—

wara li kkunsidra l-abbozz ta' deċiżjoni ta' implimentazzjoni tal-Kummissjoni li tawtorizza t-tqegħid fis-suq ta' prodotti li fihom, jikkonsistu minn, jew li huma prodotti minn fażola tas-sojja ġenetikament modifikata SYHT0H2 (SYN-ØØØH2-5), skont ir-Regolament (KE) Nru 1829/2003 tal-Parlament Ewropew u tal-Kunsill (D068779/01,

—

wara li kkunsidra r-Regolament (KE) Nru 1829/2003 tal-Parlament Ewropew u tal-Kunsill tat-22 ta' Settembru 2003 dwar ikel u għalf modifikat ġenetikament (1), u b'mod partikolari l-Artikoli 7(3) u 19(3) tiegħu,

—

wara li kkunsidra l-votazzjoni fil-Kumitat Permanenti dwar il-Katina Alimentari u s-Saħħa tal-Annimali msemmija fl-Artikolu 35 tar-Regolament (KE) Nru 1829/2003, tal-15 ta' Settembru 2020, li matulha ma ngħatat l-ebda opinjoni,

—

wara li kkunsidra l-Artikoli 11 u 13 tar-Regolament (UE) Nru 182/2011 tal-Parlament Ewropew u tal-Kunsill tas-16 ta' Frar 2011 li jistabbilixxi r-regoli u l-prinċipji ġenerali dwar il-modalitajiet ta' kontroll mill-Istati Membri tal-eżerċizzju mill-Kummissjoni tas-setgħat ta' implimentazzjoni (2),

—

wara li kkunsidra l-opinjoni adottata mill-Awtorità Ewropea dwar is-Sigurtà fl-Ikel (EFSA) fit-28 ta' Novembru 2019, u ppubblikata fl-20 ta' Jannar 2020 (3),

—

wara li kkunsidra r-riżoluzzjonijiet preċedenti tiegħu li joġġezzjonaw għall-awtorizzazzjoni ta' organiżmi ġenetikament modifikati (“OĠM”) (4) ,

—

wara li kkunsidra l-Artikolu 112(2) u (3) tar-Regoli ta' Proċedura tiegħu,

—

wara li kkunsidra l-mozzjoni għal riżoluzzjoni tal-Kumitat għall-Ambjent, is-Saħħa Pubblika u s-Sikurezza tal-Ikel,

A.

billi, fit-8 ta' Awwissu 2012, Syngenta Crop Protection AG ressqet, permezz tal-kumpanija affiljata tagħha Syngenta Crop Protection NV/SA, applikazzjoni lill-awtorità nazzjonali kompetenti tal-Ġermanja (“l-applikazzjoni”) skont l-Artikoli 5 u 17 tar-Regolament (KE) Nru 1829/2003; billi l-applikazzjoni kienet tkopri t-tqegħid fis-suq ta' oġġetti tal-ikel, ingredjenti tal-ikel u għalf li fihom il-fażola tas-sojja ġenetikament modifikata, jew li jikkonsistu minnha jew huma prodotti minnha (Glycine max (L.) Merr.) SYHT0H2; billi l-applikazzjoni kienet tkopri wkoll it-tqegħid fis-suq ta' prodotti li fihom, jew jikkonsistu minn, fażola tas-sojja ġenetikament modifikata (“ĠM”) SYHT0H2 għal użi oħra għajr għall-ikel u l-għalf, bl-eċċezzjoni tal-kultivazzjoni;

B.

billi, fit-28 ta' Novembru 2019, l-EFSA adottat opinjoni favorevoli, li ġiet ippubblikata fl-20 ta' Jannar 2020, fir-rigward ta' dik l-applikazzjoni;

C.

billi l-fażola tas-s-sojja SYHT0H2 ĠM ġiet żviluppata biex tagħti tolleranza għall-glufosinat-ammonju u għas-sustanzi attivi erbiċidali mesotrione u erbiċidi oħra li jinibixxu l-p-hydroxyphenylpyruvate dioxygenase (HPPD) (5);

