħul u ta’ muniti barranin għar-reġim ta’ Lukashenko”, din sempliċement tikkonferma li r-rikorrenti hija waħda mill-ikbar produtturi tal-potassa fid-dinja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">76</p>
</td>
<td valign="top">
<p class="normal">Ir-rikorrenti tippreċiża li bħall-kumpanniji l-oħra kollha tal-Bjelorussja, hija obbligata tikkontribwixxi finanzjarjament għall-baġit tal-Istat, kif teżiġi l-leġiżlazzjoni Bjelorussa, bħala konsegwenza tal-attivitajiet ekonomiċi tagħha. Madankollu, kif proprju jirriżulta mill-ġurisprudenza, it-taxxi mħallsa ma humiex forma ta’ finanzjament tar-reġim. L-istess jgħodd għall-kontribuzzjonijiet tal-kumpannija għall-fond baġitarju mmirat tal-Istat (State target budget fund) għall-iżvilupp nazzjonali u għat-tqassim ta’ dividendi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">77</p>
</td>
<td valign="top">
<p class="normal">Fit-tielet lok, fir-rigward tad-dikjarazzjoni li “Lukashenko ddeskriviha bħala ‘teżor nazzjonali, kburija, wieħed mill-pilastri tal-esportazzjonijiet Bjelorussi’”, ir-rikorrenti tosserva li din hija biss figura rettorika u mhux indizju li hija għandha xi status speċjali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">78</p>
</td>
<td valign="top">
<p class="normal">Il-Kunsill, sostnut mir-Renju tal-Belġju u mir-Repubblika tal-Latvja, jikkontesta dawn l-argumenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">79</p>
</td>
<td valign="top">
<p class="normal">Fl-ewwel lok, huwa stabbilit, qabelxejn, li r-rikorrenti tappartjeni lill-Istat, peress li l-ishma kollha tagħha huma proprjetà tar-Repubblika tal-Bjelorussja. Ir-rikorrenti ppreċiżat, barra minn hekk, li l-Kumitat tal-Proprjetà tal-Istat kien is-sid benefiċjarju aħħari (ultimate beneficial owner) tagħha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">80</p>
</td>
<td valign="top">
<p class="normal">Barra minn hekk, minn naħa, ir-rikorrenti stess tirrikonoxxi, kif jirriżulta wkoll mill-proċess, li hija “fil-fatt waħda mill-ikbar produtturi tal-potassa fid-dinja [li] pproduċiet 12 045 920 tunnellata ta’ potassa fl‑2019, 12 479 064 tunnellata fl‑2020 u 13 798 250.39 tunnellata fl‑2021”, li s-“sehem tal-fertilizzanti bil-potassju prodotti [minnha] fis-suq dinji huwa ta’ madwar 20 %”, li l-“fertilizzanti bil-potassju Bjelorussi ġew esportati lejn iktar minn 110 pajjiż madwar id-dinja” u li hija “waħda mill-ikbar impjegaturi fil-pajjiż [li] timpjega 17 622 ħaddiem”. Min-naħa l-oħra, hija ma tikkontestax il-fatt, irrapportat mill-Kunsill, li l-President Lukashenko ddeskriviha bħala “teżor nazzjonali, kburija, wieħed mill-pilastri tal-esportazzjonijiet Bjelorussi”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">81</p>
</td>
<td valign="top">
<p class="normal">Sussegwentement, ir-rikorrenti ma tikkontestax li d-Direttur Ġenerali tagħha nħatar mill-President Lukashenko u li l-Kunsill tal-Ministri tar-Repubblika tal-Bjelorussja ħatar lill-Ewwel Viċi Prim Ministru u lill-Ministru għall-Finanzi bħala rappreżentanti tal-Istat fi ħdan ir-rikorrenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">82</p>
</td>
<td valign="top">
<p class="normal">Fl-aħħar nett, ir-rikorrenti lanqas ma tikkontesta l-informazzjoni rrapportata mill-Kunsill li, fl‑2019, hija għamlet profitt nett ta’ iktar minn 4.797 biljun rublu Bjelorussu (BYN) (madwar EUR 1.8 biljun). Barra minn hekk, hija tikkonferma, minn naħa, li hija tħallas dividendi lill-Istat, peress li huwa l-azzjonist tagħha u, min-naħa l-oħra, li hija ħallset, minbarra t-taxxa, kontribuzzjonijiet obbligatorji għall-fond baġitarju mmirat tal-Istat għall-iżvilupp nazzjonali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">83</p>
</td>
<td valign="top">
<p class="normal">Għaldaqstant, il-Kunsill ma wettaq ebda żball meta qies li r-rikorrenti kienet impriża pubblika u wieħed mill-ikbar produtturi ta’ potassa fid-dinja, li kienet tforni 20 % tal-esportazzjonijiet dinjija ta’ potassa, u li kienet għalhekk wieħed mis-sorsi ewlenin ta’ dħul u ta’ muniti barranin għar-reġim ta’ Lukashenko.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">84</p>
</td>
<td valign="top">
<p class="normal">Fit-tieni lok, ir-rikorrenti ssostni li l-fatturi msemmija iktar ’il fuq la juru “appoġġ lir-reġim” u lanqas li hija qiegħda tibbenefika minnu fis-sens tal-Artikolu 4(1)(b) tad-Deċiżjoni 2012/642.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">85</p>
</td>
<td valign="top">
<p class="normal">Skont il-ġurisprudenza ċċitata fil-punt 54 iktar ’il fuq, it-tifsira u l-portata tal-kliem inkwistjoni għandhom jiġu stabbiliti skont is-sens tiegħu fil-lingwaġġ ta’ kuljum u dan filwaqt li jittieħdu inkunsiderazzjoni, b’mod partikolari, l-għanijiet imfittxija mil-leġiżlazzjoni li minnha jagħmlu parti, kif ukoll ir-rekwiżit li jinżamm l-effett utli tal-formulazzjoni ċara u preċiża tagħhom.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">86</p>
</td>
<td valign="top">
<p class="normal">Preliminarjament, għandu jiġi rrilevat li kemm mill-formulazzjoni ċara u preċiża tal-Artikolu 4(1)(b) tad-Deċiżjoni 2012/642, li jirrigwarda l-persuni u l-entitajiet li “jibbenefikaw mir-reġim ta’ Lukashenko jew jappoġġawh”, kif ukoll mill-għan imfittex minn din id-dispożizzjoni, li huwa li tiżdied il-pressjoni fuq l-imsemmi reġim, jirriżulta li huma r-relazzjonijiet li għandhom ċerti persuni u entitajiet ma’ dan ir-reġim li jiġġustifikaw l-adozzjoni ta’ miżuri restrittivi, meta dawn ir-relazzjonijiet jieħdu l-forma ta’ appoġġ, b’mod partikolari appoġġ finanzjarju (ara, f’dan is-sens, is-sentenza tat‑18 ta’ Ottubru 2023, MAZ‑upravljajusaja kompanija holdinga Belavtomaz vs Il‑Kunsill, T‑532/21, mhux ippubblikata, EU:T:2023:656, punt 65).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">87</p>
</td>
<td valign="top">
<p class="normal">Minn naħa, fir-rigward tal-appoġġ lir-reġim, il-Kunsill isostni li r-rikorrenti tagħti appoġġ fil-forma ta’ dħul, b’mod partikolari ta’ dividendi, ta’ taxxi fuq il-profitti, ta’ taxxa fuq il-valur miżjud (VAT) u ta’ dazji tas-sisa li l-konsumaturi finali jħallsu fuq il-prodotti tagħha, kif ukoll ta’ taxxi fuq id-dħul u ta’ kontribuzzjonijiet tas-sigurtà soċjali tal-impjegati tagħha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">88</p>
</td>
<td valign="top">
<p class="normal">Fil-fatt, mill-proċess jirriżulta li l-appoġġ finanzjarju tar-rikorrenti mit-taxxi u mid-dazji fuq l-esportazzjoni jirrappreżenta minn 8 sa 10 % tal-baġit totali tal-Bjelorussja. Fl‑2019, id-dħul tagħha laħaq BYN 4.797 biljun (madwar EUR 1.8 biljun). Id-dividendi li rċeviet il-Bjelorussja fl-istess sena ġew stmati BYN 64.03 (madwar EUR 24) kull sehem.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">89</p>
</td>
<td valign="top">
<p class="normal">Il-Kunsill qies ukoll, b’mod partikolari, li r-rikorrenti kienet waħda mill-ikbar produtturi tal-potassa fid-dinja, li kienet tforni 20 % tal-esportazzjonijiet dinjija tal-potassa, li hija kienet tirrappreżenta wieħed mis-sorsi ewlenin ta’ dħul u ta’ muniti barranin għar-reġim ta’ Lukashenko u li l-President Lukashenko kien iddikjara li l-Gvern kien għadu qiegħed isostniha u li huwa kien iddeskriva bħala “teżor nazzjonali, kburija, wieħed mill-pilastri tal-esportazzjonijiet Bjelorussi”, fatt li ma huwiex ikkontestat mir-rikorrenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">90</p>
</td>
<td valign="top">
<p class="normal">Barra minn hekk, ir-rikorrenti ssostni li, skont il-leġiżlazzjoni Bjelorussa, hija għandha tikkontribwixxi finanzjarjament għall-baġit tal-Istat minħabba l-attivitajiet ekonomiċi tagħha, u li l-fondi miġbura għandhom jintużaw b’osservanza stretta tal-liġijiet Bjelorussi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">91</p>
</td>
<td valign="top">
<p class="normal">F’dan ir-rigward, skont ir-Riżoluzzjoni Nru 772 tat‑18 ta’ Novembru 2019 tal-Kunsill tal-Ministri tar-Repubblika tal-Bjelorussja, ir-rikorrenti, għall-ewwel semestru tal‑2019, kellha, skont il-paragrafu 3‑2 tal-Editt tal-President tar-Repubblika tal-Bjelorussja Nru 637 tat‑28 ta’ Diċembru 2005 dwar il-proċedura għall-inklużjoni fil-baġit ta’ parti mill-profitti tal-impriżi tal-Istat, tal-assoċjazzjonijiet tal-Istat li huma organizzazzjonijiet kummerċjali, kif ukoll tad-dħul mid-dividendi (ishma fil-kapital azzjonarju) tal-kumpanniji kummerċjali miżmuma mill-Istat jew mill-muniċipalitajiet u dwar it-twaqqif ta’ fond baġitarju speċjali tal-Istat għall-iżvilupp nazzjonali (ir-Reġistru Nazzjonali tal-Atti Legali tar-Repubblika tal-Bjelorussj, Nru 1/7075, tad‑29 ta’ Diċembru 2005, iktar ’il quddiem l-“Editt Nru 637”).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">92</p>
</td>
<td valign="top">
<p class="normal">Għandu jiġi rrilevat li l-kliem stess tal-Artikolu 4(1)(b) tad-Deċiżjoni 2012/642, li għalih jirreferi l-Artikolu 2(5) tar-Regolament Nru 765/2006, jirrigwarda l-“appoġġ” lir-reġim ta’ Lukashenko. B’hekk, is-sempliċi fatt li r-rikorrenti tħallas dividendi lill-Istat Bjelorussu, li huma għalhekk għad-dispożizzjoni tar-reġim ta’ Lukashenko, kif ukoll kontribuzzjonijiet obbligatorji għall-fond baġitarju mmirat tal-Istat għall-iżvilupp nazzjonali, huwa biżżejjed sabiex tiġi stabbilita l-eżistenza ta’ appoġġ finanzjarju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">93</p>
</td>
<td valign="top">
<p class="normal">Huwa minnu li l-Qorti Ġenerali ddeċidiet, fil-kawża li wasslet għas-sentenza tas‑6 ta’ Ottubru 2015, Chyzh et vs Il‑Kunsill (T‑276/12, mhux ippubblikata, EU:T:2015:748, punt 169), li l-Kunsill ma jistax jiddeduċi “appoġġ lir-reġim” mill-ħlas tat-taxxi, sa fejn tali ħlas ikun jikkostitwixxi obbligu legali applikabbli għall-kontribwenti Bjelorussi kollha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">94</p>
</td>
<td valign="top">
<p class="normal">Madankollu, f’dan il-każ, l-argument tar-rikorrenti, ibbażat fuq l-ekwiparazzjoni tad-dividendi mat-taxxi fis-sens tal-ġurisprudenza ċċitata fil-punt 93 iktar ’il fuq, ma jistax jintlaqa’.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">95</p>
</td>
<td valign="top">
