|
Iris Oifigiúil |
GA Sraith L |
|
2025/2499 |
11.12.2025 |
CINNEADH CUR CHUN FEIDHME (AE) 2025/2499 ÓN gCOIMISIÚN
an 9 Nollaig 2025
lena leasaítear Cinneadh Cur Chun Feidhme (AE) 2022/2191 a mhéid a bhaineann le caighdeáin chomhchuibhithe le haghaidh gairis ghearr-raoin agus córais cumarsáide móibílí ar bord aerárthaí
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) Uimh. 1025/2012 ó Pharlaimint na hEorpa agus ón gComhairle an 25 Deireadh Fómhair 2012 maidir le caighdeánú Eorpach, lena leasaítear Treoir 89/686/CEE agus Treoir 93/15/CEE ón gComhairle agus Treoracha 94/9/CE, 94/25/CE, 95/16/CE, 97/23/CE, 98/34/CE, 2004/22/CE, 2007/23/CE, 2009/23/CE agus 2009/105/CE ó Pharlaimint na hEorpa agus ón gComhairle agus lena n-aisghairtear Cinneadh 87/95/CEE ón gComhairle agus Cinneadh Uimh. 1673/2006/CE ó Pharlaimint na hEorpa agus ón gComhairle (1), agus go háirithe Airteagal 10(6) de,
De bharr an mhéid seo a leanas:
|
(1) |
I gcomhréir le hAirteagal 16 de Threoir 2014/53/AE ó Pharlaimint na hEorpa agus ón gComhairle (2), trealamh raidió atá i gcomhréir le caighdeáin chomhchuibhithe nó le codanna de chaighdeáin chomhchuibhithe, ar foilsíodh na tagairtí dóibh in Iris Oifigiúil an Aontais Eorpaigh, glactar leis go bhfuil sé i gcomhréir leis na ceanglais fhíor-riachtanacha a leagtar amach in Airteagal 3 den Treoir sin áit a gcumhdaítear iad leis na caighdeáin sin nó le codanna díobh. |
|
(2) |
Le Cinneadh Cur Chun Feidhme C(2015) 5376 ón gCoimisiún (3), d’iarr an Coimisiún ar Choiste Eorpach na gCaighdeán Leictriteicniúil (Cenelec) agus ar Institiúid Eorpach na gCaighdeán Teileachumarsáide caighdeáin chomhchuibhithe a dhréachtú agus a athbhreithniú maidir le trealamh raidió agus chun tacú leis na ceanglais fhíor-riachtanacha a leagtar amach i dTreoir 2014/53/AE agus a chumhdaítear le hIarscríbhinn II a ghabhann leis an gCinneadh sin (‘an iarraidh’). |
|
(3) |
Ar bhonn na hiarrata, dhréachtaigh Institiúid Eorpach na gCaighdeán Teileachumarsáide caighdeáin chomhchuibhithe EN 303 659 V1.1.1 agus EN 305 550-6 V1.2.1 a bhaineann le gairis ghearr-raoin. |
|
(4) |
Ar bhonn na hiarrata, rinne Institiúid Eorpach na gCaighdeán Teileachumarsáide athbhreithniú ar chaighdeáin chomhchuibhithe EN 300 220-2 V3.1.1, EN 302 480 V2.2.1, agus EN 302 729 V2.1.1, caighdeáin ar foilsíodh na tagairtí dóibh in Iris Oifigiúil an Aontais Eorpaigh le Cinneadh Cur Chun Feidhme (AE) 2022/2191 ón gCoimisiún (4). Is é an toradh a bhí air sin gur glacadh caighdeáin chomhchuibhithe EN 300 220-2 V3.3.1 a bhaineann le gairis ghearr-raoin a oibrítear sa raon minicíochta 25 MHz go 1 000 MHz, EN 302 480 V3.1.1 a bhaineann le córais cumarsáide móibílí ar bord aerárthaí agus EN 302 729-1 V3.1.1 a bhaineann le gairis ghearr-raoin lena n-úsáidtear teicneolaíocht banda ultrai-leathan. |
|
(5) |
Rinne an Coimisiún measúnú i gcomhar le ETSI féachaint an gcomhlíonann na caighdeáin chomhchuibhithe sin an iarraidh. |
|
(6) |
Caighdeáin chomhchuibhithe EN 303 659 V1.1.1, EN 305 550-6 V1.2.1, EN 300 220-2 V3.3.1, EN 302 480 V3.1.1 agus EN 302 729-1 V3.1.1, comhlíonann siad na ceanglais fhíor-riachtanacha is aidhm dóibh a chumhdach agus a leagtar amach in Airteagal 3 de Threoir 2014/53/AE. Dá bhrí sin, is iomchuí na tagairtí do na caighdeáin chomhchuibhithe sin a fhoilsiú in Iris Oifigiúil an Aontais Eorpaigh. |
|
(7) |