D.

billi ntwera li l-kultivazzjoni ta' għelejjel ĠM tolleranti għall-erbiċidi tirriżulta f'użu akbar ta' erbiċidi, fil-biċċa l-kbira dovuta għat-tfaċċar ta' ħaxix ħażin tolleranti għall-erbiċidi (6); billi, bħala konsegwenza, huwa mistenni li l-għelejjel tal-fażola tas-sojja SYHT0H2 ĠM se jkunu esposti kemm għal dożi ogħla u ripetuti ta' erbiċidi komplementari (glufosinat u erbiċidi li jinibixxu l-HPPD) li potenzjalment se jwasslu għal kwantità ogħla ta' residwi fil-ħsad;

E.

billi l-glufosinat huwa klassifikat bħala sustanza tossika għar-riproduzzjoni 1B u għalhekk jissodisfa l-“kriterji ta' limitu” stabbiliti fir-Regolament (KE) Nru 1107/2009 tal-Parlament Ewropew u tal-Kunsill (7); billi l-approvazzjoni għall-użu tal-glufosinat fl-Unjoni skadiet fil-31 ta' Lulju 2018 (8);

F.

billi, skont l-EFSA, l-erbiċida mesotrione li jinibixxi l-HPPD “jista' jitqies li għandu proprjetajiet li jfixklu s-sistema endokrinali”, filwaqt li l-potenzjal ġenotossiku tal-AMBA, prodott ta' dekompożizzjoni tal-mesotrione, “ma jistax jiġi eskluż” (9);

G.

billi l-glufosinat u l-mesotrione biss tqiesu bħala erbiċidi komplementari għall-għan tal-valutazzjoni tar-riskju; billi, madankollu, l-erbiċidi li jinibixxu l-HPPD jinkludu firxa ta' erbiċidi, inkluż l-isoxaflutole, li għalhekk jistgħu jintużaw fi kwantitajiet kbar fuq din il-fażola tas-sojja ĠM; billi l-isoxaflutole, skont il-klassifikazzjoni armonizzata u l-ittikkettar approvat mill-Unjoni, huwa tossiku ħafna għall-ħajja akkwatika u suspettat li jagħmel ħsara lit-tarbija li tkun għadha ma twelditx (10);

H.

billi, madankollu, il-valutazzjoni tar-residwi tal-erbiċida, u tal-prodotti li jkissru l-erbiċida, li jinstabu fuq pjanti ĠM, kif ukoll l-effetti kombinati (“cocktail”) li jista' jkun hemm, hija meqjusa barra mill-mandat tal-Bord tal-EFSA dwar Organiżmi Ġenetikament Modifikati u għalhekk mhix meħuda bħala parti mill-proċess ta' awtorizzazzjoni għall-OĠM; billi dan huwa problematiku peress li l-mod kif l-erbiċidi komplementari jiġu diżintegrati mill-pjanta ĠM ikkonċernata, u l-kompożizzjoni u għalhekk it-tossiċità tal-prodotti ta' diżintegrazzjoni (“metaboliti”), jistgħu jiġu stimolati mill-modifika ġenetika nnifisha;

I.

billi, skont ir-Regolament (KE) Nru 396/2005 tal-Parlament Ewropew u tal-Kunsill (11), ir-residwi fuq l-għelejjel importati għall-ikel u l-għalf tal-erbiċidi li mhumiex awtorizzati għall-użu fl-Unjoni għandhom jiġu kkontrollati u ssorveljati bir-reqqa;

J.

billi, madankollu, skont il-programm ta' kontroll pluriennali kkoordinat tal-Unjoni għall-2020, l-2021 u l-2022, l-Istati Membri mhumiex obbligati li jkejlu l-glufosinat fuq il-fażola tas-sojja importata (12); billi ma jistax jiġi eskluż li l-fażola tas-sojja SYHT0H2 ĠM jew prodotti li ġejjin minnha għall-ikel u l-għalf jaqbżu l-livelli massimi ta' residwi, li ġew stabbiliti biex jiżguraw livell għoli ta' protezzjoni tal-konsumatur;

