(1)

Wara d-deċiżjonijiet Nru 2/2024 u Nru 1/2024 tal-Kumitati Konġunti EU-CTC dwar it-tranżitu komuni u dwar is-simplifikazzjoni tal-formalitajiet fil-kummerċ tal-oġġetti (2), rispettivament, fir-rigward tal-istediniet lill-Georgia biex taderixxi mal-Konvenzjoni dwar Proċedura Komuni ta’ Tranżitu (3), u mal-Konvenzjoni dwar is-Simplifikazzjoni ta’ formalitajiet f’kummerċ ta’ oġġetti (4).

(2)

Jeħtieġ li l-Annessi 32-01, 32-02 u 32-03 u l-Parti II, il-Kapitoli VI u VII tal-Anness 72-04 tar-Regolament ta’ Implimentazzjoni tal-Kummissjoni (UE) 2015/2447 (5) jiġu allinjati mal-Konvenzjoni dwar Proċedura Komuni ta’ Tranżitu biex titqies l-adeżjoni tal-Georgia ma’ dik il-Konvenzjoni, f’konformità mad-Deċiżjoni Nru 3/2024 tal-Kumitat Konġunt EU-CTC (6). Madankollu, sabiex jintuża l-istokk eżistenti tal-formoli kampjun tal-impenn tal-garanti, il-formoli kampjun stabbiliti fl-Annessi 32-01, 32-02 u 32-03 li huma validi fil-jum qabel id-dħul fis-seħħ ta’ dan ir-Regolament, jenħtieġ li jkomplu japplikaw sat-30 ta’ Ġunju 2026, skont l-adattamenti ġeografiċi meħtieġa fil-punt 1 ta’ dawk l-Annessi u r-referenza tal-isem u tal-indirizz għas-servizz tal-aġent awtorizzat fil-Georgia fil-punt 4 ta’ dawk l-Annessi.

(3)

Għalhekk, jenħtieġ li r-Regolament ta’ Implimentazzjoni (UE) 2015/2447 jiġi emendat kif xieraq.

(4)

Peress li l-Georgia aderiet mal-Konvenzjoni dwar Proċedura Komuni ta’ Tranżitu u mal-Konvenzjoni dwar is-Simplifikazzjoni ta’ formalitajiet f’kummerċ ta’ oġġetti fl-1 ta’ Frar 2025, dan ir-Regolament ta’ Implimentazzjoni għalhekk jenħtieġ li jibda japplika minn dik id-data.

(5)

Il-miżuri previsti f’dan ir-Regolament huma f’konformità mal-opinjoni tal-Kumitat tal-Kodiċi Doganali,

(1)

fil-Parti I (L-impenn mill-garanti), il-punt 1 tal-Anness 32-01, il-kelma “Georgia” tiddaħħal qabel it-test “ir-Repubblika tal-Iżlanda”;

(2)

fil-Parti I (L-impenn mill-garanti), il-punt 1 tal-Anness 32-02, il-kelma “Georgia” tiddaħħal qabel it-test “ir-Repubblika tal-Iżlanda”;

(3)

fil-Parti I (L-impenn mill-garanti), il-punt 1 tal-Anness 32-03, il-kelma “Georgia” tiddaħħal qabel it-test “ir-Repubblika tal-Iżlanda”;

(4)

fil-Parti II, il-Kapitolu VI (Iċ-ċertifikat ta’ garanzija komprensiva) (TC 31 Iċ-ċertifikat ta’ garanzija komprensiva) (Il-faċċata), il-punt 7 tal-Anness 72-04, il-kelma “Georgia” tiddaħħal qabel il-kelma “l-Iżlanda”;

(5)

fil-Parti II, il-Kapitolu VII (Iċ-ċertifikat tat-tneħħija (tal-obbligu) ta’ garanzija) (TC33 Iċ-ċertifikat tat-tneħħija (tal-obbligu) ta’ garanzija) (Il-faċċata), il-punt 6 tal-Anness 72-04, il-kelma “Georgia” tiddaħħal qabel il-kelma “l-Iżlanda”.