<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.7-->
  <head>
    <title>2022-11-202211C110202104140-00-TRA-DOC-MT-ARRET-C-0414-21-202210206-07_00</title>
    <meta content="text/html; charset=utf-8" http-equiv="Content-Type"/>
    <meta content="" name="Gendoc_DGTGeneratedDate"/>
    <meta content="0" name="MSIP_Label_6bd9ddd1-4d20-43f6-abfa-fc3c07406f94_ContentBits"/>
    <meta content="Commission Use" name="MSIP_Label_6bd9ddd1-4d20-43f6-abfa-fc3c07406f94_Name"/>
    <meta content="mt-MT" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="29/12/2022 17:41:50" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="mt" name="Gendoc_LangCode"/>
    <meta content="ARR" name="TypeDoc"/>
    <meta content="Bjuh+Wxv07aKAz6fvQ2O6Qtb+MaNf+sUC2ATE7ZkcsYKdmdsr1J+xv0fOq9EftecjP/v2Qh/jonaNjL5tSUOsosw7MHSyYZhFVdeHx8+fY7Bptzltw56Zgdt30ToaGbyDWXpUhnhq33/Yp1txgWsPFAPhnXe/rWEMHUOMkuHtlk=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="stsc" name="Gendoc_User"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="true" name="MSIP_Label_6bd9ddd1-4d20-43f6-abfa-fc3c07406f94_Enabled"/>
    <meta content="b2fc2edc-b613-4a42-abc2-e2416573ac62" name="MSIP_Label_6bd9ddd1-4d20-43f6-abfa-fc3c07406f94_ActionId"/>
    <meta content="0414" name="NumeroOrdre"/>
    <meta content="2021" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="stsc" name="Gendoc_DGTGeneratedUser"/>
    <meta content="b24c8b06-522c-46fe-9080-70926f8dddb1" name="MSIP_Label_6bd9ddd1-4d20-43f6-abfa-fc3c07406f94_SiteId"/>
    <meta content="FAST_document_go_ok" name="Gendoc_LastVerificationStatus"/>
    <meta content="ARR_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 08/11/2022 16:13:08" name="Created"/>
    <meta content="" name="Canevas3_Vademecum"/>
    <meta content="2022-11-23T08:34:46Z" name="MSIP_Label_6bd9ddd1-4d20-43f6-abfa-fc3c07406f94_SetDate"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="19be1198cb9944788f1ffa4cb566e978" name="DocumentIdentifier"/>
    <meta content="0414" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
    <meta content="Standard" name="MSIP_Label_6bd9ddd1-4d20-43f6-abfa-fc3c07406f94_Method"/>
  </head>
  <body>
    <div style="header">
      <div id="rId24" style="first"/>
      <div id="rId20" style="even">Sentenza tal-10.11.2022 – Kawża C‑414/21</div>
      <div id="rId21" style="default">VP Capital</div>
    </div>
    <p class="C19Centre" id="para-1" title="page-1">
      SENTENZA TAL-QORTI TAL-ĠUSTIZZJA (Id-Disa’ Awla)
    </p>
    <p class="C19Centre" id="para-2" title="page-1">
      10 ta’ Novembru 2022  (<span class="note footnote notemarker">
<a id="c-1" href="#t-1">*</a>
</span>)
    </p>
    <p class="C71Indicateur" id="para-3" title="page-1">
      “Rinviju għal deċiżjoni preliminari – Libertà ta’ stabbiliment – Artikoli 49 u 54 TFUE – Trasferiment tal-uffiċċju rreġistrat ta’ kumpannija fi Stat Membru li ma huwiex dak li fih ġiet ikkostitwita – Riverżjoni ta’ tnaqqis fil-valur imdaħħal fil-kontijiet qabel it-trasferiment – Eżenzjoni – Komparabbiltà tas-sitwazzjonijiet”
    </p>
    <p class="C02AlineaAltA" id="para-4" title="page-1">
      Fil-Kawża C‑414/21,
    </p>
    <p class="C02AlineaAltA" id="para-5" title="page-1">
      li għandha bħala suġġett talba għal deċiżjoni preliminari taħt l-Artikolu 267 TFUE, imressqa mill-Hof van Cassatie (il-Qorti tal-Kassazzjoni, il-Belġju), permezz ta’ deċiżjoni tal‑25 ta’ Ġunju 2021, li waslet fil-Qorti tal-Ġustizzja fis‑7 ta’ Lulju 2021, fil-proċedura
    </p>
    <p class="C02AlineaAltA" id="para-6" title="page-1">
      VP Capital NV
    </p>
    <p class="C02AlineaAltA" id="para-7" title="page-1">
      vs
    </p>
    <p class="C02AlineaAltA" id="para-8" title="page-1">
      Belgische Staat,
    </p>