K.

billi, għalhekk, ma jistax jiġi konkluż li l-konsum tal-fażola tas-sojja SYHT0H2 ĠM huwa sikur għas-saħħa tal-bniedem u tal-annimali;

L.

billi skont il-konklużjonijiet ta' proġett ta' riċerka internazzjonali bl-isem “Risk Assessment of genetically engineered organisms in the EU and Switzerland” (Valutazzjoni tar-Riskju ta' organiżmi ġenetikament modifikati fl-UE u fl-Iżvizzera), ippreżentati f'Jannar 2020, il-valutazzjoni tar-riskju tal-Unjoni dwar l-OĠM tonqos milli tindirizza b'mod sodisfaċenti r-riskji għas-saħħa pubblika u għall-ambjent, inkluż fir-rigward tar-riskji għas-saħħa relatati mal-konsum ta' prodotti li ġejjin minn pjanti ĠM li huma tolleranti għall-erbiċidi (13);

M.

billi l-awtoritajiet kompetenti tal-Istati Membri bagħtu kummenti lill-EFSA matul il-perjodu ta' konsultazzjoni ta' tliet xhur (14); billi l-kummenti kritiċi jinkludu n-nuqqas ta' analiżi tar-residwi tal-erbiċida fuq l-importazzjonijiet ta' fażola tas-sojja SYHT0H2 ĠM u r-riskji potenzjali għas-saħħa tal-konsumaturi, li t-tagħrif tossikoloġiku mhuwiex biżżejjed u li, għalhekk, ir-riskju potenzjali assoċjat mal-konsum ta' ikel prodott mill-fażola tas-sojja SYHT0H2 ĠM ma jistax jiġi evalwat, dik l-informazzjoni meħtieġa għall-konklużjoni dwar il-valutazzjoni tas-saħħa ambjentali mhijiex kompluta, u li għandu jiġi mfassal pjan ta' monitoraġġ dettaljat qabel ma tkun tista' tingħata l-awtorizzazzjoni;

N.

billi l-votazzjoni fil-15 ta' Settembru 2020 tal-Kumitat Permanenti dwar il-Katina Alimentari u s-Saħħa tal-Annimali msemmi fl-Artikolu 35 tar-Regolament (KE) Nru 1829/2003 ma tat l-ebda opinjoni, li jfisser li l-awtorizzazzjoni ma kinitx appoġġjata minn maġġoranza kwalifikata tal-Istati Membri;

O.

billi l-Kummissjoni tirrikonoxxi li l-fatt li deċiżjonijiet dwar l-awtorizzazzjoni tal-OĠM għadhom jiġu adottati mill-Kummissjoni mingħajr maġġoranza kwalifikata tal-Istati Membri favur, li hija deċiżament l-eċċezzjoni għall-awtorizzazzjonijiet tal-prodotti b'mod ġenerali iżda saret in-norma għat-teħid ta' deċiżjonijiet dwar l-awtorizzazzjonijiet ta' ikel u għalf ĠM, hija problematika (15);

P.

billi, fit-tmien leġiżlatura tiegħu, il-Parlament adotta total ta' 36 riżoluzzjoni li joġġezzjonaw għat-tqegħid fis-suq tal-OĠM għall-ikel u għall-għalf (33 riżoluzzjoni) u għall-kultivazzjoni tal-OĠM fl-Unjoni (tliet riżoluzzjonijiet); billi, sal-lum, il-Parlament adotta tmien oġġezzjonijiet fid-disa' leġiżlatura tiegħu; billi ma kienx hemm maġġoranza kwalifikata ta' Stati Membri favur l-awtorizzazzjoni ta' kwalunkwe wieħed minn dawk l-OĠM; billi minkejja r-rikonoxximent tagħha stess tan-nuqqasijiet demokratiċi, tan-nuqqas ta' appoġġ mill-Istati Membri u tal-oġġezzjonijiet tal-Parlament, il-Kummissjoni qiegħda tkompli tawtorizza l-OĠM;