<p class="normal">Fil-fatt, mill-paragrafu 1‑1 tal-Editt Nru 637 jirriżulta li l-impriżi li għandhom l-obbligu li jħallsu parti mill-profitti lill-Istat jew lill-entitajiet infrastatali huma dawk li d-deċiżjonijiet tagħhom jiġu ddeterminati mill-Istat jew mill-imsemmija entitajiet. B’hekk, dan l-obbligu ma jikkonċernax il-kontribwenti Bjelorussi kollha, iżda biss kategorija ddelimitata ta’ operaturi ekonomiċi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">96</p>
</td>
<td valign="top">
<p class="normal">Barra minn hekk, skont il-paragrafu 1‑2 tal-Editt Nru 637, il-parti mill-profitt tal-impriżi kkonċernati li għandha titħallas b’mod obbligatorju lill-awtoritajiet pubbliċi Bjelorussi għandha tiġi kkalkolata abbażi tad-differenza bejn il-profitt riċevut u, b’mod partikolari, l-ispejjeż marbuta mal-imposti u t-taxxi. Konsegwentement, il-ħlas inkwistjoni huwa formalment distint mill-imposti u jiżdied ma’ dawn tal-aħħar. Il-fatt li, kif jirriżulta mill-paragrafu 3‑1 tal-Editt Nru 637, l-irkupru ta’ din il-parti mill-profitt huwa fil-kompetenza tal-amministrazzjoni fiskali, b’osservanza tal-proċeduri fiskali rilevanti, ma jistax iqiegħed f’dubju din il-konstatazzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">97</p>
</td>
<td valign="top">
<p class="normal">Għaldaqstant, għandu jiġi osservat li l-fatt li, skont l-Editt Nru 673, ir-rikorrenti hija obbligata tħallas parti mill-profitti tagħha lill-Istat jikkonferma l-evalwazzjoni li hija qiegħda tappoġġja finanzjarjament lir-reġim ta’ Lukashenko peress li, bl-istess mod, l-imsemmi reġim żied il-kontroll li huwa diġà kellu, bħala azzjonist uniku, fuq ir-riżorsi tar-rikorrenti billi jara li kontinwament ikollu parti mill-profitti li hija kienet tagħmel.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">98</p>
</td>
<td valign="top">
<p class="normal">Barra minn hekk, ir-rikorrenti ssostni li l-kliem tal-President Lukashenko li hija “teżor nazzjonali, kburija, wieħed mill-pilastri tal-esportazzjonijiet Bjelorussi”, ma jurix li hija għandha xi status speċjali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">99</p>
</td>
<td valign="top">
<p class="normal">F’dan ir-rigward, minn naħa, għandu jiġi osservat li r-rikorrenti ma tikkontestax il-fatt li dan il-kliem imsemmi fil-punt 98 iktar ’il fuq mill-President Lukashenko. Min-naħa l-oħra, anki jekk dan il-kliem ma jixhidx, fih innifsu, l-appoġġ tar-rikorrenti lir-reġim tal-President Lukashenko, huwa indizju tar-rwol ewlieni li hija għandha fl-ekonomija Bjelorussa.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">100</p>
</td>
<td valign="top">
<p class="normal">Min-naħa l-oħra, fir-rigward tal-kunċett ta’ “benefiċċju” mir-reġim ta’ Lukashenko, huwa stabbilit li r-rikorrenti hija l-uniku produttur ta’ fertilizzanti bil-potassju fil-Bjelorussja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">101</p>
</td>
<td valign="top">
<p class="normal">Fir-rigward tas-settur tal-fertilizzanti bil-potassju, minbarra l-fatt li dan tal-aħħar huwa settur irregolat ħafna fil-Bjelorussja, kif proprju tammetti r-rikorrenti stess, mill-provi prodotti mill-Kunsill jirriżulta li dan is-settur huwa sors ta’ dħul sinjifikattiv. F’dan ir-rigward, huwa biżżejjed li jitfakkar li, fl‑2019, ir-rikorrenti għamlet profitt nett ta’ iktar minn BYN 4.797 biljun (madwar EUR 1.8 biljun) (ara l-punt 88 iktar ’il fuq).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">102</p>
</td>
<td valign="top">
<p class="normal">Fil-fatt, diversi provi prodotti mill-Kunsill dwar is-sitwazzjoni ekonomika fil-Bjelorussja, b’mod partikolari l-artiklu ppubblikat fuq is-sit internet “cepa.org” fit‑8 ta’ Diċembru 2021, l-artiklu ppubblikat fuq is-sit internet “naviny.belsat.eu” fil‑15 ta’ Ottubru 2015, l-artiklu ppubblikat fuq is-sit internet “news.tut.by” fit‑13 ta’ Diċembru 2016, l-artiklu ppubblikat fuq is-sit internet “en.belapan.by” fid‑9 ta’ Lulju 2020, u l-artiklu ppubblikat fis-sit internet “russian.rt.com” fit‑22 ta’ Marzu 2016, juru li, taħt ir-reġim tal-President Lukashenko, l-ekonomija Bjelorussa hija kkaratterizzata mill-kontroll eżerċitat mir-reġim kemm fis-settur pubbliku kif ukoll fis-settur privat u minn sistema li tippremja l-lealtà lejn ir-reġim.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">103</p>
</td>
<td valign="top">
<p class="normal">B’hekk, dawn il-provi msemmija fil-punt 102 iktar ’il fuq u l-eżistenza ta’ monopolju tar-rikorrenti, bħala impriża tal-Istat, f’suq daqstant importanti mill-perspettiva tal-ekonomija Bjelorussa bħalma huwa dak tal-fertilizzanti bil-potassju wasslu lill-Kunsill sabiex jikkonkludi li r-rikorrenti kienet qiegħda tibbenefika mir-reġim ta’ Lukashenko.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">104</p>
</td>
<td valign="top">
<p class="normal">Mill-premess jirriżulta li l-Kunsill ma wettaq ebda żball meta, huwa u jadotta l-atti inizjali, qies li r-rikorrenti kienet qiegħda tappoġġja r-reġim u kienet qiegħda tibbenefika minnu fis-sens tal-Artikolu 4(1)(b) tad-Deċiżjoni 2012/642.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">Fuq it‑tieni parti, ibbażata fuq l‑allegazzjoni li ma nġiebet ebda prova li r‑rikorrenti hija responsabbli għar‑repressjoni tas‑soċjetà ċivili</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">105</p>
</td>
<td valign="top">
<p class="normal">Ir-rikorrenti tikkontesta l-motivi tal-inklużjoni tagħha fil-listi inkwistjoni sa fejn dawn juru li hija responsabbli għar-repressjoni tas-soċjetà ċivili fil-Bjelorussja u li hija qiegħda tappoġġja lir-reġim ta’ Lukashenko.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">106</p>
</td>
<td valign="top">
<p class="normal">Fl-ewwel lok, fir-rigward tad-dikjarazzjoni li “[l]-impjegati [tar-rikorrenti] li kienu ħadu sehem fl-istrajkijiet u fid-dimostrazzjonijiet paċifiċi wara l-votazzjoni presidenzjali frawdolenti ta’ Awwissu tal‑2020 fil-Bjelorussja ġew intimidati u ngħataw is-sensja mill-maniġment tal-impriża”, ir-rikorrenti ssostni li d-dritt ta’ strajk ma huwiex dritt assolut. Dan id-dritt jista’ jiġi limitat taħt ċerti kundizzjonijiet legali. B’mod partikolari, il-Kodiċi tax-Xogħol Bjelorussu jipprevedi li s-sejħa għal strajk għandha tosserva ċerti kundizzjonijiet proċedurali. Issa, fir-rigward tal-istrajk li seħħ fi ħdan ir-rikorrenti f’Awwissu 2021, ebda waħda minn dawn il-kundizzjonijiet ma ġiet issodisfatta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">107</p>
</td>
<td valign="top">
<p class="normal">Barra minn hekk, it-talbiet imressqa mill-hekk imsejjaħ “stachcom” (strajk) ta’ erbatax‑il membru huma, fil-biċċa l-kbira tagħhom, ta’ natura politika.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">108</p>
</td>
<td valign="top">
<p class="normal">Barra minn hekk, il-parti l-kbira tas-sanzjonijiet imposti fuq l-impjegati kienu sanzjonijiet għall-assenteiżmu, u mhux sensji. Huwa importanti wkoll li jiġi nnotat li bejn it‑30 ta’ Novembru 2020 u l‑20 ta’ Jannar 2021, ir-rikorrenti annullat is-sanzjonijiet dixxiplinari kollha kontra l-impjegati kkonċernati. Konsegwentement, id-dikjarazzjoni li xi impjegati kienu ngħataw is-sensja “minħabba li kienu ħadu sehem f’dimostrazzjonijiet” hija żbaljata.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">109</p>
</td>
<td valign="top">
<p class="normal">Fl-aħħar nett, l-allegazzjoni tal-Kunsill li l-ħaddiema li ħadu sehem fl-“istrajk” ġew “intimidati” ma hija sostnuta minn ebda prova. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">110</p>
</td>
<td valign="top">
<p class="normal">Fit-tieni lok, fir-rigward tad-dikjarazzjoni li “Lukashenko nnifsu hedded li jibdel lil dawk li strajkjaw b’minaturi mill-Ukraina”, ir-rikorrenti tikkonstata li din tidher li hija meħuda kelma b’kelma minn artikolu tal-BBC. Issa, f’dan ir-rigward, il-Qorti Ġenerali kkonfermat li l-produzzjoni ta’ dokument wieħed ma hijiex biżżejjed sabiex jiġi stabbilit fatt.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">111</p>
</td>
<td valign="top">
<p class="normal">Barra minn hekk, l-imsemmija dikjarazzjoni tal-President Lukashenko ma fiha ebda theddida.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">112</p>
</td>
<td valign="top">
<p class="normal">Il-Kunsill, sostnut mir-Renju tal-Belġju u mir-Repubblika tal-Latvja, jikkontesta dawn l-argumenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">113</p>
</td>
<td valign="top">
<p class="normal">F’dan il-każ, għandu jiġi kkonstatat li l-partijiet jaqblu fuq il-fatt li l-istrajkijiet u d-dimostrazzjonijiet paċifiċi seħħew wara l-votazzjoni presidenzjali ta’ Awwissu 2020 fil-Bjelorussja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">114</p>
</td>
<td valign="top">
<p class="normal">F’dan ir-rigward, minkejja li r-rikorrenti ma tikkontestax il-veraċità tal-fatti relatati mal-istrajkijiet u mad-dimostrazzjonijiet li seħħew wara l-votazzjoni presidenzjali ta’ Awwissu 2020, hija tinterpretahom b’mod differenti minn kif jinterpretahom il-Kunsill. Hija tiċħad, fil-fatt, id-dikjarazzjoni li dawn l-avvenimenti wasslu sabiex l-impjegati tagħha jiġu intimidati jew jingħataw is-sensja, kif irrapportat mill-Kunsill.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">115</p>
</td>
<td valign="top">
<p class="normal">Mill-provi prodotti mill-Kunsill jirriżulta li fis‑17 u fit‑18 ta’ Awwissu 2020, 6 300 persuna ltaqgħu b’mod paċifiku għand ir-rikorrenti sabiex jipprotestaw kontra l-vjolenza mill-pulizija. Ir-rikorrenti rreaġixxiet billi tat is-sensja lill-impjegati li strajkjaw, billi talbet spjegazzjoni u billi ċaħdithom mill-primjums, spiss għal sena sħiħa. Wara l-elezzjonijiet presidenzjali tad‑9 ta’ Settembru 2020, l-impjegati ta’ diversi impriżi tal-Istat, inkluż ir-rikorrenti, organizzaw strajk insostenn tat-talbiet tad-dimostranti, li talbu li jirriżenja Lukashenko, li jsiru elezzjonijiet ġusti ġodda u li ssir ġustizzja mal-vittmi tal-vjolenza mill-pulizija. L-istrajk dam jumejn qabel ma ġie ddikjarat illegali, liema dikjarazzjoni wasslet għal repressjoni immedjata. Skont ir-rappreżentanti tal-Kumitat tal-Istrajk, li twaqqaf sa mill-bidu tal-istrajk, il-maniġment tar-rikorrenti u l-forzi tas-sigurtà wettqu “repressjoni mingħajr preċedent” kontra dawk li opponew lill-President Lukashenko: dawn tal-aħħar ġew ittorturati, imsawta, mitfugħa l-ħabs għal ġurnata u mhedda li jinfirdu minn uliedhom. Ċerti membri tal-Kumitat tal-Istrajk weħlu pieni kbar ta’ priġunerija. Il-maġġoranza tal-membri tal-Kumitat tal-Istrajk ingħataw is-sensja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">116</p>