    <p class="C19Centre" id="para-9" title="page-1">
      IL-QORTI TAL-ĠUSTIZZJA (Id-Disa’ Awla),
    </p>
    <p class="C02AlineaAltA" id="para-10" title="page-1">
      komposta minn J.-C. Bonichot (Relatur), li qiegħed jaġixxi bħala President ta’ Awla, S. Rodin u O. Spineanu-Matei, Imħallfin,
    </p>
    <p class="C02AlineaAltA" id="para-11" title="page-1">
      Avukat Ġenerali: J. Kokott,
    </p>
    <p class="C02AlineaAltA" id="para-12" title="page-1">
      Reġistratur: A. Calot Escobar,
    </p>
    <p class="C02AlineaAltA" id="para-13" title="page-1">
      wara li rat il-proċedura bil-miktub,
    </p>
    <p class="C02AlineaAltA" id="para-14" title="page-1">
      wara li kkunsidrat l-osservazzjonijiet ippreżentati:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għal VP Capital NV, minn S. Gnedasj, advocaat, u M. Grégoire, avocat,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għal PricewaterhouseCoopers Belastingadviseurs NV, minn P. Hinnekens, advocaat,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Gvern Belġjan, minn S. Baeyens, J.‑C. Halleux u C. Pochet, bħala aġenti,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Gvern Taljan, minn G. Palmieri, bħala aġent, assistita minn G. De Socio, avvocato dello Stato,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Kummissjoni Ewropea, minn W. Roels u V. Uher, bħala aġenti,</p>
</td>
</tr>
</table>
    <p class="C02AlineaAltA" id="para-20" title="page-1">
      wara li rat id-deċiżjoni meħuda, wara li nstemgħet l-Avukata Ġenerali, li l-kawża tinqata’ mingħajr konklużjonijiet,
    </p>
    <p class="C02AlineaAltA" id="para-21" title="page-1">
      tagħti l-preżenti
    </p>
    <p class="C75Debutdesmotifs" id="para-22" title="page-1">
      Sentenza
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1</p>
</td>
<td valign="top">
<p class="normal">It-talba għal deċiżjoni preliminari tirrigwarda l-interpretazzjoni tal-Artikolu 49 TFUE.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2</p>
</td>
<td valign="top">
<p class="normal">Din it-talba tressqet fil-kuntest ta’ tilwima bejn VP Capital NV u l-awtorità tat-taxxa Belġjana fir-rigward tat-trattament fiskali ta’ tranżazzjonijiet li jikkorrispondu għat-tnaqqis fil-valur imdaħħal fil-kontijiet qabel it-trasferiment tal-uffiċċju rreġistrat tal-Lussemburgu lejn il-Belġju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-kuntest ġuridiku</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3</p>
</td>
<td valign="top">
<p class="normal">Skont il-punt 2 tal-ewwel paragrafu tal-Artikolu 24 tal-code des impôts sur les revenus 1992 (il-Kodiċi tat-Taxxa fuq id-Dħul), fil-verżjoni tiegħu applikabbli għall-kawża prinċipali (iktar ’il quddiem is-“CIR 92”):</p>
</td>
</tr>
</table>
    <p class="C02AlineaAltA" id="para-27" title="page-1">
      “Il-qligħ tal-impriżi industrijali, kummerċjali jew agrikoli kwalunkwe huwa dak derivanti:
    </p>
    <p class="C02AlineaAltA" id="para-28" title="page-1">
      […]
    </p>
    <p class="C02AlineaAltA" id="para-29" title="page-1">
      2° minn kull żieda fil-valur tal-assi ddedikati għall-eżerċizzju tal-attività professjonali u minn kull tnaqqis fil-valur tal-obbligazzjonijiet li jirriżultaw minn din l-attività, meta dan il-qligħ jew telf ikun ġie realizzat jew espress fil-kontabbiltà jew fil-kontijiet annwali”.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4</p>
</td>
<td valign="top">
<p class="normal">L-Artikolu 44(1) tas-CIR 92 jiddikjara:</p>
</td>
</tr>
</table>
    <p class="C02AlineaAltA" id="para-31" title="page-2">
      “B’deroga mill-punt 2 tal-ewwel paragrafu tal-Artikolu 24, mill-punt 3 tat-tieni paragrafu tal-Artikolu 27, u mill-punt 1 tal-ewwel paragrafu u mill-aħħar paragrafu tal-Artikolu 28, u bla ħsara għad-dispożizzjonijiet tal-punt 3 tal-ewwel paragrafu tal-Artikolu 24, huwa eżentat:
    </p>
    <p class="C02AlineaAltA" id="para-32" title="page-2">
      1° il-qligħ ta’ kapital espress iżda mhux realizzat, bl-eċċezzjoni tal-qliegħ ta’ kapital fuq il-ħażniet u l-ordnijiet fi proċess ta’ eżekuzzjoni;
    </p>
    <p class="C02AlineaAltA" id="para-33" title="page-2">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5</p>
</td>
<td valign="top">
<p class="normal">It-tieni subparagrafu tal-Artikolu 184b(2) tas-CIR 92 jipprevedi:</p>
</td>
</tr>
</table>
    <p class="C02AlineaAltA" id="para-35" title="page-2">
      “Fil-każ li kumpannija barranija tittrasferixxi lejn il-Belġju l-istabbiliment jew is-sede ta’ tmexxija jew ta’ amministrazzjoni tagħha, fir-rigward tal-assi marbuta mal-istabbilimenti barranin jew tal-assi li jinsabu barra mill-pajjiż li huma fil-pussess ta’ din il-kumpannija, il-qligħ u telf kapitali mwettaq sussegwentement fir-rigward ta’ dawn l-assi huwa ddeterminat fuq il-bażi tal-valur kontabilistiku li dawn ikollhom fil-mument tal-operazzjoni.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6</p>
</td>
<td valign="top">
<p class="normal">It-tieni paragrafu tal-Artikolu 190 tas-CIR 92 huwa fformulat kif ġej:</p>
</td>
</tr>
</table>
    <p class="C02AlineaAltA" id="para-37" title="page-2">
      “Fir-rigward tal-porzjon eżentat jew provviżorjament mhux intaxxat tal-qligħ kapitali msemmi fl-Artikolu 44(1) u (3), 44a, 44b u 47, din is-sistema ta’ qligħ kapitali hija applikabbli biss sa fejn dan il-porzjon jiġi ttrasferit u jinżamm f’kont jew f’numru ta’ kontijiet separati mill-passiv u ma jservix bħala bażi għall-kalkolu tal-allokazzjoni annwali tar-riżerva legali jew ta’ kull remunerazzjonijiet jew allokazzjoni oħra.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7</p>
</td>
<td valign="top">
<p class="normal">Il-punt tal-Artikolu 198 tas-CIR 92 jipprovdi:</p>
</td>
</tr>
</table>
    <p class="C02AlineaAltA" id="para-39" title="page-2">
      “Spejjeż professjonali ma jinkludux:
    </p>
    <p class="C02AlineaAltA" id="para-40" title="page-2">
      […]
    </p>
    <p class="C02AlineaAltA" id="para-41" title="page-2">
      7° it-tnaqqis fil-valur u t-telf fuq l-azzjonijiet jew ishma, bl-eċċezzjoni tat-telf irreġistrat fl-okkażjoni tat-tqassim totali tal-assi ta’ kumpannija sal-ammont tat-telf tal-kapital imħallas irrappreżentat minn tali azzjonijiet jew ishma”.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8</p>
</td>
<td valign="top">
<p class="normal">Skont l-Artikolu 206 tas-CIR 92:</p>
</td>
</tr>
</table>
    <p class="C02AlineaAltA" id="para-43" title="page-2">
      “1. It-telf tan-negozju preċedenti għandu jitnaqqas suċċessivament mid-dħul tan-negozju ta’ kull wieħed mill-perijodi taxxabbli li ġejjin.
    </p>
    <p class="C02AlineaAltA" id="para-44" title="page-3">
      L-imputazzjoni fuq il-profitti Belġjani tat-telf tan-negozju magħmul fi stabbiliment barrani proprjetà tal-kumpannija u li tinsab fi Stat li miegħu il-Belġju kkonkluda konvenzjoni ta’ ħelsien mit-taxxa doppja, hija suġġetta għall-kundizzjoni li l-kumpannija turi li dan it-telf ma tnaqqasx mill-profitti ta’ dan l-istabbiliment barrani. Barra minn hekk, l-ammont ta’ dan it-telf tan-negozju li ġie imputat mill-kumpannija fuq il-profitti Belġjani tagħha għal kwalunkwe perijodu taxxabbli, għall-parti proporzjonali ta’ dan it-telf li fir-rigward tiegħu din il-kumpannija ma turix iktar għall-perijodu taxxabbi li din ma tnaqsitx mill-profitti ta’ dan l-istabbiliment barrani, jew jekk matul il-perijodu taxxabli l-istabbiliment barrani kkonċernat ġie ttrasferit fil-kuntest ta’ kontribuzzjoni, fużjoni, xissjoni jew operazzjoni ekwiparabbli magħha, jiġi miżjud mad-dħul taxxabbli ta’ dan il-perijodu.
