|
Il-Ġurnal Uffiċjali |
MT Is-serje L |
|
2026/2374 |
27.10.2026 |
REGOLAMENT TAL-KUNSILL (UE) 2026/2374
tas-26 ta’ Ottubru 2026
li jemenda r-Regolament (KE) Nru 1183/2005 dwar miżuri restrittivi fid-dawl tas-sitwazzjoni fir-Repubblika Demokratika tal-Kongo
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 215 tiegħu,
Wara li kkunsidra d-Deċiżjoni tal-Kunsill 2010/788/PESK tal-20 ta’ Diċembru 2010 dwar miżuri restrittivi fid-dawl tas-sitwazzjoni fir-Repubblika Demokratika tal-Kongo (1),
Wara li kkunsidra l-proposta konġunta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà u l-Kummissjoni Ewropea,
Billi:
|
(1) |
Ir-Regolament tal-Kunsill (KE) Nru 1183/2005 (2) jagħti effett lil diversi miżuri previsti mid-Deċiżjoni 2010/788/PESK, inkluż l-iffriżar ta’ fondi u riżorsi ekonomiċi ta’ persuni u entitajiet deżinjati. |
|
(2) |
Fl-20 ta’ Diċembru 2022, il-Kunsill tas-Sigurtà tan-Nazzjonijiet Uniti (KSNU) adotta r-Riżoluzzjoni 2667 (2022), li tneħħi r-rekwiżiti ta’ notifika stabbiliti fil-paragrafu 5 tar-Riżoluzzjoni 1807 (2008) tal-KSNU fir-rigward tal-embargo fuq l-armi fuq entitajiet mhux governattivi u individwi li joperaw fit-territorju tar-Repubblika Demokratika tal-Kongo. |
|
(3) |
Fid-29 ta’ Ġunju 2026, il-KSNU adotta r-Riżoluzzjoni 2825 (2026), li temenda l-kriterji għad-deżinjazzjoni ta’ persuni u entitajiet soġġetti għall-miżuri restrittivi stabbiliti fil-paragrafi 9 u 11 tar-Riżoluzzjoni 1807 (2008) tal-KSNU. |
|
(4) |
Id-Deċiżjoni tal-Kunsill (PESK) 2026/2372 (3) temenda d-Deċiżjoni 2010/788/PESK skont dan. |
|
(5) |
Għadd mill-emendi stabbiliti fid-Deċiżjoni (PESK) 2026/2372 jaqgħu fil-kamp ta’ applikazzjoni tat-Trattat dwar il-Funzjonament tal-Unjoni Ewropea. Għaldaqstant, hemm bżonn ta’ azzjoni regolatorja fil-livell tal-Unjoni biex jingħata effett lil dik id-Deċiżjoni, b’mod partikolari bl-għan li tiġi żgurata l-applikazzjoni uniformi tagħha fl-Istati Membri kollha. |
|
(6) |
Għall-implimentazzjoni ta’ dan ir-Regolament, u sabiex tiġi ggarantita l-ogħla ċertezza legali fl-Unjoni, jenħtieġ li jsiru pubbliċi l-ismijiet u d-data rilevanti oħra li jikkonċernaw persuni fiżiċi u ġuridiċi, gruppi u entitajiet li l-fondi u r-riżorsi ekonomiċi tagħhom iridu jkunu ffriżati f’konformità ma’ dan ir-Regolament. Kwalunkwe pproċessar ta’ data personali jenħtieġ li jikkonforma mar-Regolamenti (UE) 2016/679 (4) u (UE) 2018/1725 (5) tal-Parlament Ewropew u tal-Kunsill. |
|
(7) |
Għalhekk, jenħtieġ li r-Regolament (KE) Nru 1183/2005 jiġi emendat skont dan, |
ADOTTAT DAN IR-REGOLAMENT:
Artikolu 1
Ir-Regolament (KE) Nru 1183/2005 huwa emendat kif ġej:
|
(1) |
fl-Artikolu 1, jiżdied il-punt li ġej:
; |
|
(2) |