In Iarscríbhinn I a ghabhann le Cinneadh Cur Chun Feidhme (AE) 2022/2191 soláthraítear na tagairtí do na caighdeáin chomhchuibhithe lena dtugtar le fios go nglactar leis go bhfuil comhréir ann le Treoir 2014/53/AE. Maidir leis na tagairtí do na caighdeáin chomhchuibhithe a dréachtaíodh chun tacú le Treoir 2014/53/AE, chun a áirithiú go ndéanfar iad a liostú in aon ghníomh amháin, ba cheart na tagairtí do chaighdeáin chomhchuibhithe EN 303 659 V1.1.1, EN 305 550-6 V1.2.1, EN 300 220-2 V3.3.1, EN 302 480 V3.1.1 agus EN302 729-1 V3.1.1 a chuimsiú san Iarscríbhinn sin. |
|
(8) |
Dá bhrí sin, is gá na tagairtí do chaighdeáin chomhchuibhithe athbhreithnithe EN 300 220-2 V3.1.1, EN 302 480 V2.2.1 agus EN 302 729 V2.1.1 a tharraingt siar as Iris Oifigiúil an Aontais Eorpaigh. |
|
(9) |
Chun am leordhóthanach a thabhairt do mhonaróirí aon oiriúnú a dhéanamh i ndáil lena dtrealamh raidió a chumhdaítear le caighdeán comhchuibhithe athbhreithnithe EN 300 220-2 V3.1.1, EN 302 480 V2.2.1 nó EN 302 729 V2.1.1, is gá tarraingt siar na dtagairtí do na caighdeáin chomhchuibhithe sin a chur siar. |
|
(10) |
Dá bhrí sin, ba cheart Cinneadh Cur Chun Feidhme (AE) 2022/2191 a leasú dá réir. |
|
(11) |
Is éard a thugtar le fios le caighdeán comhchuibhithe a chomhlíonadh go nglactar leis go bhfuil comhréir ann leis na ceanglais fhíor-riachtanacha chomhfhreagracha a leagtar amach i reachtaíocht chomhchuibhithe an Aontais ón dáta a fhoilsítear an tagairt don chaighdeán sin in Iris Oifigiúil an Aontais Eorpaigh. Dá bhrí sin, ba cheart an Cinneadh seo a theacht i bhfeidhm lá a fhoilsithe, |
TAR ÉIS AN CINNEADH SEO A GHLACADH:
Airteagal 1
Leasaítear Iarscríbhinn I a ghabhann le Cinneadh Cur Chun Feidhme (AE) 2022/2191 i gcomhréir leis an Iarscríbhinn a ghabhann leis an gCinneadh seo.
Airteagal 2
Tiocfaidh an Cinneadh seo i bhfeidhm lá a fhoilsithe in Iris Oifigiúil an Aontais Eorpaigh.
Beidh feidhm ag pointe (1) den Iarscríbhinn ón 11 Meitheamh 2027.
Arna dhéanamh sa Bhruiséil, an 9 Nollaig 2025.
Thar ceann an Choimisiúin
An tUachtarán
Ursula VON DER LEYEN
(1) IO L 316, 14.11.2012, lch. 12, ELI: http://data.europa.eu/eli/reg/2012/1025/oj.
(2) Treoir 2014/53/AE ó Pharlaimint na hEorpa agus ón gComhairle an 16 Aibreán 2014 maidir le comhchuibhiú dhlíthe na mBallstát a bhaineann le trealamh raidió a chur ar fáil ar an margadh agus lena n-aisghairtear Treoir 1999/5/CE (IO L 153, 22.5.2014, lch. 62, ELI: http://data.europa.eu/eli/dir/2014/53/oj).
(3) Cinneadh Cur Chun Feidhme C(2015) 5376 ón gCoimisiún an 4 Lúnasa 2015 maidir le hiarraidh um chaighdeánú ar Choiste Eorpach na gCaighdeán Leictriteicniúil agus ar Institiúid Eorpach na gCaighdeán Teileachumarsáide a mhéid a bhaineann le trealamh raidió chun tacú le Treoir 2014/53/AE ó Pharlaimint na hEorpa agus ón gComhairle.
(4) Cinneadh Cur Chun Feidhme (AE) 2022/2191 ón gCoimisiún an 8 Samhain 2022 maidir le caighdeáin chomhchuibhithe le haghaidh trealamh raidió a dréachtaíodh chun tacú le Treoir 2014/53/AE ó Pharlaimint na hEorpa agus ón gComhairle (IO L 289, 10.11.2022, lch. 7, ELI: http://data.europa.eu/eli/dec_impl/2022/2191/oj).
IARSCRÍBHINN
Leasaítear Iarscríbhinn I mar a leanas:
|
(1) |
scriostar rónna 10, 106 agus 125; |
|
(2) |
cuirtear na rónna seo a leanas isteach in ord seicheamhach:
|
|
(3) |
cuirtear na rónna seo a leanas isteach:
|
ELI: http://data.europa.eu/eli/dec_impl/2025/2499/oj
ISSN 1977-0839 (electronic edition)