European flag

Iris Oifigiúil
an Aontais Eorpaigh

GA

Sraith C


C/2024/495

23.1.2024

P9_TA(2023)0223

Leasuithe ar Rialacha Nós Imeachta na Parlaiminte maidir le tograí le haghaidh gníomhartha atá ceangailteach ó thaobh dlí a tharchur chuig coistí agus maidir leis an nós imeachta chun coinbhleachtaí inniúlachta a réiteach

Cinneadh ó Pharlaimint na hEorpa an 13 Meitheamh 2023 ar leasuithe ar Rialacha Nós Imeachta na Parlaiminte maidir le tograí le haghaidh gníomhartha atá ceangailteach ó thaobh dlí a tharchur chuig coistí agus maidir leis an nós imeachta chun coinbhleachtaí inniúlachta a réiteach (2023/2055(REG))

(C/2024/495)

Tá Parlaimint na hEorpa,

—

ag féachaint don litir óna hUachtarán an 12 Deireadh Fómhair 2022,

—

ag féachaint do Rialacha 236 agus 237 dá Rialacha Nós Imeachta,

—

ag féachaint don tuarascáil ón gCoiste um Ghnóthaí Bunreachtúla (A9-0198/2023),

1.

á chinneadh a cuid Rialacha Nós Imeachta a leasú de réir mar a léirítear anseo thíos;

2.

á thabhairt le fios go dtiocfaidh na leasuithe i bhfeidhm an chéad lá den chéad pháirtseisiún eile;

3.

á threorú dá hUachtarán an cinneadh seo a chur ar aghaidh chuig an gComhairle agus chuig an gCoimisiún mar eolas.

Leasú 1

Rialacha Nós Imeachta Pharlaimint na hEorpa

Riail 48 – mír 1

An téacs atá ann

Leasú

1.   Déanfaidh an tUachtarán tograí le haghaidh gníomhartha atá ceangailteach ó thaobh dlí a gheofar ó institiúidí eile nó ó na Ballstáit a tharchur chuig an gcoiste freagrach lena mbreithniú.

1.   Déanfaidh an tUachtarán tograí le haghaidh gníomhartha atá ceangailteach ó thaobh dlí a gheofar ó institiúidí eile nó ó na Ballstáit a tharchur chuig an gcoiste freagrach lena mbreithniú. Cuirfear na coistí eile ar an eolas faoin tarchur ag an am céanna.

Leasú 2

Rialacha Nós Imeachta Pharlaimint na hEorpa

Riail 48 – mír 2 a (nua)

An téacs atá ann

Leasú

 

2a.     Fógróidh an tUachtarán an tarchur sa Pharlaimint tar éis an togra a fháil i dteangacha oifigiúla uile an Aontais Eorpaigh agus, ach amháin i gcásanna iarrataí ar chur i bhfeidhm an nós imeachta práinne de bhun Riail 163, i gcás inarb ábhartha, tar éis aon choinbhleacht inniúlachta idir coistí a bheith socraithe i gcomhréir le Riail 211(2). A luaithe a fhógrófar sa Pharlaimint é, poibleofar an tarchur ar shuíomh gréasáin na Parlaiminte.

Leasú 3

Rialacha Nós Imeachta Pharlaimint na hEorpa

Riail 211 – mír 1

An téacs atá ann

Leasú

1.   Más rud é go ndearbhaíonn buanchoiste ina leith féin nach bhfuil sé inniúil ar mhír áirithe a bhreithniú, nó más rud é go dtagann coinbhleacht chun cinn maidir le hinniúlacht dhá bhuanchoiste nó níos mó, tíolacfar ceist na hinniúlachta chuig Comhdháil Chathaoirligh na gCoistí laistigh de cheithre seachtaine ón tráth a dhéantar an tarchur chuig coiste a fhógairt sa Pharlaimint .

1.   Más rud é go ndearbhaíonn buanchoiste ina leith féin nach bhfuil sé inniúil ar mhír áirithe a bhreithniú, nó más rud é go dtagann coinbhleacht chun cinn maidir le hinniúlacht dhá bhuanchoiste nó níos mó, tíolacfar ceist na hinniúlachta chuig Comhdháil Chathaoirligh na gCoistí laistigh de dhá sheachtain ón tráth a dhéantar an tarchur chuig coiste dá bhforáiltear i Riail 48(1) . Ní dhéanfar seachtainí nach mbeidh gníomhaíochtaí parlaiminteacha ar siúl lena linn agus seachtainí a chuirfear i leataobh le haghaidh gníomhaíochtaí parlaiminteacha seachtracha a chur san áireamh chun críocha an spriocdháta sin .

Leasú 4

Rialacha Nós Imeachta Pharlaimint na hEorpa

Riail 211 – mír 2

An téacs atá ann

Leasú

2.   Déanfaidh Comhdháil na nUachtarán cinneadh laistigh de shé seachtaine tar éis thíolacadh na ceiste ar bhonn molta ó Chomhdháil Chathaoirligh na gCoistí nó, mura dtagann moladh den sórt sin ón gComhdháil sin, ar bhonn molta ó chathaoirleach na Comhdhála sin . Más rud é nach ndéanann Comhdháil na nUachtarán cinneadh laistigh den tréimhse sin, measfar go bhfuil an moladh formheasta.

2.    Ag an dara cruinniú a bheidh aici, ar a dhéanaí, nuair a bheidh an sprioc-am a leagtar síos i mír 1 thart, déanfaidh Comhdháil Chathaoirligh na gCoistí nó a Cathaoirleach moladh a éisiúint . Déanfaidh Comhdháil na nUachtarán cinneadh ar bhonn an mholta sin laistigh de shé seachtaine tar éis a tharchuir . Más rud é nach ndéanann Comhdháil na nUachtarán cinneadh laistigh den tréimhse sin, measfar go bhfuil an moladh formheasta.


ELI: http://data.europa.eu/eli/C/2024/495/oj

ISSN 1977-107X (electronic edition)