    </p>
    <p class="C02AlineaAltA" id="para-45" title="page-3">
      […]
    </p>
    <p class="C02AlineaAltA" id="para-46" title="page-3">
      3. Fil-każ fejn kumpannija barranija tittrasferixxi lejn il-Belġju l-uffiċċju rreġistrat tagħha, l-istabbiliment prinċipali tagħha jew is-sede ta’ tmexxija jew ta’ amministrazzjoni tagħha, id-dispożizzjoni tas-subparagrafu 1 tal-paragrafu 1 għandha tapplika fir-rigward tat-telf tan-negozju magħmul minn din il-kumpannija fi stabbiliment Belġjan li kienet proprjetà ta’ din il-kumpannija qabel dan it-trasferiment.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9</p>
</td>
<td valign="top">
<p class="normal">Finalment, l-Artikolu 74 tal-arrêté royal d’exécution (id-Digriet Irjali ta’ Eżekuzzjoni) tas-CIR 92, fil-verżjoni tiegħu applikabbli għall-kawża prinċipali (iktar ’il quddiem l-“AR/CIR 92”), jipprovdi:</p>
</td>
</tr>
</table>
    <p class="C02AlineaAltA" id="para-48" title="page-3">
      “Bil-għan tad-determinazzjoni tar-riżultat taxxabbli taħt it-taxxa fuq il-kumpanniji, ir-riżultat tal-perijodu taxxabbli, li minnu huwa eskluż it-tnaqqis fil-valur, proviżjonamenti jew qligħ kapitali eżentati bis-saħħa tal-Artikoli 48, 190, 191 u 194 sa 194c tas-[CIR 92], huwa mqassam, skont id-destinazzjoni tiegħu, fi:
    </p>
    <p class="C02AlineaAltA" id="para-49" title="page-3">
      1° riżervi;
    </p>
    <p class="C02AlineaAltA" id="para-50" title="page-3">
      2° spejjeż mhux eliġibbli;
    </p>
    <p class="C02AlineaAltA" id="para-51" title="page-3">
      3° dividendi.
    </p>
    <p class="C02AlineaAltA" id="para-52" title="page-3">
      Għall-applikazzjoni tal-ewwel paragrafu:
    </p>
    <p class="C02AlineaAltA" id="para-53" title="page-3">
      1° ‘riżervi’ jfisser ir-riżultat irriżervat, imnaqqas:
    </p>
    <p class="C02AlineaAltA" id="para-54" title="page-3">
      […]
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">mill-qligħ kapitali fuq azzjonijiet jew ishma eżentati bis-saħħa tal-Artikoli 192 u 521 tas-[CIR 92] kif ukoll tar-riverżjonijiet ta’ tnaqqis fil-valur fuq azzjonijiet jew ishma mwettqa matul il-perijodu taxxabbli, li ġew intaxxati preċedentement bis-saħħa tal-Artikolu 198(7) tas-[CIR 92] bħala spejjeż mhux eliġibbli, sa fejn dan it-tnaqqis fil-valur ma jibqax iktar iġġustifikat fi tmiem dan il-perijodu taxxabbli;</p>
</td>
</tr>
</table>
    <p class="C02AlineaAltA" id="para-56" title="page-3">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-kawża prinċipali u d-domanda preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10</p>
</td>
<td valign="top">
<p class="normal">VP Capital, kumpannija inizjalment ikkostitwita fil-Lussemburgu u li għandha l-uffiċċju rreġistrat tagħha f’dan l-Istat Membru, daħħlet fil-kontijiet tnaqqis fil-valur relatat ma’ diversi ishma li hija kellha f’kumpanniji oħra. Hija naqqset dan it-tnaqqis fil-valur mir-riżultati fiskali tagħha fil-Lussemburgu, li ta lok għal żieda fit-telf tagħha li jista’ jiġi rriportat ’il quddiem. Minħabba s-sitwazzjoni defiċitarja tagħha, VP Capital ma kinitx f’qagħda li tuża t-telf tagħha li jista’ jiġi rriportat ’il quddiem fil-Lussemburgu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11</p>
</td>
<td valign="top">
<p class="normal">Wara dawn l-operazzjonijiet, fix-xahar ta’ Mejju 2009, VP Capital ittrasferixxiet l-uffiċċju rreġistrat tagħha mil-Lussemburgu lejn il-Belġju. Hija saret kumpannija rregolata mid-dritt Belġjan.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12</p>
</td>
<td valign="top">
<p class="normal">Wara dan it-trasferiment, VP Capital irkuprat parti mit-tnaqqis fil-valur li hija kienet daħħlet fil-kontijiet meta l-uffiċċju rreġistrat tagħha kien għadu jinsab fil-Lussemburgu. Hija għamlet użu mis-sistema Belġjana ta’ eżenzjoni għall-irkupru ta’ tnaqqis fil-valur fuq azzjonijiet jew ishma ta’ kumpanniji prevista fl-Artikolu 74 tal-AR/CIR 92, li jipprovdi li dawn l-operazzjonijiet huma fiskalment eżentati, peress li t-tnaqqis fil-valur korrispondenti ma jistax, bħala prinċipju, jitnaqqas mid-dħul taxxabbli bħala spejjeż tan-negozju bis-saħħa tal-punt 7 tal-Artikolu 198 tas-CIR 92.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13</p>