Q.

billi, skont ir-Regolament (UE) Nru 182/2011, il-Kummissjoni tista' tiddeċiedi li ma tawtorizzax OĠM meta ma jkunx hemm maġġoranza kwalifikata ta' Stati Membri favur fil-Kumitat ta' Appell (16); billi f'dan ir-rigward ma hemm bżonn tal-ebda bidla fil-liġi;

R.

billi r-Regolament (KE) Nru 1829/2003 jipprevedi li ikel jew għalf ĠM ma għandux ikollu effetti negattivi fuq is-saħħa tal-bniedem, is-saħħa tal-annimali jew l-ambjent, u jirrikjedi li l-Kummissjoni tqis kwalunkwe dispożizzjoni rilevanti tad-dritt tal-Unjoni u fatturi leġittimi oħra li jkunu rilevanti għall-kwistjoni li tkun qiegħda tiġi kkunsidrata fl-abbozzar tad-deċiżjoni tagħha; billi dawn il-fatturi leġittimi għandhom jinkludu l-obbligi tal-Unjoni skont l-Għanijiet ta' Żvilupp Sostenibbli (“SDGs”) tan-Nazzjonijiet Uniti (NU), il-Ftehim ta' Pariġi dwar il-Klima u l-Konvenzjoni tan-NU dwar id-Diversità Bijoloġika (“il-KDB tan-NU”);

S.

billi rapport reċenti tar-Rapporteur Speċjali tan-NU dwar id-dritt għall-Ikel sab li, b'mod partikolari fil-pajjiżi li qed jiżviluppaw, il-pestiċidi perikolużi għandhom impatti katastrofiċi fuq is-saħħa (17); billi l-mira tal-SDG 3.9 għandha l-għan, li sal-2030, tnaqqas b'mod sostanzjali l-għadd ta' mwiet u mard minn sustanzi kimiċi perikolużi u tniġġis u kontaminazzjoni tal-arja, tal-ilma u tal-ħamrija (18);

T.

billi l-EFSA sabet li l-esponiment tal-operatur għall-glufosinat, ikklassifikat bħala tossiku għar-riproduzzjoni, meta jintuża għall-kontroll tal-ħaxix ħażin fil-qamħirrum ĠM huwa stmat li jaqbeż il-livell aċċettabbli ta' esponiment tal-operatur anke meta jintuża tagħmir ta' protezzjoni personali (19); billi r-riskju ta' żieda fl-esponiment tal-operaturi huwa ta' tħassib partikolari fir-rigward ta' għelejjel ĠM li huma tolleranti għall-erbiċidi, meta jitqiesu l-volumi ogħla ta' erbiċidi użati;

U.

billi d-deforestazzjoni hija kawża ewlenija għat-tnaqqis tal-bijodiversità; billi l-emissjonijiet mill-użu tal-art u mit-tibdil fl-użu tal-art, l-aktar minħabba d-deforestazzjoni, huma t-tieni l-akbar kawża tat-tibdil fil-klima wara l-ħruq tal-fjuwils fossili (20); billi l-Ftehim ta' Pariġi dwar il-Klima u l-Pjan Strateġiku dinji għall-Bijodiversità 2011-2020 adottat fi ħdan il-KDB tan-NU u l-Miri tal-Bijodiversità ta' Aichi jippromwovu sforzi favur il-ġestjoni sostenibbli, il-protezzjoni u r-restawr tal-foresti (21); billi l-SDG 15 jinkludi l-mira li titwaqqaf id-deforestazzjoni sal-2020 (22); billi l-foresti għandhom rwol multifunzjonali li jappoġġja l-kisba tal-biċċa l-kbira tal-SDGs (23);

V.