</td>
<td valign="top">
<p class="normal">Dawn il-provi ma jistgħux jiġu kkontestati bl-argumenti tar-rikorrenti bbażati, l-ewwel nett, fuq in-nuqqas tar-rilevanza tagħhom u fuq in-natura suġġettiva tal-mod li bih l-awtoritajiet Bjelorussi ttrattaw lill-impjegati tagħha li ħarġu bi strajk, it-tieni nett, fuq li l-allegazzjoni li d-Direttur Ġenerali tagħha huwa l-parrinu ta’ wild figura politika ma hijiex minnha, it-tielet nett, fuq li ċerti artikoli jsemmu każijiet ta’ kuntrabandu ta’ sigaretti li jinvolvu trakkijiet li jappartjenu lilha, ir-raba’ nett, fuq li ċerti artikoli jiddeskrivu l-kundizzjonijiet tax-xogħol fi ħdanha b’mod negattiv wisq u, il-ħames nett, fuq li l-allegazzjonijiet ta’ frodi elettorali ma humiex rilevanti u ma humiex ipprovati. Fil-fatt, l-allegazzjonijiet tar-rikorrenti ma humiex motivi li fuqhom hija bbażata l-inklużjoni tagħha fil-listi inkwistjoni, b’mod li dawn l-allegazzjonijiet ma humiex rilevanti għall-eżami tal-fondatezza tal-imsemmija motivi, iżda huma relatati mal-inklużjoni ta’ persuni u entitajiet oħra.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">117</p>
</td>
<td valign="top">
<p class="normal">Fl-ewwel lok, fir-rigward tal-miżuri ta’ intimidazzjoni tal-impjegati tagħha, ir-rikorrenti ssostni li hija sempliċement applikat id-dritt tax-xogħol Bjelorussu meta ċaħditilhom id-dritt ta’ strajk. Barra minn hekk, l-allegata “intimidazzjoni” tal-impjegati tagħha twettqet, fil-fehma ta’ dawn tal-aħħar, fil-forma ta’ komunikazzjonijiet mill-maniġment tagħha li wissew lill-ħaddiema li l-istrajk huwa illegali u li l-parteċipazzjoni fih tista’ ssarraf f’sensja minħabba assenteiżmu mix-xogħol.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">118</p>
</td>
<td valign="top">
<p class="normal">F’dan ir-rigward, għandu jiġi nnotat li l-allegati miżuri ta’ intimidazzjoni twettqu kemm mir-rikorrenti nnifisha, kif ukoll mill-awtoritajiet pubbliċi. Minn naħa, fir-rigward tal-miżuri ta’ intimidazzjoni mwettqa mir-rikorrenti, il-portata tas-sensji, marbuta mal-parteċipazzjoni tal-impjegati fi strajk paċifiku, bir-raġun nisslet biża’ fost dawn tal-aħħar. F’dan is-sens, ir-rikorrenti użat is-sensja bħala għodda sabiex tiddisswadi lill-impjegati tagħha milli jipparteċipaw f’kull forma ta’ diżubbidjenza.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">119</p>
</td>
<td valign="top">
<p class="normal">Min-naħa l-oħra, fir-rigward tal-intimidazzjoni mill-awtoritajiet pubbliċi, għandu jiġi osservat li l-parteċipazzjoni fl-istrajk wasslet għal diversi każijiet ta’ vjolenza u ta’ detenzjoni ta’ impjegati tar-rikorrenti. Ix-xhieda u r-rapporti minn provi prodotti mill-Kunsill isemmu arresti arbitrarji, atti ta’ vjolenza fiżika u psikoloġika, u forom oħra ta’ intimidazzjoni sistematika. F’dan il-kuntest, fid-dawl tar-rabtiet stretti tar-rikorrenti mar-reġim tal-President Lukashenko msemmija iktar ’il fuq (ara l-punt 104 iktar ’il fuq), l-impenn konġunt tagħhom f’dawn l-atti repressivi ma jistax ikun iddubitat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">120</p>
</td>
<td valign="top">
<p class="normal">Id-dikjarazzjoni tal-President Lukashenko, li d-dimostranti jistgħu jinbidlu b’minaturi Ukraini, hija rilevanti f’dan il-kuntest, għall-kuntrarju ta’ dak li ssostni r-rikorrenti. Din id-dikjarazzjoni tagħmel parti minn dinamika ta’ theddid u intimidazzjoni mill-awtoritajiet pubbliċi. Fil-fatt, hija tiżvela attitudni ta’ nuqqas ta’ rispett tal-President Lukashenko għad-dritt ta’ strajk u għat-tħassib tal-impjegati tar-rikorrenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">121</p>
</td>
<td valign="top">
<p class="normal">Fit-tieni lok, fir-rigward tas-sensji tal-impjegati wara l-bidu tal-istrajk, minn naħa, ir-rikorrenti tallega li hija sempliċement ikkonformat ruħha mal-leġiżlazzjoni tax-xogħol Bjelorussa, filwaqt li ssostni li, wara li ddikjarat l-istrajk illegali, hija tat is-sensji minħabba l-assenza tal-impjegati biss. Madankollu, l-applikazzjoni stretta tal-liġi Bjelorussa ma tistax tiġġustifika kull forma ta’ repressjoni kontra l-impjegati li jesprimu l-opinjonijiet politiċi tagħhom. Fil-fatt, li kieku l-konformità ma’ liġi nazzjonali ta’ azzjoni speċifika tista’, għal din ir-raġuni biss, teskludi l-possibbiltà ta’ inklużjoni fil-listi inkwistjoni, jiġri li l-kriterji għal inklużjoni jitilfu s-sens tagħhom, billi l-Kunsill titneħħielu l-marġni wiesgħa ta’ diskrezzjoni f’dan ir-rigward.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">122</p>
</td>
<td valign="top">
<p class="normal">Min-naħa l-oħra, ir-rikorrenti ssostni li, wara li kkonstatat l-illegalità tal-istrajk, hija tat is-sensji lill-impjegati minħabba l-assenteiżmu tagħhom biss.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">123</p>
</td>
<td valign="top">
<p class="normal">F’dan ir-rigward, anki jekk il-fajl ma jipprovdix informazzjoni li turi direttament li r-raġuni vera għas-sensja tal-impjegati kienet l-assenteiżmu tagħhom, dawn l-azzjonijiet, meħuda fl-intier tagħhom, juru b’mod ċar rieda deliberata li l-impjegati jiġu ssanzjonati għall-parteċipazzjoni tagħhom f’attivitajiet li jesprimu l-oppożizzjoni tagħhom għall-President Lukashenko.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">124</p>
</td>
<td valign="top">
<p class="normal">Mill-premess jirriżulta li l-Kunsill ma wettaq ebda żball meta, huwa u jadotta l-atti inizjali, qies li l-miżuri ta’ intimidazzjoni u s-sensji tal-impjegati tar-rikorrenti li kienu ħadu sehem fl-istrajkijiet u fid-dimostrazzjonijiet paċifiċi wara l-votazzjoni presidenzjali ta’ Awwissu 2020 kienu provi biżżejjed sabiex jitqies li r-rikorrenti kienet qiegħda tirreprimi lis-soċjetà ċivili fil-Bjelorussja u li kienet qiegħda tappoġġja lir-reġim tal-President Lukashenko fis-sens tal-Artikolu 4(1)(a) tad-Deċiżjoni 2012/642.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">125</p>
</td>
<td valign="top">
<p class="normal">Għalhekk, it-tieni motiv għandu jiġi miċħud kollu kemm hu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">Fuq it‑tieni parti tal‑ewwel motiv, ibbażata fuq ksur tal-atti tad‑dritt internazzjonali</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">126</p>
</td>
<td valign="top">
<p class="normal">Ir-rikorrenti ssostni li l-atti inizjali kisru diversi trattati multilaterali internazzjonali u standards internazzjonali, bħall-Ftehim Ġenerali dwar it-Tariffi u l-Kummerċ (GATT), il-Ftehim ta’ Faċilitazzjoni tal-Kummerċ (AFE) u l-Konvenzjoni tan-Nazzjonijiet Uniti dwar il-Liġi tal-Baħar, konkluża f’Montego Bay fl‑10 ta’ Diċembru 1982 (Ġabra tat-Trattati tan-Nazzjonijiet Uniti, Vol. 1833, 1834 u 1835, p. 3, iktar ’il quddiem l-“UNCLOS”), fid-dawl, b’mod partikolari, tal-effett ekstraterritorjali tal-miżuri restrittivi adottati kontra r-rikorrenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">127</p>
</td>
<td valign="top">
<p class="normal">Il-Kunsill, sostnut mir-Renju tal-Belġju u mir-Repubblika tal-Latvja, jikkontesta l-argumenti tar-rikorrenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">128</p>
</td>
<td valign="top">
<p class="normal">Fl-ewwel lok, l-argument ibbażat fuq allegat ksur tal-prinċipju ta’ territorjalità għandu jiġi miċħud bħala infondat, peress li l-atti inizjali japplikaw biss għall-fondi u għar-riżorsi ekonomiċi fit-territorju tal-Unjoni (ara, f’dan is-sens, is-sentenzi tal‑31 ta’ Jannar 2007, Minin vs Il‑Kummissjoni, T‑362/04, EU:T:2007:25, punt 106, u tat‑13 ta’ Settembru 2023, Il‑Venezwela vs Il‑Kunsill, T‑65/18 RENV, EU:T:2023:529, punt 111).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">129</p>
</td>
<td valign="top">
<p class="normal">Fit-tieni lok, fir-rigward tal-kompatibbiltà tar-restrizzjonijiet imposti mill-atti inizjali mal-GATT u mal-AFE, għandu jiġi rrilevat li, skont ġurisprudenza stabbilita, meta wieħed iqis in-natura u l-istruttura tagħhom, il-ftehimiet tal-Organizzazzjoni Dinjija tal-Kummerċ (WTO) ma humiex, bħala prinċipju, fost ir-regoli li fid-dawl tagħhom il-qorti tal-Unjoni għandha tistħarreġ il-legalità tal-atti tal-istituzzjonijiet tal-Unjoni. Huwa biss fil-każ fejn l-Unjoni kellha l-ħsieb li twettaq obbligu partikolari assunt fil-kuntest tal-WTO, jew fil-każ fejn l-att tal-Unjoni jkun jirreferi b’espliċitu għal dispożizzjonijiet preċiżi tal-ftehimiet tal-WTO li l-Qorti tal-Ġustizzja għandha tistħarreġ il-legalità ta’ dan l-att fid-dawl tar-regoli tal-WTO (ara, f’dan is-sens, is-sentenza tat‑13 ta’ Settembru 2023, Il‑Venezwela vs Il‑Kunsill, T‑65/18 RENV, EU:T:2023:529, punt 107 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">130</p>
</td>
<td valign="top">
<p class="normal">Minn naħa, l-atti inizjali mkien ma jirreferu għal dawn il-ftehimiet (ara, f’dan is-sens, is-sentenza tat‑13 ta’ Settembru 2023, Il‑Venezwela vs Il‑Kunsill, T‑65/18 RENV, EU:T:2023:529, punt 105).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">131</p>
</td>
<td valign="top">
<p class="normal">Min-naħa l-oħra, ir-rikorrenti ma indikatx b’liema atti, u lanqas f’liema okkażjoni, l-Unjoni kellha l-ħsieb twettaq, permezz tal-atti inizjali, obbligu partikolari assunt fil-kuntest tal-WTO (sentenza tat‑13 ta’ Settembru 2023, Il‑Venezwela vs Il‑Kunsill, T‑65/18 RENV, EU:T:2023:529, punt 106).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">132</p>
</td>
<td valign="top">
<p class="normal">Fi kwalunkwe każ, għandu jiġi kkonstatat li l-Bjelorussja la hija parti fil-GATT u lanqas fil-AFE. B’hekk, l-Unjoni ma hija suġġetta għal ebda obbligu kuntrattwali fil-konfront tal-Bjelorussja taħt dawn il-ftehimiet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">133</p>
</td>
<td valign="top">
<p class="normal">Fit-tielet lok, fir-rigward tal-allegat ksur tal-UNCLOS, għandu jiġi nnotat li, għalkemm l-Artikoli 89 u 125 tiegħu jagħtu d-dritt ta’ aċċess għall-baħar lil pajjiż mingħajr kosta, dawn l-artikoli ma jiggarantixxux l-aċċess għal baħar partikolari jew għal port magħżul f’kull sitwazzjoni. Fi kwalunkwe każ, ma humiex l-atti inizjali, sa fejn jikkonċernaw l-iffriżar tal-fondi tar-rikorrenti, li jistgħu jaffettwaw id-dritt ta’ aċċess għall-baħar tal-Bjelorussja, iżda huma l-miżuri restrittivi settorjali li jistgħu jagħmlu dan.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">134</p>