l-Artikolu 1a huwa emendat kif ġej:
|
|
(3) |
L-Artikolu 1b huwa sostitwit b’dan li ġej: “Artikolu 1b 1. B’deroga mill-Artikolu 1a, l-awtoritajiet kompetenti jistgħu jawtorizzaw:
2. Ma għandha tingħata l-ebda awtorizzazzjoni għal attivitajiet li diġà seħħew.” |
|
(4) |
fl-Artikolu 2a (1), jiżdied il-punt li ġej:
; |
|
(5) |
L-Artikolu 6 huwa emendat kif ġej:
|
|
(6) |
L-Artikolu 7b huwa sostitwit b’dan li ġej: “Artikolu 7b Għandha tkun ipprojbita l-parteċipazzjoni, bil-ħsieb jew intenzjonata, f’attivitajiet li l-għan jew l-effett tagħhom ikun iċ-ċirkomvenzjoni tal-projbizzjonijiet stabbiliti f’dan ir-Regolament, inkluż bil-parteċipazzjoni f’tali attivitajiet mingħajr it-tfittxija b’mod deliberat ta’ dak l-għan jew l-effett iżda bl-għarfien li tali parteċipazzjoni jista’ jkollha dak l-għan jew l-effett u l-aċċettazzjoni ta’ dik il-possibbiltà.” |
|
(7) |
L-Artikolu 8 huwa sostitwit b’dan li ġej: “Artikolu 8 1. Il-Kummissjoni u l-Istati Membri għandhom jinfurmaw lil xulxin dwar il-miżuri meħuda taħt dan ir-Regolament u jikkondividu kwalunkwe informazzjoni relevanti oħra li jkollhom għad-dispożizzjoni tagħhom marbuta ma’ dan ir-Regolament, b’mod partikolari informazzjoni dwar:
2. L-Istati Membri għandhom jinfurmaw minnufih lil xulxin u lill-Kummissjoni bi kwalunkwe informazzjoni oħra rilevanti li jkollhom għad-dispożizzjoni tagħhom li tista’ taffettwa l-implimentazzjoni effettiva ta’ dan ir-Regolament.” |
|
(8) |
jiddaħħlu l-artikoli li ġejjin: “Artikolu 8a 1. L-Istati Membri għandhom jinnominaw lill-awtoritajiet kompetenti msemmija f’dan ir-Regolament u jidentifikawhom fuq is-siti web elenkati fl-Anness II. L-Istati Membri għandhom jinnotifikaw lill-Kummissjoni bi kwalunkwe bidla fl-indirizzi tas-siti web tagħhom elenkati fl-Anness II. 2. L-Istati Membri għandhom jinnotifikaw lill-Kummissjoni dwar l-awtoritajiet kompetenti tagħhom, inklużi d-dettalji ta’ kuntatt ta’ dawk l-awtoritajiet kompetenti, mingħajr dewmien wara d-dħul fis-seħħ ta’ dan ir-Regolament, u għandhom jinnotifikawha dwar kwalunkwe emenda sussegwenti. 3. Jekk dan ir-Regolament jistipula rekwiżit li l-Kummissjoni tiġi nnotifikata, infurmata, jew li b’xi mod ieħor issir komunikazzjoni magħha, l-indirizz u d-dettalji l-oħra tal-kuntatt li jridu jintużaw għal tali komunikazzjoni għandhom ikunu dawk indikati fl-Anness II. Artikolu 8b Kwalunkwe informazzjoni mogħtija jew riċevuta minnha f’konformità ma’ dan ir-Regolament għandha tintuża għall-għanijiet li għalihom tkun ingħatat jew ġiet riċevuta biss.” |
|
(9) |
jiddaħħal l-Artikolu li ġej: “Artikolu 9a 1. Il-Kunsill, il-Kummissjoni u r-Rappreżentant Għoli tal-Unjoni għall-Affarijiet Barranin u l-Politika ta’ Sigurtà (ir-‘Rappreżentant Għoli’) jistgħu jipproċessaw data personali sabiex iwettqu l-kompiti tagħhom skont dan ir-Regolament. Dawn il-kompiti jistgħu jinkludu:
2. Għall-finijiet ta’ dan ir-Regolament, il-Kunsill, il-Kummissjoni u r-Rappreżentant Għoli huma maħtura bħala ‘kontrollur’ skont it-tifsira tal-Artikolu 3, il-punt (8), tar-Regolament (UE) 2018/1725 fir-rigward tal-attivitajiet ta’ pproċessar meħtieġa biex jitwettqu l-kompiti msemmija fil-paragrafu 1.” |
|
(10) |
L-Artikolu 10 huwa sostitwit b’dan li ġej: “Artikolu 10 1. L-Istati Membri għandhom jistabbilixxu r-regoli dwar il-pieni, inkluż kif xieraq pieni kriminali, applikabbli għall-ksur tad-dispożizzjonijiet ta’ dan ir-Regolament u għandhom jieħdu l-miżuri kollha meħtieġa biex jiżguraw li huma implimentati. Il-pieni previsti għandhom ikunu effettivi, proporzjonati u dissważivi. L-Istati Membri għandhom jipprovdu wkoll il-miżuri xierqa ta’ konfiska tar-rikavat minn tali ksur. 2. L-Istati Membri għandhom jinnotifikaw lill-Kummissjoni dwar ir-regoli msemmija fil-paragrafu 1 mingħajr dewmien wara d-dħul fis-seħħ ta’ dan ir-Regolament u għandhom jinnotifikawha dwar kwalunkwe emenda sussegwenti.” |
|
(11) |
L-Artikolu 11 huwa sostitwit b’dan li ġej: “Artikolu 11 Dan ir-Regolament għandu japplika:
|
Artikolu 2
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fil-Lussemburgu, is-26 ta’ Ottubru 2026.
Għall-Kunsill
Il-President
M. HEYDON
(1) ĠU L 336, 21.12.2010, p. 30, ELI: http://data.europa.eu/eli/dec/2010/788/oj.
(2) Ir-Regolament tal-Kunsill (KE) Nru 1183/2005 tat-18 ta’ Lulju 2005 dwar miżuri restrittivi fid-dawl tas-sitwazzjoni fir-Repubblika Demokratika tal-Kongo (ĠU L 193, 23.7.2005, p. 1, ELI: http://data.europa.eu/eli/reg/2005/1183/oj).
(3) Id-Deċiżjoni tal-Kunsill (PESK) 2026/2372 tas-26 ta’ Ottubru 2026 li temenda d-Deċiżjoni 2010/788/PESK dwar miżuri restrittivi fid-dawl tas-sitwazzjoni fir-Repubblika Demokratika tal-Kongo (ĠU L, 2026/2372, 26.10.2026, ELI: http://data.europa.eu/eli/dec/2026/2372/oj).
(4) Ir-Regolament (UE) 2016/679 tal-Parlament Ewropew u tal-Kunsill tas-27 ta’ April 2016 dwar il-protezzjoni tal-persuni fiżiċi fir-rigward tal-ipproċessar ta’ data personali u dwar il-moviment liberu ta’ tali data, u li jħassar id-Direttiva 95/46/KE (Regolament Ġenerali dwar il-Protezzjoni tad-Data) (ĠU L 119, 4.5.2016, p. 1, ELI: http://data.europa.eu/eli/reg/2016/679/oj).
(5) Ir-Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data, u li jħassar ir-Regolament (KE) Nru 45/2001 u d-Deċiżjoni Nru 1247/2002/KE (ĠU L 295, 21.11.2018, p. 39, ELI: http://data.europa.eu/eli/reg/2018/1725/oj).
ELI: http://data.europa.eu/eli/reg/2026/2374/oj
ISSN 1977-074X (electronic edition)