(1)

Thug an tAontas an Comhaontú maidir le Ríocht Aontaithe na Breataine Móire agus Thuaisceart Éireann a bheith ag tarraingt siar as an Aontas Eorpach agus as an gComhphobal Eorpach do Fhuinneamh Adamhach (1) (‘an Comhaontú um Tharraingt Siar’) i gcrích le Cinneadh (AE) 2020/135 ón gComhairle (2) agus tháinig sé i bhfeidhm an 1 Feabhra 2020.

(2)

De bhun Airteagal 13(4) de Chreat Windsor (3), ar dlúthchuid den Chomhaontú um Tharraingt Siar é, tugtar de chumhacht don Chomhchoiste a bunaíodh faoi Airteagal 164(1) de (an ‘Comhchoiste’) cinntí a ghlacadh lena leasaítear na hIarscríbhinní ábhartha a ghabhann le Creat Windsor trí ghníomhartha nuaghlactha de chuid an Aontais a thagann faoi raon feidhme Chreat Windsor a chur leis, ar gníomhartha iad nach ndéantar gníomhartha de chuid an Aontais a liostaítear sna hIarscríbhinní a ghabhann le Creat Windsor a leasú ná a ionadú leo.

(3)

Cé go bhfuil Airteagail 40, 41 agus 43 de Rialachán (AE) 2024/1252 ó Pharlaimint na hEorpa agus ón gComhairle (4) infheidhme de bhun Airteagal 13(3) de Chreat Windsor, is forálacha de ghníomh nuaghlactha de chuid an Aontais iad a bhfuil fágtha d’fhorálacha an Rialacháin sin, cé is moite d’Airteagail 5 go 27, 30, 35, 36, 37, 42, 45 agus Airteagal 44, (1) go (5) de, a thagann faoi raon feidhme Chreat Windsor ar cheart iad a chur le hIarscríbhinn 2 a ghabhann le Creat Windsor.

(4)

Ba cheart don Chomhchoiste, ag an gcéad chruinniú eile a thionólfar, cinneadh a ghlacadh de bhun Airteagal 13(4) de Chreat Windsor, ar cinneadh é lena gcuirfear an gníomh nuaghlactha sin de chuid an Aontais, cé is moite d’Airteagail 5 go 27, 30, 35, 36, 37, 42, 45 agus Airteagal 44 (1) go (5) de, le hIarscríbhinn 2 a ghabhann le Creat Windsor.

(5)

Is iomchuí an seasamh atá le glacadh thar ceann an Aontais sa Chomhchoiste a bhunú, a mhéid a bhaineann le cinneadh a ghlacadh chun an gníomh nuaghlactha de chuid an Aontais a chur le hIarscríbhinn 2 a ghabhann le Creat Windsor,