</td>
<td valign="top">
<p class="normal">Għalhekk, it-tieni parti tal-ewwel motiv għandha tiġi miċħuda.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l‑ewwel, it‑tielet u r‑raba’ parti tal‑ewwel motiv, ibbażati, rispettivament, fuq ksur tad‑drittijiet fundamentali, fuq ksur tal‑għanijiet stabbiliti mis‑sisien legali tal‑Unjoni u fuq ksur tal‑prinċipju li l‑miżuri għandhom ikunu mmirati u r‑raba’ motiv, ibbażat fuq ksur tal‑prinċipju ta’ proporzjonalità</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">135</p>
</td>
<td valign="top">
<p class="normal">Permezz tal-ewwel, it-tielet u r-raba’ parti tal-ewwel motiv u tar-raba’ motiv, li għandhom jiġu analizzati flimkien, ir-rikorrenti qiegħda essenzjalment issostni li l-atti inizjali jiksru l-prinċipju ta’ legalità u ta’ proporzjonalità peress li dawn għandhom impatt negattiv ħafna fuq id-drittijiet fundamentali tar-rikorrenti u ta’ terzi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">136</p>
</td>
<td valign="top">
<p class="normal">Permezz tal-ewwel parti tal-ewwel motiv, ir-rikorrenti tallega li l-atti inizjali jiksru d-dritt għall-ikel, id-dritt għall-ħajja u d-dritt għall-edukazzjoni, previsti f’diversi atti tad-dritt internazzjonali, jiġifieri fl-Artikolu 11 tal-Patt Internazzjonali dwar id-Drittijiet Ekonomiċi, Soċjali u Kulturali, adottat mill-Assemblea Ġenerali tan-Nazzjonijiet Uniti fis‑16 ta’ Diċembru 1966, u li daħal fis-seħħ fit‑3 ta’ Jannar 1976 (Ġabra tat-Trattati tan-Nazzjonijiet Uniti, Vol. 993, p. 3), fl-Artikolu 25 tad-Dikjarazzjoni Universali tad-Drittijiet tal-Bniedem, adottata mill-Assemblea Ġenerali tan-Nazzjonijiet Uniti fl‑10 ta’ Diċembru 1948, fil-preambolu tal-Konvenzjoni dwar l-Eliminazzjoni ta’ Kull Forma ta’ Diskriminazzjoni kontra n-Nisa, adottata mill-Assemblea Ġenerali tan-Nazzjonijiet Uniti fit‑18 ta’ Diċembru 1979, li daħlet fis-seħħ fit‑3 ta’ Settembru 1981 (Ġabra tat-Trattati tan-Nazzjonijiet Uniti, Vol. 1249, Nru I‑20378, p. 13), fl-Artikolu 24 tal-Konvenzjoni dwar id-Drittijiet tat-Tfal, adottata fl‑20 ta’ Novembru 1989 u li daħlet fis-seħħ fit‑2 ta’ Settembru 1990 (Ġabra tat-Trattati tan-Nazzjonijiet Uniti, Vol. 1577, p. 3), fl-Artikoli 25 u 28 tal-Konvenzjoni tan-Nazzjonijiet Uniti dwar id-Drittijiet tal-Persuni b’Diżabbiltà, li ġiet approvata f’isem l-Unjoni Ewropea bid-Deċiżjoni 2010/48/CE tal-Kunsill tas‑26 ta’ Novembru 2009 (ĠU 2010, L 23, p. 35), u fl-Artikolu 31 tad-Dikjarazzjoni u l-Programm ta’ Azzjoni ta’ Vjenna, adottati waqt il-Konferenza Dinjija dwar id-Drittijiet tal-Bniedem tal‑25 ta’ Ġunju 1993.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">137</p>
</td>
<td valign="top">
<p class="normal">Id-drittijiet tal-bniedem jiddependu l-wieħed mill-ieħor, ma jistgħux jingħażlu l-wieħed mill-ieħor u jintrabtu mill-qrib. Dan ifisser li ksur tad-dritt għall-ikel jista’ jqiegħed f’perikolu t-twettiq ta’ drittijiet oħra tal-bniedem, b’mod partikolari d-dritt għas-saħħa, għall-edukazzjoni jew għall-ħajja, u viċi‑versa. B’mod partikolari, meta bniedem ma jkollux x’jiekol u jkun f’riskju li jmut bil-ġuħ, bil-malnutrizzjoni jew b’mard relatat, ikun mhedded ukoll id-dritt tiegħu għall-ħajja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">138</p>
</td>
<td valign="top">
<p class="normal">Issa, minħabba l-miżuri restrittivi meħuda fir-rigward tar-rikorrenti, ġew imxekkla l-kapaċitajiet ta’ din tal-aħħar li tikkummerċjalizza “prodott soċjalment importanti b’funzjonijiet umanitarji”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">139</p>
</td>
<td valign="top">
<p class="normal">Insostenn tal-argumenti tagħha, ir-rikorrenti tfakkar li s-sehem tagħha fis-suq dinji tal-potassa huwa ta’ 20 %. Dan il-prodott huwa fornit f’aktar minn 130 pajjiż. Ċerti pajjiżi jiddependu ħafna, jekk mhux għal kollox, mill-potassa prodotta mir-rikorrenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">140</p>
</td>
<td valign="top">
<p class="normal">Barra minn hekk, bħalissa ma hemm ebda port li jista’ jintuża flok il-port ta’ Klaipėda (il-Litwanja) għall-esportazzjoni ta’ tali volumi ta’ fertilizzanti bil-potassju Bjelorussi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">141</p>
</td>
<td valign="top">
<p class="normal">Għalhekk, il-miżuri restrittivi imposti mill-Kunsill fuq ir-rikorrenti, minħabba l-effett ekstraterritorjali tagħhom, jiksru d-dritt għall-ikel ta’ miljuni, jekk mhux biljuni, ta’ nies madwar id-dinja. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">142</p>
</td>
<td valign="top">
<p class="normal">Fil-limiti tal-kompetenza tiegħu, il-Kunsill jista’ jintroduċi miżuri restrittivi temporanji, li għandhom ikunu ta’ natura preventiva. Issa, il-miżuri restrittivi kontra r-rikorrenti huma, min-natura tagħhom, punittivi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">143</p>
</td>
<td valign="top">
<p class="normal">Permezz tat-tielet parti tal-ewwel motiv, ir-rikorrenti ssostni li l-atti inizjali jiksru l-għanijiet stabbiliti fl-Artikoli 3 u 21 TUE sa fejn għandhom konsegwenzi serji li ser ikollhom riperkussjonijiet mhux biss fi ħdan l-Unjoni, iżda wkoll madwar id-dinja kollha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">144</p>
</td>
<td valign="top">
<p class="normal">Permezz tar-raba’ parti tal-ewwel motiv tagħha, ir-rikorrenti ssostni li l-atti inizjali jiksru l-prinċipju li l-miżuri jkunu mmirati, billi huma ta’ ħsara għall-popolazzjoni ċivili mhux biss fil-Bjelorussa, iżda madwar id-dinja kollha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">145</p>
</td>
<td valign="top">
<p class="normal">Permezz tar-raba’ motiv tagħha, ir-rikorrenti ssostni li l-atti inizjali kellhom l-effett li jirrestrinġu l-libertà ta’ tranżitu tagħha, bi ksur skandaluż tal-istandards internazzjonali. Barra minn hekk, il-libertà ta’ intrapriża tagħha, dritt fundamentali protett mid-dritt Ewropew u mid-dritt internazzjonali, ukoll inkisret b’mod skandaluż.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">146</p>
</td>
<td valign="top">
<p class="normal">B’hekk, l-atti inizjali żammew kompletament lir-rikorrenti milli tesporta l-potassa madwar id-dinja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">147</p>
</td>
<td valign="top">
<p class="normal">Ir-rikorrenti żżid tgħid li l-miżuri restrittivi inkwistjoni jiksru d-drittijiet ta’ terzi, u huma għalhekk sproporzjonati, sa fejn dawn affettwaw numru kbir ta’ pajjiżi terzi u ċ-ċittadini tagħhom.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">148</p>
</td>
<td valign="top">
<p class="normal">Fit-talba tagħha lill-Kunsill għal eżami mill-ġdid, ir-rikorrenti pproponiet miżuri alternattivi inqas restrittivi li jistgħu jitqiesu bħala alternattiva jew li jistgħu jintużaw sabiex jittaffa l-impatt tal-inklużjoni tagħha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">149</p>
</td>
<td valign="top">
<p class="normal">Il-Kunsill, sostnut mir-Renju tal-Belġju u mir-Repubblika tal-Latvja, jikkontesta dawn l-argumenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">150</p>
</td>
<td valign="top">
<p class="normal">Preliminarjament, għandu jiġi osservat li l-Kunsill, mingħajr ma jeċċepixxi formalment l-inammissibbiltà tar-raba’ motiv, isostni li dan tal-aħħar huwa vag wisq u ġenerali wisq sabiex wieħed ikun jista’ jifhem il-portata tal-allegat ksur tal-prinċipju ta’ proporzjonalità.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">151</p>
</td>
<td valign="top">
<p class="normal">Ir-rikorrenti ma tikkummentax fuq din l-allegazzjoni tal-Kunsill.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">152</p>
</td>
<td valign="top">
<p class="normal">F’dan ir-rigward, għandu jitfakkar li, skont l-ewwel paragrafu tal-Artikolu 21 tal-Istatut tal-Qorti tal-Ġustizzja tal-Unjoni Ewropea, li bis-saħħa tal-ewwel paragrafu tal-Artikolu 53 tal-istess Statut u tal-Artikolu 76(d) tar-Regoli tal-Proċedura japplika għall-proċedura quddiem il-Qorti Ġenerali, ir-rikors għandu jinkludi, b’mod partikolari, is-suġġett tat-tilwima u espożizzjoni fil-qosor tal-motivi invokati. Mill-ġurisprudenza jirriżulta li din l-espożizzjoni għandha tkun ċara u preċiża biżżejjed sabiex il-konvenut ikun jista’ jħejji d-difiża tiegħu u sabiex il-Qorti Ġenerali tkun tista’ twettaq l-istħarriġ tagħha. Minn dan jirriżulta li l-punti essenzjali ta’ fatt u ta’ liġi li fuqhom ikun ibbażat rikors għandhom jirriżultaw b’mod koerenti u li jinftiehem mit-test tar-rikors innifsu. Ir-rikors għandu, b’hekk, jispjega fiex jikkonsisti l-motiv li fuqu jkun ibbażat ir-rikors, b’mod li s-sempliċi dikjarazzjoni astratta ta’ dak il-motiv ma tissodisfax ir-rekwiżiti tar-Regoli tal-Proċedura (digriet tat‑18 ta’ Settembru 2018, eSlovensko vs Il‑Kummissjoni, T‑664/17, mhux ippubblikat, EU:T:2018:559, punt 29).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">153</p>
</td>
<td valign="top">
<p class="normal">Barra minn hekk, skont il-ġurisprudenza, ir-rikors għandu jiġi interpretat bil-għan li jingħatalu effett utli, billi titwettaq evalwazzjoni globali tiegħu (ara, f’dan is-sens, id-digriet tat‑28 ta’ Ġunju 2011, Verein Deutsche Sprache vs Il‑Kunsill, C‑93/11 P, mhux ippubblikat, EU:C:2011:429, punti 20 u 21).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">154</p>
</td>
<td valign="top">
<p class="normal">F’dan il-każ, kif jirriżulta mill-preżentazzjoni tal-argumenti mqajma mir-rikorrenti taħt ir-raba’ motiv (ara l-punt 145 iktar ’il fuq), għandu jiġi kkonstatat li, għall-kuntrarju ta’ dak li jsostni l-Kunsill, ir-raba’ motiv huwa ċar u preċiż biżżejjed sabiex il-konvenut ikun jista’ jħejji d-difiża tiegħu u sabiex il-Qorti Ġenerali tkun tista’ tagħmel l-istħarriġ tagħha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">155</p>
</td>
<td valign="top">
<p class="normal">Għalhekk, l-allegazzjonijiet tal-Kunsill dwar in-nuqqas ta’ ċarezza tar-rikors għandhom jiġu miċħuda.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">156</p>
</td>
<td valign="top">