</td>
<td valign="top">
<p class="normal">Madankollu, bis-saħħa tad-dispożizzjonijiet magħquda tat-tieni subparagrafu tal-Artikolu 184b(2) tas-CIR 92 u tat-tieni paragrafu tal-Artikolu 190 tiegħu, fil-każ ta’ trasferiment lejn il-Belġju tal-uffiċċju rreġistrat, tal-istabbiliment prinċipali jew tas-sede ta’ tmexxija jew ta’ amministrazzjoni ta’ kumpannija barranija, fir-rigward tal-assi marbuta mal-istabbilimenti barranin jew tal-assi li jinsabu barra mill-pajjiż li huma fil-pussess ta’ din il-kumpannija, il-qligħ u telf kapitali li jikkorrispondi ma’ dawn l-assi mwettqa wara dan it-trasferiment huma ddeterminati fuq il-bażi tal-valur kontabilistiku tagħhom fil-mument ta’ dan it-trasferiment. Il-qligħ kapitali espress iżda mhux imwettaq (iktar ’il quddiem il-“qligħ kapitali latenti”) huwa eżentat bil-kundizzjoni li dan jiġi jiddaħħal fuq kont separat mill-passiv. Peress li r-riverżjoni ta’ tnaqqis fil-valur imdaħħal fil-kontijiet minn VP Capital wara t-trasferiment tal-uffiċċju rreġistrat tagħha lejn il-Belġju ma ġietx irreġistrata fuq kont separat mill-passiv, l-awtorità tat-taxxa Belġjana qieset li din kienet taxxabbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14</p>
</td>
<td valign="top">
<p class="normal">Fil-kuntest tat-tilwima bejn VP Capital u din l-awtorità fir-rigward tat-trattament fiskali tal-operazzjonijiet inkwistjoni, il-Hof von Cassatie (il-Qorti tal-Kassazzjoni, il-Belġju), iddeċidiet li tissospendi l-proċeduri quddiemha u li tagħmel lill-Qorti tal-Ġustizzja d-domanda preliminari li ġejja:</p>
</td>
</tr>
</table>
    <p class="C02AlineaAltA" id="para-63" title="page-5">
      “Il-libertà ta’ stabbiliment kif iggarantita permezz tal-Artikolu 49 TFUE hija miksura minn leġiżlazzjoni nazzjonali bħal dik inkwistjoni [fil-kawża prinċipali] sa fejn din għandha bħala konsegwenza li kumpannija Lussemburgiża li ddaħħal fil-kontijiet fil-Lussemburgu tnaqqis fil-valur ta’ ishma u li, minkejja li tneħħihom fil-prinċipju mir-riżultati fiskali tagħha, ma tistax tnaqqashom effettivament mir-riżultati fiskali tagħha, minħabba l-eżistenza ta’ pożizzjoni fiskali ta’ telf, hija intaxxata fil-Belġju, wara t-trasferiment tas-sede rreġistrata tagħha lejn il-Belġju, fuq ir-riverżjoni ta’ dan it-tnaqqis fil-valur, sakemm iż-żidiet fil-valur sottostanti din ir-riverżjoni ma jiddaħħlux fuq kont indisponibbli tal-passiv, filwaqt li kumpannija Belġjana li daħħlet fil-kontijiet fil-Belġju tnaqqis fil-valur ta’ ishma ma tiġix intaxxata fuq ir-riverżjoni ta’ dan it-tnaqqis fil-valur, sakemm it-tnaqqis fil-valur ma jkunx tnaqqas preċedentement mir-riżultati fiskali Belġjani, u dan mingħajr ma ż-żidiet fil-valur sottostanti din ir-riverżjoni għandhom jiddaħħlu f’kont indisponibbli tal-passiv?”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq id-domanda preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15</p>
</td>
<td valign="top">
<p class="normal">Permezz tad-domanda tagħha, il-qorti tar-rinviju tistaqsi, essenzjalment, jekk l-Artikolu 49 TFUE jipprekludix leġiżlazzjoni fiskali nazzjonali li bis-saħħa tagħha iż-żidiet fil-valur fuq azzjonijiet jew ishma ta’ kumpanniji mdaħħla fil-kontijiet minn kumpannija fi Stat Membru, wara t-trasferiment tal-uffiċċju rreġistrat ta’ din tal-aħħar, jiġu ttrattati bħala qligħ kapitali latenti, mingħajr ma jittieħed inkunsiderazzjoni l-punt dwar jekk dawn l-azzjonijiet jew dawn l-ishma tawx lok għad-dħul fil-kontijiet ta’ tnaqqis fil-valur minn din il-kumpannija f’data li fiha hija kienet residenti fiskali fi Stat Membru ieħor.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16</p>
</td>
<td valign="top">
