(1)

Tar éis chinntí Uimh. 2/2024 agus Uimh. 1/2024 ó Chomhchoistí AE-Tíortha Comhchoiteanna Idirthurais (TCI) maidir le nós imeachta comhchoiteann um earraí faoi bhealach agus maidir le foirmiúlachtaí i leith trádáil earraí a shimpliú (2) faoi seach, a mhéid a bhaineann leis na hiarrataí ar an tSeoirsia aontú don Choinbhinsiún maidir le Nós Imeachta Comhchoiteann um Earraí faoi Bhealach (3), agus don Choinbhinsiún maidir le Foirmiúlachtaí i leith trádáil earraí a Shimpliú (4).

(2)

Is gá Iarscríbhinní 32-01, 32-02 agus 32-03 agus Cuid II, Caibidlí VI agus VII d’Iarscríbhinn 72-04 a ghabhann le Rialachán Cur Chun Feidhme (AE) 2015/2447 ón gCoimisiún (5) a ailíniú leis an gCoinbhinsiún maidir le Nós Imeachta Comhchoiteann um Earraí faoi Bhealach chun aontú na Seoirsia don Choinbhinsiún sin a chur san áireamh, i gcomhréir le Cinneadh Uimh. 3/2024 ó Chomhchoistí AE-TCI (6). Chun an stoc atá ann d’fhoirmeacha gealltanais ráthóra a úsáid áfach, na foirmeacha samplacha a leagtar síos in Iarscríbhinní 32-01, 32-02 agus 32-03 agus atá bailí an lá roimh theacht i bhfeidhm an Rialacháin seo, ba cheart feidhm a bheith leis na foirmeacha sin go dtí an 30 Meitheamh 2026, faoi réir na n-oiriúnuithe geografacha a cheanglaítear i bpointe 1 de na hIarscríbhinní sin agus lua an ainm agus an tseolta le haghaidh seirbheála den ghníomhaire údaraithe sa tSeoirsia a cheanglaítear i bpointe 4 de na hIarscríbhinní sin.

(3)

Ba cheart, dá bhrí sin, Rialachán Cur Chun Feidhme (AE) 2015/2447 a leasú dá réir sin.

(4)

Ós rud é gur aontaigh an tSeoirsia don Choinbhinsiún maidir le Nós Imeachta Comhchoiteann um Earraí faoi Bhealach agus don Choinbhinsiún maidir le Foirmiúlachtaí i leith Trádáil Earraí a Shimpliú an 1 Feabhra 2025, ba cheart, dá bhrí sin, feidhm a bheith ag an Rialachán Cur Chun Feidhme ón dáta sin.

(5)

Tá na bearta dá bhforáiltear sa Rialachán seo i gcomhréir leis an tuairim ón gCoiste um an gCód Custaim,

(1)

i gCuid I (Gealltanas ón ráthóir), pointe 1, d’Iarscríbhinn 32-01, cuirtear na focail ‘an tSeoirsia’ isteach roimh an téacs ‘Poblacht na hÍoslainne’;

(2)

i gCuid I (Gealltanas ón ráthóir), pointe 1, d’Iarscríbhinn 32-02, cuirtear na focail ‘an tSeoirsia’ isteach roimh an téacs ‘Poblacht na hÍoslainne’;

(3)

i gCuid I (Gealltanas ón ráthóir), pointe 1, d’Iarscríbhinn 32-03, cuirtear na focail ‘an tSeoirsia’ isteach roimh an téacs ‘Poblacht na hÍoslainne’;

(4)

i gCuid II, Caibidil VI (Deimhniú ráthaíochta cuimsitheach) (TC 31 Deimhniú ráthaíochta cuimsitheach) (Tosach), pointe 7, d’Iarscríbhinn 72-04, cuirtear na focail ‘an tSeoirsia’ isteach roimh na focail ‘an Íoslainn’;

(5)

i gCuid II, Caibidil VII (Deimhniú tarscaoilte ráthaíochta) (TC 33 Deimhniú tarscaoilte ráthaíochta) (Tosach), pointe 6, d’Iarscríbhinn 72-04, cuirtear na focail ‘an tSeoirsia’ isteach roimh na focail ‘an Íoslainn’.