<p class="normal">Fir-rigward tal-mertu, il-prinċipju ta’ proporzjonalità, li huwa wieħed mill-prinċipji ġenerali tad-dritt tal-Unjoni u li huwa riprodott fl-Artikolu 5(4) TUE, jeżiġi li l-miżuri implimentati permezz ta’ dispożizzjoni tad-dritt tal-Unjoni jkunu xierqa sabiex jintlaħqu l-għanijiet imfittxija mil-leġiżlazzjoni kkonċernata u ma jkunux imorru lil hinn minn dak li huwa meħtieġ sabiex jintlaħqu dawn l-għanijiet (sentenzi tal‑15 ta’ Novembru 2012, Al-Aqsa vs Il‑Kunsill u Il‑Pajjiżi l‑Baxxi vs Al‑Aqsa, C‑539/10 P u C‑550/10 P, EU:C:2012:711, punt 122, u tal‑1 ta’ Ġunju 2022, Prigozhin vs Il‑Kunsill, T‑723/20, mhux ippubblikata, EU:T:2022:317, punt 133).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">157</p>
</td>
<td valign="top">
<p class="normal">Fir-rigward tal-istħarriġ ġudizzjarju tal-osservanza tal-prinċipju ta’ proporzjonalità, għandha tingħata setgħa ta’ evalwazzjoni wiesgħa lil-leġiżlatur tal-Unjoni f’oqsma li jinvolvu, min-naħa ta’ dan tal-aħħar, għażliet ta’ natura politika, ekonomika u soċjali, u li fihom huwa jintalab iwettaq evalwazzjonijiet kumplessi. Dan ifisser li hija biss in-natura manifestament mhux xierqa ta’ miżura adottata f’dawn l-oqsma, fid-dawl tal-għan li l-istituzzjoni kompetenti tfittex li tilħaq, li tista’ taffettwa l-legalità ta’ tali miżura (ara, f’dan is-sens, is-sentenza tat‑30 ta’ Novembru 2016, Rotenberg vs Il‑Kunsill, T‑720/14, EU:T:2016:689, punt 179 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">158</p>
</td>
<td valign="top">
<p class="normal">Fir-rigward tal-għanijiet imfittxija mid-Deċiżjoni 2012/642 u mir-Regolament Nru 765/2006, għandu jitfakkar li, skont l-Artikolu 21(2)(b) TUE, it-tisħiħ u l-appoġġ tad-demokrazija, tal-Istat tad-dritt, tad-drittijiet tal-bniedem u tal-prinċipji tad-dritt internazzjonali fix-xena internazzjonali huma wieħed mill-għanijiet tal-Unjoni fil-kuntest tal-politika estera u ta’ sigurtà komuni (PESK).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">159</p>
</td>
<td valign="top">
<p class="normal">F’dan il-każ, il-miżuri restrittivi kontra l-Bjelorussja ġew adottati minħabba l-gravità tas-sitwazzjoni fil-Bjelorussja u l-ksur persistenti tad-drittijiet tal-bniedem, ir-repressjoni sistematika tas-soċjetà ċivili u tal-oppożizzjoni demokratika u l-involviment tal-Bjelorussja fl-aggressjoni Russa kontra l-Ukraina.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">160</p>
</td>
<td valign="top">
<p class="normal">F’dan ir-rigward, l-argument tar-rikorrenti li l-atti inizjali jiksru l-għanijiet stabbiliti fl-Artikoli 3 u 21 TUE ma jistax jintlaqa’.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">161</p>
</td>
<td valign="top">
<p class="normal">Skont l-Artikolu 3(5) TUE, l-Unjoni għandha “tikkontribwixxi għall-paċi, is-sigurtà, […] [i]l-protezzjoni tad-drittijiet tal-bniedem […], kif ukoll għar-rispett sħiħ u għall-iżvilupp tad-dritt internazzjonali, partikolarment ir-rispett għall-prinċipji tal-Karta tan-Nazzjonijiet Uniti”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">162</p>
</td>
<td valign="top">
<p class="normal">Mill-Artikoli 24 u 29 TUE jirriżulta li, bħala regola ġenerali, il-Kunsill jista’, b’deċiżjoni ta’ unanimità, jiddefinixxi s-suġġett tal-miżuri restrittivi li l-Unjoni tadotta fil-qasam tal-PESK. Fid-dawl tal-portata wiesgħa tal-għanijiet u tal-objettivi tal-PESK, kif espressi fl-Artikolu 3(5) TUE u fl-Artikolu 21 TUE, kif ukoll fid-dispożizzjonijiet speċifiċi relatati mal-PESK, b’mod partikolari fl-Artikoli 23 u 24 TUE, il-Kunsill igawdi minn diskrezzjoni wiesgħa fid-definizzjoni ta’ dan is-suġġett (sentenza tat‑28 ta’ Marzu 2017, Rosneft, C‑72/15, EU:C:2017:236, punt 88).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">163</p>
</td>
<td valign="top">
<p class="normal">F’dan il-każ, kif jirriżulta mill-premessa 1 tad-Deċiżjoni 2012/642, il-miżuri restrittivi kontra l-Bjelorussja ġew adottati minħabba n-nuqqas ta’ rispett persistenti tad-drittijiet tal-bniedem u n-nuqqas ta’ osservanza persistenti tad-demokrazija u tal-Istat tad-dritt f’dan il-pajjiż. L-imsemmija miżuri jfittxu li jagħmlu pressjoni fuq ir-reġim ta’ Lukashenko sabiex itemm il-ksur tad-drittijiet tal-bniedem u r-repressjoni tas-soċjetà ċivili u tal-oppożizzjoni demokratika. Barra minn hekk, kif jirriżulta mit-tieni premessa u mit-titoli tal-atti inizjali, dawn tal-aħħar ġew adottati minħabba l-gravità tas-sitwazzjoni fil-Bjelorussja, kif ukoll b’reazzjoni għall-ksur persistenti tad-drittijiet tal-bniedem u għar-repressjoni sistematika tas-soċjetà ċivili u tal-oppożizzjoni demokratika. Il-motivi tal-atti inizjali jirreferu wkoll għall-involviment tal-Bjelorussja fl-aggressjoni Russa kontra l-Ukraina.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">164</p>
</td>
<td valign="top">
<p class="normal">Issa, għandu jiġi kkonstatat li l-approċċ li jkunu fil-mira persuni, entitajiet u organi li l-atti jew l-attivitajiet tagħhom jikkontribwixxu għar-repressjoni tas-soċjetà ċivili u tal-oppożizzjoni demokratika jissodisfa, b’mod koerenti, l-għan imsemmi fil-punt 61 iktar ’il fuq u ma jistax, fi kwalunkwe każ, jitqies bħala illegali fid-dawl tal-għan imfittex (ara, f’dan is-sens, is-sentenza tal‑15 ta’ Frar 2023, Belaeronavigatsia vs Il‑Kunsill, T‑536/21, EU:T:2023:66, punt 30).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">165</p>
</td>
<td valign="top">
<p class="normal">Fir-rigward tan-natura xierqa tal-atti inizjali, ir-rikorrenti tallega, qabelxejn, li dawn żammewha kompletament milli tesporta l-potassa.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">166</p>
</td>
<td valign="top">
<p class="normal">Dan l-argument ma jistax jintlaqa’.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">167</p>
</td>
<td valign="top">
<p class="normal">Fil-fatt, l-atti inizjali, għall-kuntrarju tal-miżuri restrittivi settorjali, liema miżuri ma humiex ikkontestati f’din il-kawża, ma jikkonċernawx il-projbizzjoni mill-Unjoni ta’ importazzjoni tal-potassa. Għalhekk, la l-atti inizjali u lanqas il-miżuri restrittivi settorjali ma jipprojbixxu l-esportazzjoni ta’ potassa Bjelorussa lejn pajjiżi terzi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">168</p>
</td>
<td valign="top">
<p class="normal">Barra minn hekk, huma l-Artikoli 2 g tad-Deċiżjoni 2012/642 u 1 g tar-Regolament 765/2006, introdotti bid-Deċiżjoni 2021/1031 u bir-Regolament 2021/1030, fl‑24 ta’ Lulju 2021, li jipprevedu b’mod espliċitu li x-xiri, l-importazzjoni jew it-trasferiment ta’ prodotti tal-potassa mill-Bjelorussja huma pprojbiti. Konsegwentement, ir-rikorrenti tiżbalja meta tiddikjara li l-atti inizjali, li ġew adottati wara l-miżuri restrittivi settorjali u li jikkonsistu fl-iffriżar tal-fondi tagħha, ipprekludew l-esportazzjoni jew it-trasferiment ta’ potassa fi ħdan l-Unjoni. Barra minn hekk, mistoqsija f’dan ir-rigward waqt is-seduta, hija ammettiet li bejn l-introduzzjoni tal-miżuri restrittivi settorjali u l-adozzjoni tal-atti inizjali, hija diġà la setgħet tesporta l-potassa lejn l-Unjoni u lanqas tgħaddi l-prodotti tagħha mill-Unjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">169</p>
</td>
<td valign="top">
<p class="normal">Sussegwentement, ir-rikorrenti ssostni li l-adozzjoni tal-atti inizjali kienet ta’ ħsara sproporzjonata għal-libertà ta’ intrapriża tagħha, għas-soċjetà Bjelorussa u għas-sigurtà dinjija tal-ikel.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">170</p>
</td>
<td valign="top">
<p class="normal">Minn naħa, fir-rigward tal-argument dwar il-ħsara li tista’ ssir lil-libertà ta’ intrapriża u lis-soċjetà Bjelorussa, ir-rikorrenti ma ġġib ebda argument speċifiku jew prova sabiex issostni din l-allegazzjoni. Minn dan jirriżulta li hija ma turix li l-atti inizjali kienu ta’ ħsara sproporzjonata għal-libertà ta’ intrapriża tagħha u għas-soċjetà Bjelorussa.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">171</p>
</td>
<td valign="top">
<p class="normal">Min-naħa l-oħra, fir-rigward tal-argument dwar il-ħsara li tista’ ssir lis-sigurtà dinjija tal-ikel, ir-rikorrenti, sabiex issostni l-argument tagħha, issemmi numru ta’ ċirkustanzi li, fil-fehma tagħha, jissuġġerixxu li l-inklużjoni tagħha fil-listi inkwistjoni ser ikollha effett negattiv fuq il-prezzijiet tal-fertilizzanti bil-potassju madwar id-dinja, ħaġa li tista’ tgħarraq il-kriżi tal-ikel.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">172</p>
</td>
<td valign="top">
<p class="normal">F’dan ir-rigward, il-Kunsill, sostnut mir-Renju tal-Belġju u mir-Repubblika tal-Latvja, iqajjem l-inammissibbiltà ta’ dan l-argument sa fejn ir-rikorrenti ma wrietx l-eżistenza ta’ interess ġuridiku personali u dirett biżżejjed peress li hija ma hijiex tinvoka allegat ksur tad-drittijiet tagħha stess, iżda allegat ksur tad-drittijiet tal-bniedem ta’ gruppi mhux speċifikati li jgħoddu miljuni ta’ persuni, b’mod ġenerali u astratt.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">173</p>
</td>
<td valign="top">
<p class="normal">F’dan il-każ, indipendentement mill-kwistjoni dwar l-interess tar-rikorrenti li tinvoka d-drittijiet fundamentali ta’ terzi, għandu jiġi nnotat, kif ġustament enfasizza il-Kunsill waqt is-seduta, li l-provi miġjuba mir-rikorrenti ma jikkonċernawx l-atti inizjali, li jimponu l-iffriżar tal-fondi, iżda jirrigwardaw prinċipalment il-kummerċ tal-fertilizzanti, inkluż fertilizzanti bil-potassju, fis-suq dinji. Dawn huma għalhekk provi li jikkonċernaw l-impatt li jista’ jkollhom il-miżuri restrittivi settorjali fuq is-suq dinji tal-fertilizzanti bil-potassju, li ma huwiex is-suġġett ta’ din il-kawża. Barra minn hekk, mistoqsija waqt is-seduta, ir-rikorrenti baqgħet ma identifikatx liema provi, li hija inkludiet fil-proċess, juru li l-atti inizjali għarrqu l-kriżi dinjija tal-ikel.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">174</p>
</td>
<td valign="top">
<p class="normal">Minn naħa, l-analiżi intitolata “Potassa: analiżi tal-impatt fuq is-sigurtà tal-provvista” ta’ April 2022 tirreferi direttament għall-implikazzjonijiet li jista’ jkollha l-introduzzjoni tal-miżuri restrittivi settorjali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">175</p>
</td>
<td valign="top">
<p class="normal">Min-naħa l-oħra, l-ewwel nett, il-provi prodotti mir-rikorrenti jinkludu, b’mod partikolari, artikoli, rapporti u dikjarazzjonijiet politiċi dwar l-impatti tal-gwerra fl-Ukraina fuq il-kriżi dinjija tal-ikel. It-tieni nett, jinkludu informazzjoni ġenerali dwar is-sigurtà dinjija tal-ikel. It-tielet nett, jinkludu artikoli u rapporti dwar il-politiki agrikoli u l-impriżi attivi fis-suq tal-fertilizzanti. Ir-raba’ nett, jinkludu analiżi tas-suq tal-fertilizzanti u tal-potassa.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">176</p>
