|
Iris Oifigiúil |
GA Sraith L |
|
2025/634 |
2.4.2025 |
RIALACHÁN CUR CHUN FEIDHME (AE) 2025/634 ÓN gCOIMISIÚN
an 1 Aibreán 2025
maidir le húdarú L-argainín arna tháirgeadh le Escherichia coli CGMCC 7.401 mar bhreiseán beathaithe le haghaidh gach speicis ainmhíoch
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CE) Uimh. 1831/2003 ó Pharlaimint na hEorpa agus ón gComhairle an 22 Meán Fómhair 2003 maidir le breiseáin lena n-úsáid i gcothú ainmhithe (1), agus go háirithe Airteagal 9(2) de,
De bharr an mhéid seo a leanas:
|
(1) |
Le Rialachán (CE) Uimh. 1831/2003 foráiltear maidir le breiseáin lena n-úsáid i gcothú ainmhithe a údarú agus maidir leis an bhforas agus na nósanna imeachta chun údarú den sórt sin a dheonú. |
|
(2) |
I gcomhréir le hAirteagal 7 de Rialachán (CE) Uimh. 1831/2003, cuireadh isteach iarratas maidir le húdarú L-argainín arna tháirgeadh le Escherichia coli CGMCC 7.401. Bhí na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leis an iarratas sin. |
|
(3) |
Baineann an t-iarratas le húdarú L-argainín arna tháirgeadh le Escherichia coli CGMCC 7.401 mar bhreiseán beathaithe lena úsáid i mbeatha agus in uisce óil le haghaidh gach speicis ainmhíoch, agus iarrtar ann go n-aicmeofaí an breiseán sa chatagóir breiseán ‘breiseáin chothaitheacha’ agus san fheidhmghrúpa ‘aimíonaigéid, a salainn agus analóga’. |
|
(4) |
Tháinig an tÚdarás Eorpach um Shábháilteacht Bia (‘an tÚdarás’) ar an gconclúid sa tuairim uaidh an 18 Meán Fómhair 2024 (2) go bhfuil L-argainín arna tháirgeadh le Escherichia coli CGMCC 7.401 sábháilte do na spriocspeicis agus aistí bia á bhforlíonadh le méideanna iomchuí de i gcomhréir lena riachtanais chothaitheacha. Mar sin féin, tá imní ar an Údarás maidir le sábháilteacht na substainte do na spriocspeicis, imní a thagann as L-argainín a thabhairt go comhuaineach trí uisce óil agus trí bheatha, mar gheall ar an riosca go mbeadh míchothromaíochtaí sna haimíonaigéid ann nó ar chúiseanna sláinteachais. Meastar go bhfuil úsáid L-argainín a tháirgtear le Escherichia coli CGMCC 7.401 i gcothú ainmhithe sábháilte do thomhaltóirí agus don chomhshaol. Níorbh fhéidir leis an Údarás teacht ar chonclúid maidir le hacmhainneacht an bhreiseáin a bheith ina ghreannaitheoir craicinn nó súl, ná maidir lena acmhainneacht a bheith ina ina íogróir craicinn nó riospráide, in éagmais sonraí. Tháinig an tÚdarás ar an gconclúid thairis sin go meastar gur foinse éifeachtúil den aimíonaigéad riachtanach L-argainín í an tsubstaint le haghaidh ainmhithe neamh-athchogantacha, agus gur cheart an L-argainín a chosaint ar dhíghrádú sa chogansach ionas go mbeidh sé lán-éifeachtúil i gcás na n-athchogantach. Níor mheas an tÚdarás go raibh gá le ceanglais shonracha maidir le faireachán iarmhargaidh. D’fhíoraigh sé freisin an tuarascáil ar an modh anailíse a úsáidtear chun anailís a dhéanamh ar an mbreiseán beathaithe in ábhar beatha, tuarascáil arna cur isteach ag an tSaotharlann Tagartha a bunaíodh le Rialachán (CE) Uimh. 1831/2003. |
|
(5) |
