European flag

Iris Oifigiúil
an Aontais Eorpaigh

GA

Sraith C


C/2024/1131

26.1.2024

Foilsiú iarratais ar leasú a dhéanamh ar théarma traidisiúnta in earnáil an fhíona i gcomhréir le hAirteagal 28(3) agus Airteagal 34 de Rialachán Tarmligthe (AE) 2019/33 ón gCoimisiún lena bhforlíontar Rialachán (AE) Uimh. 1308/2013 ó Pharlaimint na hEorpa agus ón gComhairle a mhéid a bhaineann le hiarratais ar chosaint ainmniúchán tionscnaimh, tásc geografach agus téarmaí traidisiúnta in earnáil an fhíona, an nós imeachta agóide, srianta ar úsáid, leasuithe ar shonraíochtaí táirge, cealú cosanta, lipéadú agus cur i láthair

‘Oloroso’

(C/2024/1131)

Leis an bhfoilseachán seo, tugtar an ceart agóid a thaisceadh i gcomhréir le hAirteagal 22(1) agus Airteagal 27(1) de Rialachán Cur Chun Feidhme (AE) 2019/34 ón gCoimisiún (1). Ní mór na ráitis agóide a bheith faighte ag an gCoimisiún laistigh de 2 mhí ó dháta an fhoilseacháin seo.

IARRATAS AR LEASÚ MAIDIR LEIS AN TÉARMA TRAIDISIÚNTA

‘Oloroso’

Dáta fála: An 5 Bealtaine 2023

Líon na leathanach (an ceann seo san áireamh): 3

Teanga an iarratais ar leasú: Spáinnis

Uimhir chomhaid: Ares(2023)3171562

Téarma traidisiúnta a n-iarrtar an modhnú ina leith: Oloroso

Iarratasóir: Ard-Stiúrthóireacht na dTionscal Agraibhia, na Nuálaíochta agus Shlabhra an tSoláthair Bia in Aireacht Talmhaíochta, Iascaigh, Uisce agus Forbartha Tuaithe na hAndalúise

Seoladh iomlán (uimhir an tí agus ainm na sráide, baile/cathair agus cód poist, tír):

C/Taibladilla, s/n, 41071 Sevilla An Spáinn

Náisiúntacht: Spáinneach

Teileafón, facs, ríomhphost:

Teileafón: +34 955032278

Facs: +34 955032460

Ríomhphost: dgiica.capadr@juntadeandalucia.es

Tuairisc ar an modhnú:

—

Catagóir 1 — Fíon mar chatagóir nua de tháirgí fíniúna a chumhdaítear leis an gcosaint.

—

San achoimre ar an sainmhíniú/coinníollacha úsáide, rinneadh an méid seo a leanas:

‘ Fíon licéir (vino generoso) de ‘Jerez-Xérès-Sherry’ agus ‘Montilla Moriles’ ag a bhfuil na cáilíochtaí seo a leanas: tathagach, lán veilbhitiúil, aramatach, tréan, tirim nó beagáinín milis, ar dhath atá cosúil le mahagaine, ag a bhfuil neart alcóil iarbhír idir 16° agus 22°. Rinneadh é a thabhairt chun cineáil ar feadh 2 bhliain ar a laghad, trí úsáid a bhaint as an gcóras ‘criaderas y soleras’, i gcoimeádáin darach ag a bhfuil uastoilleadh 1 000 lítear. ’

a ionadú leis an sainmhíniú/na coinníollacha úsáide seo a leanas:

1.

Féadfar an téarma ‘Oloroso’ a úsáid le haghaidh fíonta ar a bhfuil an téarma ‘vino generoso’ de ‘Jerez-Xérès-Sherry’, ‘Montilla-Moriles’ agus ‘Condado de Huelva’ a chomhlíonann na ceanglais seo a leanas:

a)

Tabhairt chun cineáil ocsaídiúcháin amháin, tar éis an bunfhlór a bheith imithe.

b)

a bhfuil cion alcóil idir 16 % agus 22 % de réir toirte ann

c)

Dath ór go mahagaine dhorcha, agus dea-bholaithe ann a bhaineann go sonrach le tabhairt chun cineáil ocsaídiúcháin amhail cnónna agus adhmad.

2.

Féadfar an téarma a úsáid freisin le haghaidh fíonta a bhfuil an téarma ‘vino generoso de licor’ orthu, ar fíonta iad a dtáirgtear 85 % díobh ar a laghad ón bhfíon ar a bhfuil an téarma ‘vino generoso’ ar a dtugtar tuairisc i bpointe 1. Ní mór tásc maidir le cion siúcra an chumaisc a bheidh ann dá bharr a chur díreach i ndiaidh an téarma ‘Oloroso’ nó a chur ar an lipéadú díreach roimh an téarma sin, mar a rialaítear sna sonraíochtaí nó sna rialacháin táirge is infheidhme.’

Míniú ar fhoras an mhodhnaithe:

Ar mhaithe le soiléireacht, trédhearcacht agus deimhneacht dhlíthiúil, tá téarmaí traidisiúnta áirithe d’fhíonta d’ainmniúcháin tionscnaimh faoi chosaint de chuid na hAndalúise faoi réir rialacháin faoi Ordú ón Aireacht Réigiúnach Talmhaíochta, Iascaigh, Uisce agus Forbartha Tuaithe an 22 Feabhra 2023, a foilsíodh in Iris Oifigiúil na hAndalúise (Boja) Uimh. 42 an 3 Márta 2023. Is é an tOrdú an ionstraim dlí iomchuí chun na téarmaí traidisiúnta a fhormheas agus chun iad a leasú ina dhiaidh sin i gclár an Aontais Eorpaigh.

Chun aistriú dlíthiúil ó chreat reachtach reatha an téarma thraidisiúnta ‘Oloroso’ faoi chosaint a áirithiú, bunaíodh agus foilsíodh an sainmhíniú. Sa sainmhíniú, déantar tuairisc ar ghnéithe shainiúla agus comhroinnte na n-ainmniúchán tionscnaimh faoi chosaint lena mbaintear úsáid as an téarma traidisiúnta. Ar an gcaoi sin, is féidir iomaíocht chothrom a bheith ann idir táirgeoirí agus, san am céanna, tugtar faisnéis shoiléir do thomhaltóirí.

Ainm an tsínitheora: Ard-Stiúrthóir na dTionscal Agraibhia, na Nuálaíochta agus Shlabhra an tSoláthair Bia


(1)   IO L 9, 11.1.2019, lch. 46, ELI: http://data.europa.eu/eli/reg_impl/2019/34/oj


ELI: http://data.europa.eu/eli/C/2024/1131/oj

ISSN 1977-107X (electronic edition)