</td>
<td valign="top">
<p class="normal">B’hekk, minkejja li dawn id-dokumenti jirreferu għall-kriżi dinjija tal-ikel, huma ma jikkonċernawx l-impatt tal-atti inizjali fuq din il-kriżi dinjija tal-ikel.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">177</p>
</td>
<td valign="top">
<p class="normal">Barra minn hekk, uħud mill-provi li qagħdet fuqhom ir-rikorrenti jirrigwardaw fatti mhux ikkontestati li jikkonċernaw l-attivitajiet tagħha. Fil-fatt, minn naħa, skont il-Komunikazzjoni tal-Kummissjoni lill-Parlament Ewropew, lill-Kunsill Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni intitolata “Is-salvagwardja tas-sigurtà tal-ikel u t-tisħiħ tar-reżiljenza tas-sistemi tal-ikel” tat‑23 ta’ Marzu 2022, (COM/2022/133 finali), l-esportazzjonijiet tal-potassa mir-Russja u mill-Bjelorussja jirrappreżentaw 40 % tal-kummerċ dinji tal-potassa. Min-naħa l-oħra, ir-rikorrenti tissottometti informazzjoni ta’ Mejju 2022 dwar il-produzzjoni u l-esportazzjoni tagħha għas-snin 2018 sa 2021, inkluż ir-rapport statistiku tal-Assoċjazzjoni Internazzjonali tal-Industrija tal-Fertilizzanti (IFA) tal‑2021.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">178</p>
</td>
<td valign="top">
<p class="normal">Għalhekk, fid-dawl tal-analiżi tal-provi prodotti mir-rikorrenti u indipendentement mill-kwistjoni tal-interess ta’ din tal-aħħar li tinvoka d-drittijiet fundamentali ta’ terzi (ara l-punt 173 iktar ’il fuq), għandu jiġi konkluż li hija ma pproduċietx provi li jistgħu juru li l-atti inizjali huma ta’ ħsara għas-sigurtà dinjija tal-ikel.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">179</p>
</td>
<td valign="top">
<p class="normal">Barra minn hekk, ir-rikorrenti ssostni li l-Kunsill kellu juża l-miżura l-inqas restrittiva u ssemmi eżempji ta’ miżuri alternattivi inqas restrittivi li jistgħu jintużaw sabiex jittaffa l-impatt tal-inklużjoni tagħha fil-listi inkwistjoni. Fil-fatt, hija pproponiet, minn naħa, li jiġu stabbiliti kundizzjonijiet sabiex l-awtoritajiet nazzjonali tal-Istati Membri jkunu jistgħu jagħtu awtorizzazzjonijiet lil persuni u lil operaturi tal-Unjoni, bil-għan li jkunu jistgħu jwettqu tranżazzjonijiet magħha li jikkonċernaw l-importazzjoni, ix-xiri, it-trasferiment ta’ fertilizzanti bil-potassju, u l-provvista ta’ servizzi finanzjarji assoċjati u, min-naħa l-oħra, li jiġu stabbiliti kwoti għall-provvista ta’ dawn il-fertilizzanti lill-Unjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">180</p>
</td>
<td valign="top">
<p class="normal">Sabiex issostni l-argumenti tagħha, ir-rikorrenti toqgħod fuq provi li juru li t-trasport tal-fertilizzanti bil-potassju jeħtieġ ħafna tunnellaġġ, kif ukoll aċċess marittimu. F’dan ir-rigward, hija tindika li l-atti inizjali, billi jċaħħduha mill-aċċess għall-port ta’ Klaipėda, iċaħħduha mill-possibbiltà li tesporta l-prodotti tagħha, minkejja li kienu possibbli miżuri oħra inqas restrittivi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">181</p>
</td>
<td valign="top">
<p class="normal">Għandu jiġi osservat, qabelxejn, li, fir-realtà, dawn l-argumenti ma jirrigwardax l-atti inizjali ta’ applikazzjoni individwali, iżda l-miżuri restrittivi settorjali ta’ applikazzjoni ġenerali, kif jirriżulta mill-punt 167 iktar ’il fuq, sa fejn huma dawn tal-aħħar li jipprojbixxu l-importazzjoni, ix-xiri jew it-trasferiment, dirett jew indirett, tal-prodotti tal-klorur tal-potassa.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">182</p>
</td>
<td valign="top">
<p class="normal">Fi kwalunkwe każ, minn naħa, dawn l-argumenti ma jurux li r-rikorrenti hija kompletament miżmuma milli tesporta l-prodotti tagħha. Fil-fatt, ma huwiex eskluż li hija tista’ tittrasporta l-prodotti tagħha lejn il-portijiet ta’ pajjiżi oħra barra mill-Unjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">183</p>
</td>
<td valign="top">
<p class="normal">Min-naħa l-oħra, il-miżuri alternattivi proposti mir-rikorrenti jikkonċernaw il-possibbiltajiet ta’ esportazzjoni tal-fertilizzanti bil-potassju lejn l-Unjoni u, għaldaqstant, ma jilħqux b’mod effikaċi l-għanijiet imfittxija, jiġifieri li jkunu fil-mira l-persuni jew entitajiet li jappoġġjaw lir-reġim, u għalhekk, b’mod partikolari, il-persuni u l-entitajiet li jappoġġjaw finanzjarjament jew materjalment lir-reġim ta’ Lukashenko (ara, f’dan is-sens u b’analoġija, is-sentenza tal‑20 ta’ Settembru 2023, Mordashov vs Il‑Kunsill, T‑248/22, mhux ippubblikata, EU:T:2023:573, punt 165 u l-ġurisprudenza ċċitata). Fil-fatt, il-Kunsill qies, ġustament, li n-neċessità li tiżdied l-ispiża ekonomika għall-Bjelorussja talli pparteċipat fl-aggressjoni Russa kontra l-Ukraina, sal-punt li jkun impossibbli għaliha li tkompli tipparteċipa fiha, kienet tikkostitwixxi wkoll interess li jegħleb l-interessi privati tar-rikorrenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">184</p>
</td>
<td valign="top">
<p class="normal">Fid-dawl tal-premess, ir-raba’ motiv u l-ewwel, it-tielet u r-raba’ parti tal-ewwel motiv għandhom jiġu miċħuda.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq it‑tielet motiv, ibbażat fuq ksur tal‑prinċipju ta’ nondiskriminazzjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">185</p>
</td>
<td valign="top">
<p class="normal">Fl-ewwel lok, ir-rikorrenti essenzjalment issostni li hija ġiet ittrattata b’mod differenti mill-kumpannija A, li hija, madankollu, paragunabbli magħha fil-qasam tal-produzzjoni u tal-esportazzjoni tal-potassa, u li kellha tkun is-suġġett ta’ miżuri restrittivi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">186</p>
</td>
<td valign="top">
<p class="normal">Fil-fatt, waħda mir-raġunijiet mogħtija insostenn tal-impożizzjoni ta’ miżuri restrittivi fuq ir-rikorrenti tinsab fil-fatt li hija sors ewlieni ta’ dħul għall-baġit tal-Bjelorussja. Ir-rikorrenti u A jinsabu għalhekk f’sitwazzjonijiet paragunabbli. Issa, sitwazzjonijiet paragunabbli, f’dan il-każ dawk tal-produtturi tal-potassa fir-Russja u fil-Bjelorussja, għandhom jiġu ttrattati bl-istess mod.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">187</p>
</td>
<td valign="top">
<p class="normal">F’dan ir-rigward, ir-rikorrenti ssostni li d-deċiżjonijiet tal-Kunsill ma għandhomx iwasslu għal konsegwenzi iktar serji għall-Bjelorussi milli għar-Russi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">188</p>
</td>
<td valign="top">
<p class="normal">Fit-tieni lok, ir-rikorrenti essenzjalment issostni li hija ġiet ittrattata b’mod differenti mill-kumpannija B li isimha tneħħa mil-listi inkwistjoni minħabba li l-miżuri restrittivi kienu pproduċew l-effett mixtieq fir-rigward ta’ din l-entità. Issa, dan huwa wkoll il-każ tar-rikorrenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">189</p>
</td>
<td valign="top">
<p class="normal">Fil-fatt, ir-rikorrenti kienet issanzjonata għal aġir li fi kwalunkwe każ, minbarra li kien leġittimu, waqaf f’Marzu 2021, b’mod li s-sanzjoni ġiet fis-seħħ iktar minn sena wara li ntemm dan l-aġir.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">190</p>
</td>
<td valign="top">
<p class="normal">Barra minn hekk, il-Kunsill ma jidhirx li jqis neċessarju li jissanzjona l-impriżi Ewropej li taw is-sensja lil ħaddiema li pparteċipaw fi strajkijiet illegali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">191</p>
</td>
<td valign="top">
<p class="normal">Il-Kunsill, sostnut mir-Renju tal-Belġju u mir-Repubblika tal-Latvja, jikkontesta dawn l-argumenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">192</p>
</td>
<td valign="top">
<p class="normal">Għandu jitfakkar li, skont il-ġurisprudenza, il-prinċipju ta’ ugwaljanza fit-trattament, li huwa prinċipju fundamentali tad-dritt, jipprojbixxi li sitwazzjonijiet paragunabbli jiġu ttrattati b’mod differenti jew li sitwazzjonijiet differenti jiġu ttrattati bl-istess mod, kemm‑il darba tali differenza fit-trattament ma tkunx oġġettivament iġġustifikata (ara s-sentenza tal‑31 ta’ Mejju 2018, Kaddour vs Il‑Kunsill, T‑461/16, EU:T:2018:316, punt 152 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">193</p>
</td>
<td valign="top">
<p class="normal">Fir-rigward tad-differenza fit-trattament allegata mir-rikorrenti meta mqabbel mat-trattament tal-kumpannija A, għandu jiġi osservat, kif għamel il-Kunsill, li r-rikorrenti u l-entitajiet Russi huma suġġetti għal sistemi differenti ta’ miżuri restrittivi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">194</p>
</td>
<td valign="top">
<p class="normal">L-ewwel nett, l-Artikolu 4(1) tad-Deċiżjoni 2012/642 u l-Artikolu 2 tar-Regolament Nru 765/2006 jipprevedu l-iffriżar tal-fondi u tar-riżorsi ekonomiċi kollha, minn naħa, tal-persuni, tal-entitajiet jew tal-organi li jkunu ġew identifikati bħala responsabbli għal ksur serju tad-drittijiet tal-bniedem jew għar-repressjoni tas-soċjetà ċivili u tal-oppożizzjoni demokratika, jew li l-attivitajiet tagħhom jipperikolaw serjament, b’xi mod ieħor, id-demokrazija jew l-Istat tad-dritt fil-Bjelorussja, jew ta’ kwalunkwe persuna fiżika jew ġuridika, kwalunkwe entità jew kwalunkwe organu assoċjat magħhom, kif ukoll tal-persuni ġuridiċi, tal-entitajiet jew tal-organi li huma jippossjedu jew jikkontrollaw u, min-naħa l-oħra, tal-persuni fiżiċi jew ġuridiċi, tal-entitajiet jew tal-organi li jkunu ġew identifikati bħala li jibbenefikaw mir-reġim ta’ Lukashenko jew li jappoġġjawh, kif ukoll dawk tal-persuni ġuridiċi, tal-entitajiet jew tal-organi li huma jippossjedu jew jikkontrollaw.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">195</p>
</td>
<td valign="top">
<p class="normal">It-tieni nett, skont l-Artikolu 2(1) tad-Deċiżjoni tal-Kunsill 2014/145/PESK tas‑17 ta’ Marzu 2014 dwar miżuri restrittivi fir-rigward ta’ azzjonijiet li jipperikolaw jew jheddu l-integrità territorjali, is-sovranità u l-indipendenza tal-Ukraina (ĠU 2014, L 78, p. 16), għandhom jiġu ffriżati l-fondi u r-riżorsi ekonomiċi kollha li jappertjenu lil persuni fiżiċi responsabbli għal azzjonijiet li jipperikolaw jew jheddu l-integrità territorjali, is-sovranità u l-indipendenza tal-Ukraina u lil persuni fiżiċi jew ġuridiċi, entitajiet jew organi assoċjati magħhom, kif elenkati fl-Anness tal-imsemmija deċiżjoni, kif ukoll il-fondi u r-riżorsi ekonomiċi kollha li dawn il-persuni, entitajiet u organi jippossjedu, jiddetjenu jew jikkontrollaw.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">196</p>