<p class="normal">Għandu jitfakkar li l-Artikolu 49 TFUE, moqri flimkien mal-Artikolu 54 TFUE, jagħti l-benefiċċju tal-libertà ta’ stabbiliment lill-kumpanniji kkostitwiti konformement mal-leġiżlazzjoni ta’ Stat Membru u li jkollhom l-uffiċċju rreġistrat tagħhom, l-amministrazzjoni ċentrali tagħhom jew l-istabbiliment prinċipali tagħhom ġewwa l-Unjoni Ewropea (sentenza tas‑27 ta’ Frar 2020, AURES Holding, C‑405/18, EU:C:2020:127, punt 24). It-tgawdija ta’ din il-libertà tinkludi d-dritt, għal tali kumpannija, li tittrasferixxi l-uffiċċju rreġistrat, l-amministrazzjoni ċentrali, jew l-istabbiliment prinċipali tagħha lejn Stat Membru ieħor.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17</p>
</td>
<td valign="top">
<p class="normal">Għandu jitfakkar ukoll li d-dispożizzjonijiet tad-dritt tal-Unjoni dwar il-libertà ta’ stabbiliment huma intiżi, b’mod partikolari, li jiżguraw il-benefiċċju tat-trattament nazzjonali fl-Istat Membru ospitanti (sentenza tas‑27 ta’ Frar 2020, AURES Holding, C‑405/18, EU:C:2020:127, punti 27 u 31).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18</p>
</td>
<td valign="top">
<p class="normal">F’dan il-kuntest, kumpannija kkostitwita skont il-liġi ta’ Stat Membru, li tittrasferixxi l-uffiċċju rreġistrat tagħha lejn Stat Membru ieħor, tista’ tinvoka l-Artikolu 49 TFUE sabiex tikkontesta l-konsegwenzi fiskali ta’ dan it-trasferimenti fl-Istat Membru ospitanti (ara, f’dan is-sens, is-sentenza tas‑27 ta’ Frar 2020, AURES Holding, C‑405/18, EU:C:2020:127, punti 26 u 28).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19</p>
</td>
<td valign="top">
<p class="normal">Madankollu, l-Artikolu 49 TFUE ma jiggarantixxix li tali trasferiment ikun newtrali fir-rigward ta’ tassazzjoni. Fid-dawl tad-differenzi bejn il-leġiżlazzjonijiet tal-Istati Membri fil-qasam, dan it-trasferiment jista’, skont il-każ, ikun iktar jew inqas vantaġġuż jew żvantaġġuż minn perspettiva fiskali. Il-libertà ta’ stabbiliment ma timplikax li Stat Membru għandu l-obbligu li jadatta r-regoli fiskali tiegħu skont dawk ta’ Stat Membru ieħor sabiex tiġi ggarantita, fis-sitwazzjonijiet kollha, tassazzjoni li telimina kull diskrepanza li tirriżulta mil-leġiżlazzjonijiet fiskali nazzjonali (ara, f’dan is-sens, is-sentenza tas‑27 ta’ Frar 2020, AURES Holding, C‑405/18, EU:C:2020:127, punt 32 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20</p>
</td>
<td valign="top">
<p class="normal">Mill-proċess għad-dispożizzjoni tal-Qorti tal-Ġustizzja jirriżulta li, bis-saħħa tal-punt 7 tal-Artikolu 198 tas‑CIR 92, it-tnaqqis fil-valur fuq azzjonijiet jew ishma ta’ kumpanniji ma jistax, bħala prinċipju, jitnaqqas mid-dħul taxxabbli billi jitqies bħala spejjeż tan-negozju. Min-naħa l-oħra, l-Artikolu 74 tal-AR/CIR 92 jeżenta r-riverżjoni ulterjuri ta’ dan it-tnaqqis fil-valur mit-taxxa fuq il-kumpanniji.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21</p>
</td>
<td valign="top">
<p class="normal">Minn dan il-proċess jirriżulta wkoll li, madankollu, bis-saħħa tat-tieni subparagrafu tal-Artikolu 184b(2) tas‑CIR 92, il-qligħ u t-tnaqqis kapitali magħmula wara t-trasferiment tal-uffiċċju rreġistrat ta’ kumpannija lejn il-Belġju huma ddeterminati fuq il-bażi tal-valur kontabbli tagħhom fid-data ta’ dan it-trasferiment. F’dan il-kuntest, jitqiesu bħala qligħ kapitali latenti, eskluż mill-benefiċċju tal-vantaġġ fiskali kkostitwit mill-eżenzjoni prevista fl-Artikolu 74 tal-AR/CIR 92, iż-żidiet fil-valur fuq azzjonijiet jew ishma ta’ kumpanniji mdaħħla fil-kontijiet minn kumpannija li ttrasferixxiet l-uffiċċju rreġistrat tagħha lejn il-Belġju, inkluż meta d-dħul fil-kontijiet ta’ dawn iż-żidiet jikkorrispondi għar-riverżjoni ta’ tnaqqis fil-valur imdaħħla fil-kontijiet wara dan it-trasferiment u li ma tax lok, f’dan l-Istat Membru ta’oriġini, għal tnaqqis tar-riżultat taxxabbli bħala spejjeż tan-negozju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22</p>
</td>
<td valign="top">