billi l-produzzjoni tas-sojja hija mutur ewlieni tad-deforestazzjoni tal-foresti fl-Amażonja, f'Cerrado u fi Gran Chaco fl-Amerka t'Isfel; billi 97 % u 100 % tas-sojja kkultivata fil-Brażil u fl-Arġentina rispettivament, hija sojja ĠM (24);

W.

billi l-maġġoranza l-kbira tal-fażola tas-sojja ĠM awtorizzata għall-kultivazzjoni fil-Brażil u fl-Arġentina hija awtorizzata għall-importazzjoni fl-Unjoni wkoll (25); billi l-fażola tas-sojja SYHT0H2 ĠM diġà hija awtorizzata għall-kultivazzjoni fl-Arġentina (26);

X.

billi analiżi mill-Kummissjoni sabet li s-sojja storikament kienet il-kontributur ewlieni tal-Unjoni għad-deforestazzjoni globali u l-emissjonijiet relatati, li tirrappreżenta kważi nofs id-deforestazzjoni inkorporata fl-importazzjonijiet kollha tal-Unjoni (27);

Y.

billi studju xjentifiku reċenti rieżaminat bejn il-pari sab li l-Unjoni hija r-reġjun bl-akbar marka tal-karbonju fid-dinja assoċjata mal-importazzjonijiet tas-sojja mill-Brażil, 13,8 % akbar minn dik taċ-Ċina, l-akbar importatur tas-sojja, minħabba sehem akbar ta' emissjonijiet mid-deforestazzjoni inkorporata (28); billi studju reċenti ieħor sab li madwar waħda minn kull ħames sojja esportati lejn l-Unjoni mir-reġjuni tal-Amażonja u ta' Perrado fil-Brażil, l-aktar għall-għalf tal-annimali, jistgħu jkunu “kkontaminati bid-deforestazzjoni illegali” (29); billi n-nirien fil-foresti fl-Amażonja huma xprunati minn livelli għoljin ta' deforestazzjoni; billi f'Komunikazzjoni tal-2019, il-Kummissjoni esprimiet l-ambizzjoni tagħha li tipproteġi u treġġa' lura l-foresti tad-dinja (30); billi l-ħarsien globali tal-bijodiversità, inklużi l-foresti, huwa objettiv ewlieni tal-Istrateġija tal-UE dwar il-bijodiversità li ġiet ippubblikata reċentement mill-Kummissjoni (31);

1.

2.

3.

4.

5.

6.

7.

8.

9.

10.

11.

12.

13.

14.

15.

—

Riżoluzzjoni tal-Parlament Ewropew tal-10 ta' Ottubru 2019 dwar l-abbozz ta' deċiżjoni ta' implimentazzjoni tal-Kummissjoni li tawtorizza t-tqegħid fis-suq ta' prodotti li fihom il-qamħirrum ġenetikament modifikat MZHG0JG (SYN-ØØØJG-2), li jikkonsistu minnu jew li huma prodotti minnu skont ir-Regolament (KE) Nru 1829/2003 tal-Parlament Ewropew u tal-Kunsill (Testi adottati, P9_TA(2019)0028).

—

Riżoluzzjoni tal-Parlament Ewropew tal-10 ta' Ottubru 2019 dwar l-abbozz ta' deċiżjoni ta' implimentazzjoni tal-Kummissjoni dwar it-tiġdid tal-awtorizzazzjoni għat-tqegħid fis-suq ta' prodotti li fihom, jikkonsistu minn, jew li huma prodotti minn fażola tas-sojja ġenetikament modifikata A2704-12 (ACS-GMØØ5-3) skont ir-Regolament (KE) Nru 1829/2003 tal-Parlament Ewropew u tal-Kunsill (Testi adottati, P9_TA(2019)0029).