</td>
<td valign="top">
<p class="normal">Ir-rikorrenti tinsab għalhekk f’sitwazzjoni differenti minn dik tal-kumpannija li għaliha tirreferi, peress li hija suġġetta għal sistema ta’ miżuri restrittivi bbażata fuq kriterji għal inklużjoni differenti minn dawk tas-sistema ta’ miżuri restrittivi li taħtha taqa’ l-imsemmija kumpannija.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">197</p>
</td>
<td valign="top">
<p class="normal">Fl-aħħar nett, anki li kellu jitqies li l-Kunsill naqas milli jadotta miżuri restrittivi fir-rigward ta’ impriżi oħra jew ta’ setturi ekonomiċi oħra, dan il-fatt ma jistax jiġi invokat b’suċċess mir-rikorrenti, peress li l-prinċipju ta’ ugwaljanza fit-trattament għandu jiġi rrikonċiljat mad-diskrezzjoni wiesgħa li jgawdi minnha l-Kunsill huwa u jiddefinixxi s-suġġett ta’ miżuri restrittivi (ara, f’dan is-sens, is-sentenzi tat‑28 ta’ Marzu 2017, Rosneft, С‑72/15, EU:C:2017:236, punt 132; tas‑6 ta’ Marzu 2024, BSW – management company of “BMC” holding vs Il‑Kunsill, T‑258/22, mhux ippubblikata, EU:T:2024:150, punt 90, u tas‑6 ta’ Marzu 2024, Mostovdrev vs Il‑Kunsill, T‑259/22, mhux ippubblikata, EU:T:2024:151, punt 81).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">198</p>
</td>
<td valign="top">
<p class="normal">Fir-rigward tad-differenza fit-trattament allegata mir-rikorrenti meta mqabbel mat-trattament ta’ B, għandu jiġi rrilevat li, minkejja li din tal-aħħar ġiet inkluża f’listi bbażati fuq id-Deċiżjoni 2012/642, jiġifieri dik li kienet il-bażi legali tal-inklużjoni tar-rikorrenti, il-kriterji għal dawn iż-żewġ inklużjonijiet kienu differenti. B’hekk, il-kriterju għall-inklużjoni ta’ B kien jirrigwarda l-faċilitazzjoni tal-qsim illegali tal-fruntieri esterni tal-Unjoni, liema kriterju huwa differenti mill-kriterji għall-inklużjoni tar-rikorrenti fil-listi inkwistjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">199</p>
</td>
<td valign="top">
<p class="normal">Għandu jiġi kkonstatat għalhekk li r-rikorrenti tinsab f’sitwazzjoni differenti minn dik ta’ B.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">200</p>
</td>
<td valign="top">
<p class="normal">Għandu jitfakkar li l-miżuri restrittivi għandhom natura kawtelatorja u, mid-definizzjoni tagħhom, provviżorja, li l-validità tagħhom hija dejjem suġġetta għall-kontinwazzjoni taċ-ċirkustanzi ta’ fatt u ta’ liġi li jkunu wasslu għall-adozzjoni tagħhom, kif ukoll għall-ħtieġa li jinżammu sabiex jintlaħaq l-għan relatat magħhom. Huwa għalhekk li l-Kunsill huwa obbligat iwettaq, matul l-eżami mill-ġdid perijodiku tal-miżuri restrittivi tiegħu, evalwazzjoni aġġornata tas-sitwazzjoni u jevalwa l-impatt ta’ tali miżuri, sabiex jiġi ddeterminat jekk dawn ikunux laħqu l-għanijiet imfittxija mill-inklużjoni inizjali tal-ismijiet tal-persuni u tal-entitajiet ikkonċernati fil-lista kontenzjuża jew jekk tkunx għadha tista’ tinsilet l-istess konklużjoni fir-rigward tal-imsemmija persuni u entitajiet (sentenza tat‑12 ta’ Frar 2020, Amisi Kumba vs Il‑Kunsill, T‑163/18, EU:T:2020:57, punti 58 u 59).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">201</p>
</td>
<td valign="top">
<p class="normal">Barra minn hekk, għandu jiġi osservat li l-inklużjoni ta’ B kienet ibbażata fuq attività una tantum, ta’ darba, jiġifieri t-trasport ta’ migranti lejn il-Bjelorussja li kienu biħsiebhom jaqsmu illegalment il-fruntieri esterni tal-Unjoni. Din l-attività ma rrepetietx ruħha, u dan għamilha possibbli li din il-kumpannija titneħħa mil-lista.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">202</p>
</td>
<td valign="top">
<p class="normal">Issa, kif jirriżulta mill-proċess u mill-provi prodotti mill-Kunsill, l-appoġġ tar-reġim ta’ Lukashenko mir-rikorrenti jikkorrispondi għal attività kontinwa li ma waqfitx, peress li dawn huma ħlasijiet regolari ta’ fondi lill-baġit tal-Istat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">203</p>
</td>
<td valign="top">
<p class="normal">It-tielet nett, fir-rigward tad-differenza fit-trattament allegata mir-rikorrenti meta mqabbel mat-trattament tal-imprendituri tal-pajjiżi tal-Unjoni, għandu jiġi nnotat li l-inklużjoni tar-rikorrenti fil-listi inkwistjoni kellha għan speċifiku, jiġifieri li tiżdied il-pressjoni fuq ir-reġim ta’ Lukashenko, b’mod partikolari fil-kuntest tal-involviment tal-Bjelorussja fl-aggressjoni Russa kontra l-Ukraina, kif ukoll tar-repressjoni tas-soċjetà ċivili u tal-oppożizzjoni demokratika fil-Bjelorussja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">204</p>
</td>
<td valign="top">
<p class="normal">Minkejja li dan l-argument ma huwiex rilevanti fil-kuntest ta’ kawża li tikkonċerna miżuri restrittivi fil-qasam tal-PESK, li tirrigwarda għalhekk il-politika barranija tal-Unjoni, għandu jiġi rrilevat li s-sitwazzjoni tal-ħaddiema ssensjati minn impjegaturi fi ħdan l-Unjoni b’ebda mod ma tista’ tiġi pparagunata ma’ dik tal-impjegati ssensjati mir-rikorrenti talli pparteċipaw fi strajk kontra r-reġim ta’ Lukashenko.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">205</p>
</td>
<td valign="top">
<p class="normal">Għaldaqstant, it-tielet motiv għandu jiġi miċħud kollu kemm hu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">206</p>
</td>
<td valign="top">
<p class="normal">Fid-dawl tal-kunsiderazzjonijiet premessi, it-talba għall-annullament parzjali tal-atti inizjali għandha tiġi miċħuda.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq it‑talba għall‑annullament parzjali tal‑atti ta’ żamma</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">207</p>
</td>
<td valign="top">
<p class="normal">Permezz ta’ nota ta’ adattament, ir-rikorrenti titlob, abbażi tal-Artikolu 86 tar-Regoli tal-Proċedura, l-annullament tal-atti ta’ żamma sa fejn dawn jikkonċernaw lilha billi ttenni l-motivi u l-argumenti mqajma fir-rikors.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">208</p>
</td>
<td valign="top">
<p class="normal">Il-Kunsill iqis li diġà wera fir-risposta u fil-kontroreplika li r-rikorrenti kienet qiegħda tappoġġja lir-reġim ta’ Lukashenko u kienet qiegħda tibbenefika minnu, u jsostni li l-provi li għandu jiġġustifikaw iż-żamma ta’ isem ir-rikorrenti fil-listi inkwistjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">209</p>
</td>
<td valign="top">
<p class="normal">Taħt it-tielet u l-ħames motiv, ibbażati, rispettivament, fuq ksur tal-prinċipju ta’ nondiskriminazzjoni u fuq ksur tal-obbligu ta’ motivazzjoni mill-atti ta’ żamma, ir-rikorrenti ma tippreżenta ebda argument ieħor apparti minn dawk imressqa fir-rigward tal-atti inizjali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">210</p>
</td>
<td valign="top">
<p class="normal">Konsegwentement, peress li t-tielet u l-ħames motiv diġà ġew analizzati u miċħuda fil-kuntest tal-atti inizjali (ara l-punt 206 u l-punt 43 iktar ’il fuq, rispettivament), dawn għandhom, sa fejn jirrigwardaw l-atti ta’ żamma, jiġu miċħuda għall-istess raġunijiet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">211</p>
</td>
<td valign="top">
<p class="normal">Taħt l-ewwel motiv, ibbażat fuq ksur tal-prinċipju ta’ legalità, ir-rikorrenti ssostni li l-ftehim konkluż fit‑3 ta’ April 2000 bejn il-Gvern tar-Repubblika tal-Bjelorussja u l-Gvern tar-Repubblika tal-Litwanja dwar il-kundizzjonijiet għat-tranżitu ta’ merkanzija li toriġina mir-Repubblika tal-Bjelorussja b’użu tal-portijiet u ta’ infrastrutturi oħra ta’ trasport tar-Repubblika tal-Litwanja jiggarantilha dritt ta’ tranżitu tal-merkanzija mit-territorju Litwan lejn il-portijiet tal-Bjelorussja, skont l-Artikolu 125 tal-UNCLOS. Hija ssostni li l-miżuri restrittivi jheddu dan il-ftehim u li dan jikkostitwixxi ksur tal-ftehimiet internazzjonali fis-seħħ. Barra minn hekk, hija ssemmi investiment f’terminal portwali fil-Litwanja, kopert minn ftehim dwar il-promozzjoni u l-protezzjoni tal-investimenti tal‑5 ta’ Marzu 1999, li għandu jiżguralha protezzjoni legali u ċertezza totali. Madankollu, skont l-Artikolu 351(1) TFUE, id-drittijiet u l-obbligi li jirriżultaw minn dawn il-ftehimiet ma għandhomx jiġu affettwati mid-dispożizzjonijiet tat-Trattati tal-Unjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">212</p>
</td>
<td valign="top">
<p class="normal">Fir-rigward ta’ dan l-argument, għandu jiġi nnotat, qabelxejn, li li kellu jseħħ ksur tal-ftehimiet bilaterali minn Stat li huwa parti fihom, il-qorti nazzjonali jew il-qorti stabbilita abbażi ta’ tali ftehim għandha ġurisdizzjoni sabiex tieħu konjizzjoni tar-rikorsi għal ksur tal-imsemmija ftehimiet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">213</p>
</td>
<td valign="top">
<p class="normal">Anki li kellu jitqies li, f’dan il-każ, ir-rikorrenti tista’ tinvoka ż-żewġ ftehimiet bilaterali msemmija fil-punt 211 iktar ’il fuq u li l-Unjoni hija obbligata tosservahom, skont l-Artikolu 351(1) TFUE, għandu jiġi kkonstatat li hija ma wrietx u ma jirriżultax mill-proċess jekk il-ftehimiet imsemmija iktar ’il fuq kinux affettwati mill-atti ta’ żamma u sa fejn huma affettwati minn dawn l-atti tal-aħħar. F’dan ir-rigward, ir-rikorrenti tagħmel biss dikjarazzjonijiet ġenerali dwar il-ksur tal-ftehimiet bilaterali msemmija iktar ’il fuq, mingħajr ma tippreċiża b’liema manjiera u b’liema modi d-dispożizzjonijiet tal-ftehimiet bilaterali allegatament inkisru mill-atti ta’ żamma. Barra minn hekk, għandu jiġi osservat li dawn il-ftehimiet ma jistipulawx obbligi inkundizzjonati, iżda jipprevedu diversi possibiltajiet sabiex wieħed jitbiegħed minnhom.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">214</p>
</td>
<td valign="top">
<p class="normal">Konsegwentement, l-ewwel motiv għandu jiġi miċħud għal din ir-raġuni u għal dawk ir-raġunijiet imsemmija fil-kunsiderazzjonijiet magħmula fl-eżami tal-imsemmi motiv fir-rigward tal-legalità tal-atti inizjali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">215</p>
</td>
<td valign="top">