<p class="normal">Leġiżlazzjoni bħal dik inkwistjoni fil-kawża prinċipali stabbilita għad-detriment tal-kumpanniji kkostitwiti bis-saħħa tal-leġiżlazzjoni ta’ Stat Membru u li jeżerċitaw il-libertà ta’ stabbiliment tagħhom differenza fit-trattament li tista’ tiddiswadihom milli jittrasferixxu l-uffiċċju rreġistrat tagħhom lejn Stat Membru ieħor bil-għan li jeżerċitaw l-attività ekonomika tagħhom fih. Din id-differenza fit-trattament tista’ tiġi aċċettata biss jekk tikkonċerna sitwazzjonijiet li ma humiex oġġettivament paragunabbli jew jekk tkun iġġustifikata minn raġuni imperattiva ta’ interess ġenerali u proporzjonata għaliha (sentenza tas‑27 ta’ Frar 2022, AURES Holding, C‑405/18, EU:C:2020:127, punt 36 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23</p>
</td>
<td valign="top">
<p class="normal">Mill-ġurisprudenza tal-Qorti tal-Ġustizzja jirriżulta li l-paragunabbiltà ta’ sitwazzjoni transkonfinali ma’ sitwazzjoni interna għandha tiġi eżaminata billi jittieħed inkunsiderazzjoni l-għan li għandu jintlaħaq mid-dispożizzjonijiet nazzjonali inkwistjoni (sentenza tas‑27 ta’ Frar, AURES Holding, C‑405/18, EU:C:2020:127, punt 37 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24</p>
</td>
<td valign="top">
<p class="normal">Fid-dawl tal-miżuri meħuda minn Stat Membru biex tinżamm il-kondiviżjoni tas-setgħa taxxabbli bejn l-Istati Membri, bħalma huwa l-każ, suġġett għal verifika mill-qorti tar-rinviju, tal-leġiżlazzjoni inkwistjoni fil-kawża prinċipali, bħala prinċipju kumpannija li rreġistrat tnaqqis fil-valur fuq azzjonijiet jew ishma ta’ kumpanniji fi Stat Membru u kumpannija li ttrasferixxiet l-uffiċċju rreġistrat tagħha lejn dan l-Istat Membru wara li rreġistrat tali tnaqqis fil-valur fi Stat Membru ieħor, ma jinsabux f’sitwazzjoni paragunabbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25</p>
</td>
<td valign="top">
<p class="normal">Fil-fatt, kumpannija li twettaq tali trasferiment taqa’ suċċessivament taħt il-ġurisdizzjoni fiskali ta’ żewġ Stati Membri, jiġifieri, minn naħa, l-Istat Membru ta’ oriġini, għall-perijodu li matulu tnaqqis fil-valur iddaħħal fil-kontijiet, u, min-naħa l-oħra, l-Istat Membru ospitanti, għall-perijodu li matulu ż-żidiet fil-valur li jikkorrispondu għar-riverżjoni ta’ dan it-tnaqqis fil-valur iddaħħlu fil-kontijiet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26</p>
</td>
<td valign="top">
<p class="normal">Fl-assenza ta’ ġurisdizzjoni fiskali tal-Istat Membru ospitanti għall-perijodu li matulu tnaqqis fil-valur fuq azzjonijiet jew ishma ta’ kumpanniji ddaħħal fil-kontijiet, kumpannija li ttrasferixxiet l-uffiċċju rreġistrat tagħha lejn dan l-Istat Membru u li fih sussegwentement idaħħlu fil-kontijiet żidiet fil-valur ta’ dawn l-azzjonijiet jew ta’ dawn l-ishma ta’ kumpanniji ma tinsabx f’sitwazzjoni paragunabbli għal dik ta’ kumpannija li diġà kienet taqa’ taħt il-ġurisdizzjoni fiskali tal-imsemmi Stat Membru għall-perijodu li matulu dan it-tnaqqis fil-valur iddaħħal fil-kontijiet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27</p>
</td>
<td valign="top">
<p class="normal">Għall-istess raġuni, sitwazzjoni ta’ kumpannija li ttrasferixxiet l-uffiċċju rreġistrat tagħha lejn Stat Membru qabel ma pproċediet għar-riverżjoni ta’ tnaqqis fil-valur imdaħħal fil-kontijiet qabel dan it-trasferiment lanqas ma hija paragunabbli, kuntrarjament għal dak li ssostni VP Capital, għal dik ta’ kumpannija holding stabbilita f’dan l-Istat Membru li tinsab f’qagħda fiskali ta’ telf, għal dik ta’ kumpannija li daħħlet fil-kontijiet tnaqqis fil-valur fl-imsemmi Stat Membru meta hija kienet suġġetta għat-taxxa fuq il-persuni ġuridiċi, jew għal dik ta’ kumpannija tal-istess Stat Membru li tagħlaq stabbiliment permanenti li jinsab fi Stat Membru ieħor li fih tnaqqis fil-valur iddaħħal fil-kontijiet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28</p>
</td>
<td valign="top">