I bhfianaise an mhéid thuas, measann an Coimisiún go gcomhlíonann L-argainín arna tháirgeadh le Escherichia coli CGMCC 7.401 na coinníollacha dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart úsáid na substainte sin mar bhreiseán beathaithe a údarú. Má thugtar d’athchogantaigh é, ní mór L-argainín a chosaint ar dhíghrádú sa chogansach. Is iomchuí an t-úsáideoir a chur ar an eolas chun go gcuirfidh sé an soláthar cothaithe san áireamh leis na haimíonaigéid uile atá riachtanach agus atá riachtanach go coinníollach, go háirithe i gcás ina mbaintear úsáid as L-argainín mar fhorlíonadh trí uisce óil. Ina theannta sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte úsáideoirí an bhreiseáin a chosc. |
|
(6) |
Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha, |
TAR ÉIS AN RIALACHÁN SEO A GHLACADH:
Airteagal 1
Údarú
An tsubstaint a shonraítear san Iarscríbhinn, substaint a bhaineann leis an gcatagóir breiseán ‘breiseáin chothaitheacha’ agus leis an bhfeidhmghrúpa ‘aimíonaigéid, a salainn agus analóga’, údaraítear í mar bhreiseán i gcothú ainmhithe faoi réir na gcoinníollacha a leagtar síos san Iarscríbhinn sin.
Airteagal 2
Teacht i bhfeidhm
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 1 Aibreán 2025.
Thar ceann an Choimisiúin
An tUachtarán
Ursula VON DER LEYEN
(1) IO L 268, 18.10.2003, lch. 29, ELI: http://data.europa.eu/eli/reg/2003/1831/oj.
(2) EFSA Journal [Iris EFSA] 2024, 22(10), e9028.
IARSCRÍBHINN
|
Uimhir aitheantais an bhreiseáin beathaithe |
Breiseán |
Comhdhéanamh, foirmle cheimiceach, tuairisc, modh anailíse |
Speiceas nó catagóir ainmhí |
Uasteorainn aoise |
Íoschion |
Uaschion |
Forálacha eile |
Deireadh na tréimhse údaraithe |
||||||||||||
|
mg/kg d’ábhar beatha iomlán ina bhfuil cion taise 12 % |
||||||||||||||||||||
|
Catagóir: breiseáin chothaitheacha. Feidhmghrúpa: aimíonaigéid, a salainn agus analóga |
||||||||||||||||||||
|
3c366 |
L-argainín |
Comhdhéanamh an bhreiseáin: L-argainín ≥ 98,5 % (ar bhonn ábhar tirim) Foirm sholadach |
Gach speiceas ainmhíoch |
– |
– |
– |
|
22 Aibreán 2035 |
||||||||||||
|
Tréithriú na substainte gníomhaí: L-argainín (aigéad (S)-2-aimínea-5-guanaidínipeantanóch) arna tháirgeadh le Escherichia coli CGMCC 7.401 Foirmle cheimiceach: C6H14N4O2 Uimhir CAS: 74–79-3 |
||||||||||||||||||||
|
Modh anailíse (1): Maidir le L-argainín sa bhreiseán beathaithe a shainaithint:
Maidir le L-argainín sa bhreiseán beathaithe agus san uisce a chinneadh:
Maidir le L-argainín sna réamh-mheascáin agus sa bheatha chumaisc a chinneadh:
|
||||||||||||||||||||
(1) Tá sonraí faoi na modhanna anailíse le fáil ag an seoladh seo a leanas sa tSaotharlann Tagartha: https://joint-research-centre.ec.europa.eu/eurl-fa-eurl-feed-additives/eurl-fa-authorisation/eurl-fa-evaluation-reports_ga.
(2) Rialachán (CE) Uimh. 152/2009 ón gCoimisiún an 27 Eanáir 2009 lena leagtar síos na modhanna samplála agus anailíse chun rialú oifigiúil a dhéanamh ar bheatha (IO L 54, 26.2.2009, lch. 1, http://data.europa.eu/eli/reg/2009/152/oj).
ELI: http://data.europa.eu/eli/reg_impl/2025/634/oj
ISSN 1977-0839 (electronic edition)