<p class="normal">Taħt ir-raba’ motiv, ibbażat fuq ksur tal-prinċipju ta’ proporzjonalità, ir-rikorrenti ssostni li l-Kunsill, minbarra li wettaq eżami mhux xieraq tad-deċiżjoni inizjali tiegħu, injora l-osservazzjonijiet li hija kienet issottomettiet u l-informazzjoni li hija kienet ipprovdietlu qabel l-adozzjoni tal-atti kkontestati.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">216</p>
</td>
<td valign="top">
<p class="normal">F’dan ir-rigward, għandu jitfakkar, kif jirriżulta mill-punt 200 iktar ’il fuq, li l-miżuri restrittivi għandhom natura kawtelatorja u, mid-definizzjoni tagħhom, provviżorja, li l-validità tagħhom hija dejjem suġġetta għall-kontinwazzjoni taċ-ċirkustanzi ta’ fatt u ta’ liġi li jkunu wasslu għall-adozzjoni tagħhom. Barra minn hekk, sabiex tiġi ġġustifikata ż-żamma ta’ isem persuna fil-lista, il-Kunsill ma huwiex ipprojbit milli joqgħod fuq l-istess provi li jkunu ġġustifikaw l-inklużjoni inizjali, l-inklużjoni mill-ġdid jew iż-żamma preċedenti ta’ isem il-persuna kkonċernata fil-lista, kemm‑il darba, minn naħa, il-motivi tal-inklużjoni ma jkunux inbidlu u, min-naħa l-oħra, il-kuntest ma jkunx inbidel b’tali mod li dawn il-provi jkunu saru obsoleti. Dan il-kuntest mhux biss jinkludi is-sitwazzjoni tal-pajjiż li fir-rigward tiegħu tkun ġiet stabbilita s-sistema ta’ miżuri restrittivi, iżda wkoll is-sitwazzjoni partikolari tal-persuna kkonċernata (ara s-sentenza tas‑26 ta’ Ottubru 2022, Ovsyannikov vs Il‑Kunsill, T‑714/20, mhux ippubblikata, EU:T:2022:674, punt 78 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">217</p>
</td>
<td valign="top">
<p class="normal">F’dan il-każ, l-allegazzjoni tar-rikorrenti fin-nota ta’ adattament tagħha dwar il-ksur tal-obbligu tal-Kunsill li jwettaq eżami mill-ġdid perijodiku hija infondata.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">218</p>
</td>
<td valign="top">
<p class="normal">Fil-fatt, minn naħa, permezz ta’ ittra tal‑21 ta’ Diċembru 2022, il-Kunsill informa lir-rikorrenti bl-intenzjoni tiegħu li jestendi l-applikazzjoni tal-miżuri restrittivi fir-rigward tagħha u annetta provi addizzjonali li l-Kunsill qagħad fuqhom fil-kuntest tal-eżami mill-ġdid annwali tal-miżuri, u r-rikorrenti ppreżentat osservazzjonijiet dwar l-estensjoni tal-miżuri u l-provi l-ġodda permezz ta’ ittra tat‑12 ta’ Jannar 2023.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">219</p>
</td>
<td valign="top">
<p class="normal">Min-naħa l-oħra, permezz ta’ ittra tal‑24 ta’ Frar 2023, il-Kunsill wieġeb għall-osservazzjonijiet tar-rikorrenti. Din l-ittra kien fiha argumenti ddettaljati li jispjegaw ir-raġunijiet għaliex il-Kunsill qies li l-argumenti tar-rikorrenti ma kinux biżżejjed sabiex ibiddlu l-evalwazzjoni tiegħu, u li kien xieraq li jkompli japplika miżuri restrittivi fir-rigward tagħha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">220</p>
</td>
<td valign="top">
<p class="normal">Ir-rikorrenti setgħet għalhekk tagħmel il-kummenti tagħha qabel l-adozzjoni tal-atti ta’ żamma u l-osservazzjonijiet tagħha ttieħdu inkunsiderazzjoni mill-Kunsill.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">221</p>
</td>
<td valign="top">
<p class="normal">Barra minn hekk, sa fejn ir-rikorrenti tfakkar, essenzjalment, l-argumenti diġà miċħuda fl-analiżi tar-raba’ motiv fil-kuntest tal-atti inizjali, mingħajr ma tressaq argumenti ġodda dwar l-atti ta’ żamma, dawn għandhom jiġu miċħuda wkoll fil-kuntest tal-atti ta’ żamma.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">222</p>
</td>
<td valign="top">
<p class="normal">Dan ifisser li r-raba’ motiv għandu jiġi miċħud.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">223</p>
</td>
<td valign="top">
<p class="normal">Taħt it-tieni motiv, ir-rikorrenti tinvoka żball ta’ evalwazzjoni tal-fatti u ksur tal-Artikolu 4(1)(a) u (b) tad-Deċiżjoni 2012/642.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">224</p>
</td>
<td valign="top">
<p class="normal">F’dan ir-rigward, fl-ewwel lok, għandu jiġi osservat li l-motivi tal-atti ta’ żamma huma, sa fejn jikkonċernaw lir-rikorrenti, l-istess bħall-motivi tal-atti inizjali. Barra minn hekk, insostenn tat-talba għall-annullament parzjali tal-atti ta’ żamma, ir-rikorrenti ttenni l-argumenti diġà mressqa kontra l-atti inizjali. Fid-difiża tiegħu, il-Kunsill itenni l-istess argumenti bħal dawk diġà mressqa sabiex jiġġustifika l-fondatezza tal-atti inizjali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">225</p>
</td>
<td valign="top">
<p class="normal">Dan ifisser li, għar-raġunijiet imfissra fil-punti 79 sa 104 u 113 sa 124 iktar ’il fuq, ir-rikorrenti ma wrietx li l-motivi tal-atti ta’ żamma huma vvizzjati bi żball ta’ evalwazzjoni fir-rigward tal-kwistjoni dwar jekk hija hijiex tappoġġja lir-reġim ta’ Lukashenko, hijiex tibbenefika minnu u hijiex responsabbli għar-repressjoni tas-soċjetà ċivili. Fil-fatt, ir-rikorrenti stess tirrikonoxxi li l-maġġoranza tal-provi prodotti mill-Kunsill fil‑21 ta’ Diċembru 2022 huma l-istess bħal dawk użati sabiex tiġi ġġustifikata l-inklużjoni inizjali tagħha fil-listi inkwistjoni. Fir-rigward tal-provi l-oħra, għandu jiġi osservat li r-rikorrenti ma tressaq ebda argument li jista’ jikkontesta l-motivi ta’ żamma tal-inklużjoni tagħha fil-listi inkwistjoni. F’dan ir-rigward, l-informazzjoni disponibbli fuq is-sit internet tar-rikorrenti, li ġiet ippreżentata mill-Kunsill bħala prova fid-Dokument tax-Xogħol 17500/22 INIT, turi li hija dejjem tiddeskrivi lilha nnifisha bħala “waħda mill-ikbar produtturi u esportaturi dinjija ta’ fertilizzanti bil-potassju”, li tirrappreżenta “20 % tal-produzzjoni dinjija tal-potassa” li “kull sena żżid il-volumi ta’ produzzjoni tagħha, iżżomm il-pożizzjonijiet tagħha fis-swieq tradizzjonali, tinfed u ssaħħaħ il-pożizzjonijiet tagħha fuq oħrajn, tiżviluppa u tipproduċi tipi ġodda ta’ fertilizzanti”. Għalhekk, il-kuntest tal-inklużjoni tar-rikorrenti meta mqabbel ma’ dak tal-inklużjoni inizjali tagħha fil-listi inkwistjoni ma nbidilx b’tali mod li l-provi l-oħra saru obsoleti u l-Kunsill seta’ validament joqgħod fuq il-motivi ta’ inklużjoni (ara, f’dan is-sens, is-sentenza tat‑23 ta’ Settembru 2020, Kaddour vs Il‑Kunsill, T‑510/18, EU:T:2020:436, punt 99).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">226</p>
</td>
<td valign="top">
<p class="normal">Fit-tieni lok, il-motivi li fuqhom hija bbażata l-evalwazzjoni li r-rikorrenti qiegħda tappoġġja lir-reġim ta’ Lukashenko, qiegħda tibbenefika minnu u hija responsabbli għar-repressjoni tas-soċjetà ċivili huma preċiżi u konkreti biżżejjed, ma għandhom ebda żball ta’ evalwazzjoni tal-fatti jew ebda żball ta’ liġi u huma, fihom infushom, bażi suffiċjenti sabiex tiġi ġġustifikata ż-żamma ta’ isem ir-rikorrenti fil-listi kontenzjużi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">227</p>
</td>
<td valign="top">
<p class="normal">Għaldaqstant, it-tieni motiv għandu jiġi miċħud bħala infondat u, għaldaqstant, it-talba għall-annullament parzjali tal-atti ta’ żamma għandha tiġi miċħuda wkoll.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">228</p>
</td>
<td valign="top">
<p class="normal">Fid-dawl tal-kunsiderazzjonijiet kollha premessi, dan ir-rikors għandu jiġi miċħud kollu kemm hu mingħajr ma jkun neċessarju li tintuża l-miżura istruttorja, mitluba mir-rikorrenti u li tikkonsisti f’rapport ta’ perizja, li l-Qorti Ġenerali għandha, skont l-Artikolu 92(1) tar-Regoli tal-Proċedura, tordna jekk tqis li jkun utli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l‑ispejjeż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">229</p>
</td>
<td valign="top">
<p class="normal">Skont l-Artikolu 134(1) tar-Regoli tal-Proċedura, il-parti li titlef il-kawża għandha tiġi kkundannata għall-ispejjeż, jekk dawn ikunu ntalbu. Peress li r-rikorrenti ħarġet telliefa, hija għandha tiġi kkundannata tbati l-ispejjeż rispettivi tagħha, kif ukoll dawk sostnuti mill-Kunsill, inkluż dawk relatati mal-proċeduri għal miżuri provviżorji, kif mitlub mill-Kunsill.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">230</p>
</td>
<td valign="top">
<p class="normal">Skont l-Artikolu 138(1) tar-Regoli tal-Proċedura, l-Istati Membri u l-istituzzjonijiet li intervjenew fil-kawża għandhom ibatu l-ispejjeż tagħhom. Konsegwentement, ir-Renju tal-Belġju u r-Repubblika tal-Latvja għandhom ibatu l-ispejjeż rispettivi tagħhom.</p>
</td>
</tr>
</table>
    <p class="C41DispositifIntroduction" id="para-274" title="page-35">
      Għal dawn il-motivi,
    </p>
    <p class="C19Centre" id="para-275" title="page-35">
      IL-QORTI ĠENERALI (Ir-Raba’ Awla Estiża)
    </p>
    <p class="C02AlineaAltA" id="para-276" title="page-35">
      taqta’ u tiddeċiedi:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1)</p>
</td>
<td valign="top">
<p class="normal">Ir-rikors huwa miċħud.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2)</p>
</td>
<td valign="top">
<p class="normal">Belaruskali AAT għandha tbati l-ispejjeż rispettivi tagħha, kif ukoll dawk sostnuti mill-Kunsill tal-Unjoni Ewropea, inkluż dawk relatati mal-proċeduri għal miżuri provviżorji.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3)</p>
</td>
<td valign="top">
<p class="normal">Ir-Renju tal-Belġju u r-Repubblika tal-Latvja għandhom ibatu l-ispejjeż rispettivi tagħhom.</p>
</td>
</tr>
</table>
    <div class="signatures">
<p class="C77SignaturesComposition" id="para-280" title="page-35">
<span class="signatory">da Silva Passos</span>
<span class="signatory_separator"> </span>
<span class="signatory">Gervasoni</span>
<span class="signatory_separator"> </span>
<span class="signatory">Półtorak</span>
</p>
<p class="C77SignaturesComposition" id="para-281" title="page-35">
<span class="signatory">Reine</span>
<span class="signatory_separator"> </span>
<span class="signatory_separator"> </span>
<span class="signatory">Pynnä</span>
</p>
<p class="C77SignaturesAlinea" id="para-282" title="page-35">
<span class="signatory">Mogħtija f’qorti bil-miftuħ fil-Lussemburgu, fit</span>
<span class="signatory">‑</span>
<span class="signatory">18 ta’ Settembru 2024..</span>
</p>
<p class="C77Signatures" id="para-283" title="page-35">
<span class="signatory">Firem</span>
</p>
</div>
    
    
    
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">*</a>
</span>) Lingwa tal-kawża: l-Ingliż.</p>
</body>
</html>