<p class="normal">F’dan il-każ, barra minn hekk għandu jiġi osservat li, skont l-elementi għad-dispożizzjoni tal-Qorti tal-Ġustizzja, ir-rikorrenti fil-kawża prinċipali invokat fil-Lussemburgu, l-Istat Membru ta’ oriġini tagħha, it-tnaqqis fil-valur li hija kienet daħħlet fil-kontijiet qabel it-trasferiment tal-uffiċċju rreġistrat tagħha, li, minħabba s-sitwazzjoni defiċitarja tagħha, kellha l-effett li żżid it-telf tagħha li jista’ jiġi rriportat ’il quddiem. Il-fatt li hija ma setgħetx effettivament tnaqqas dan it-telf mir-riżultat taxxabbli tagħha jirriżulta mill-għażla li hija għamlet wara li eżerċitat il-libertà ta’ stabbiliment tagħha meta wettqet dan it-trasferiment.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29</p>
</td>
<td valign="top">
<p class="normal">Il-kunsiderazzjonijiet preċedenti ma jistgħux jitqiegħdu inkwistjoni mis-sentenza tat‑12 ta’ Ġunju 2018, Bevola u Jens W. Trock (C‑650/16, EU:C:2018:424). Fil-fatt, is-soluzzjoni mogħtija f’din is-sentenza tidħol fil-qafas tal-ġurisprudenza tal-Qorti tal-Ġustizzja dwar it-teħid inkunsiderazzjoni, fl-Istat Membru ta’ residenza tal-kumpannija parent, tat-telf definittiv imġarrab minn sussidjarja jew minn stabbiliment permanenti li jinsab, matul l-istess perijodu ta’ taxxa, fi Stat Membru ieħor. Din ma tistax tiġi trasposta għas-sitwazzjoni ta’ kumpannija li ttrasferixxiet l-uffiċċju rreġistrat tagħha minn Stat Membru lejn Stat Membru ieħor u tirrikjedi t-teħid inkunsiderazzjoni, f’dan tal-aħħar, tal-operazzjonijiet imdaħħla fil-kontijiet fl-ewwel Stat Membru qabel dan it-trasferiment (ara, f’dan is-sens, is-sentenza tas‑27 ta’ Frar 2020, AURES Holding, C‑405/18, EU:C:2020:127, punti 44 sa 48).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30</p>
</td>
<td valign="top">
<p class="normal">Fid-dawl tal-punti preċedenti, ir-risposta għad-domanda magħmula għandha tkun li l-Artikolu 49 TFUE ma jipprekludix leġiżlazzjoni fiskali nazzjonali li bis-saħħa tagħha ż-żidiet fil-valur fuq azzjonijiet jew ishma ta’ kumpanniji mdaħħla fil-kontijiet minn kumpannija fi Stat Membru, wara t-trasferiment tal-uffiċċju rreġistrat ta’ din tal-aħħar, jiġu ttrattati bħala qligħ kapitali latenti, mingħajr ma jittieħed inkunsiderazzjoni l-punt dwar jekk dawn l-azzjonijiet jew dawn l-ishma tawx lok għad-dħul fil-kontijiet ta’ tnaqqis fil-valur minn din il-kumpannija f’data li fiha hija kienet residenti fiskali fi Stat Membru ieħor.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l‑ispejjeż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31</p>
</td>
<td valign="top">
<p class="normal">Peress li l-proċedura għandha, fir-rigward tal-partijiet fil-kawża prinċipali, in-natura ta’ kwistjoni mqajma quddiem il-qorti tar-rinviju, hija din il-qorti li tiddeċiedi fuq l-ispejjeż. L-ispejjeż sostnuti għas-sottomissjoni tal-osservazzjonijiet lill-Qorti tal-Ġustizzja, minbarra dawk tal-imsemmija partijiet, ma jistgħux jitħallsu lura.</p>
</td>
</tr>
</table>
    <p class="C41DispositifIntroduction" id="para-83" title="page-8">
      Għal dawn il-motivi, Il-Qorti tal-Ġustizzja (Id-Disa’ Awla) taqta’ u tiddeċiedi:
    </p>
    <p class="C30Dispositifalinea" id="para-84" title="page-8">
      L-Artikolu 49 TFUE ma jipprekludix leġiżlazzjoni fiskali nazzjonali li bis-saħħa tagħha ż-żidiet fil-valur fuq azzjonijiet jew ishma ta’ kumpanniji mdaħħla fil-kontijiet minn kumpannija fi Stat Membru, wara t-trasferiment tal-uffiċċju rreġistrat ta’ din tal-aħħar, jiġu ttrattati bħala qligħ kapitali latenti, mingħajr ma jittieħed inkunsiderazzjoni l-punt dwar jekk dawn l-azzjonijiet jew dawn l-ishma tawx lok għad-dħul fil-kontijiet ta’ tnaqqis fil-valur minn din il-kumpannija f’data li fiha hija kienet residenti fiskali fi Stat Membru ieħor.
    </p>
    <div class="signatures">
<p class="C77Signatures" id="para-85" title="page-8">
<span class="signatory">Firem</span>
</p>
</div>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">*</a>
</span>) Lingwa tal-kawża: l-Olandiż.</p>
</body>
</html>