—

Riżoluzzjoni tal-Parlament Ewropew tal-10 ta' Ottubru 2019 dwar l-abbozz ta' deċiżjoni ta' implimentazzjoni tal-Kummissjoni li tawtorizza t-tqegħid fis-suq ta' prodotti li fihom, jikkonsistu minn, jew li huma prodotti mill-qamħirrum ġenetikament modifikat MON 89034 × 1507 × MON 88017 × 59122 × DAS-40278-9, u qamħirrum ġenetikament modifikat li jikkombina żewġ, tlieta jew erba' mill-eventi uniċi MON 89034, 1507, MON 88017, 59122 u DAS-40278-9 skont ir-Regolament (KE) Nru 1829/2003 tal-Parlament Ewropew u tal-Kunsill (Testi adottati, P9_TA(2019)0030).

—

Riżoluzzjoni tal-Parlament Ewropew tal-14 ta' Novembru 2019 dwar l-abbozz ta' deċiżjoni ta' implimentazzjoni tal-Kummissjoni dwar it-tiġdid tal-awtorizzazzjoni għat-tqegħid fis-suq ta' prodotti li fihom, jikkonsistu minn, jew li huma prodotti minn qoton ġenetikament modifikat LLCotton25 (ACS-GHØØ1-3) skont ir-Regolament (KE) Nru 1829/2003 tal-Parlament Ewropew u tal-Kunsill (Testi adottati, P9_TA(2019)0054).

—

Riżoluzzjoni tal-Parlament Ewropew tal-14 ta' Novembru 2019 dwar l-abbozz ta' deċiżjoni ta' implimentazzjoni tal-Kummissjoni dwar it-tiġdid tal-awtorizzazzjoni għat-tqegħid fis-suq ta' prodotti li fihom fażola tas-sojja ġenetikament modifikata MON 89788 (MON-89788-1), li jikkonsistu minn tali fażola tas-sojja jew li huma prodotti minnha skont ir-Regolament (KE) Nru 1829/2003 tal-Parlament Ewropew u tal-Kunsill (Testi adottati, P9_TA(2019)0055).

—

Riżoluzzjoni tal-Parlament Ewropew tal-14 ta' Novembru 2019 dwar l-abbozz ta' deċiżjoni ta' implimentazzjoni tal-Kummissjoni li tawtorizza t-tqegħid fis-suq ta' prodotti li fihom qamħirrum ġenetikament modifikat MON 89034 × 1507 × NK603 × DAS-40278-9 u s-subkombinazzjonijiet MON 89034 × NK603 × DAS-40278-9, 1507 × NK603 × DAS-40278-9 u NK603 × DAS-40278-9, li jikkonsistu minn tali qamħirrum jew li huma prodotti minnu, skont ir-Regolament (KE) Nru 1829/2003 tal-Parlament Ewropew u tal-Kunsill (Testi adottati, P9_TA(2019)0056).

—

Riżoluzzjoni tal-Parlament Ewropew tal-14 ta' Novembru 2019 dwar l-abbozz ta' deċiżjoni ta' implimentazzjoni tal-Kummissjoni li tawtorizza t-tqegħid fis-suq ta' prodotti li fihom qamħirrum ġenetikament modifikat Bt11 × MIR162 × MIR604 × 1507 × 5307 × GA21, li jikkonsistu minn tali qamħirrum jew li huma prodotti minnu u qamħirrum ġenetikament modifikat li jikkombina tnejn, tlieta, erbgħa jew ħamsa mill-eventi uniċi Bt11, MIR162, MIR604, 1507, 5307 u GA21 skont ir-Regolament (KE) Nru 1829/2003 tal-Parlament Ewropew u tal-Kunsill (Testi adottati, P9_TA(2019)0057).

—

Riżoluzzjoni tal-Parlament Ewropew tal-14 ta' Mejju 2020 dwar l-abbozz ta' deċiżjoni ta' implimentazzjoni tal-Kummissjoni li tawtorizza t-tqegħid fis-suq ta' prodotti li fihom, il-fażola tas-sojja ġenetikament modifikata MON 87708 × MON 89788 × A5547-127, li jikkonsistu minnha, jew li huma prodotti minnha, skont ir-Regolament (KE) Nru 1829/2003 tal-Parlament Ewropew u tal-Kunsill (Testi adottati, P9_TA(2020)0069).