1.   

Fil-25 ta’ Settembru 2019, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—	Renault S.A.S (“Renault”, Franza),

—	Mobivia S.A. (“Mobivia”, Franza),

—	Exadis (Franza).

Renault u Mobivia jakkwistaw, fis-sens tal-Artikolu 3(1)(b) tar-Regolament dwar l-Għaqdiet, il-kontroll konġunt ta’ Exadis kollha kemm hi.

Il-konċentrazzjoni hija mwettqa permezz ta’ xiri ta’ ishma.

2.   

L-attivitajiet kummerċjali tal-impriżi kkonċernati huma:

—	Il-grupp Renault għandu bħala attivitajiet prinċipali, id-disinn, il-manifattura u l-kummerċjalizzazzjoni ta’ karozzi permezz tal-intermedjarju tan-network kummerċjali tiegħu kif ukoll il-manifattura u d-distribuzzjoni ta’ partijiet tal-karozzi.

—	Il-grupp Mobivia huwa prinċipalment attiv fis-settur ta’ wara l-bejgħ tal-karozzi, għall-manutenzjoni, it-tiswija u l-bejgħ ta’ partijiet tal-karozzi u ta’ tyres, kif ukoll fis-settur tal-mobilità ġdida.

—	Exadis hija speċjalizzata fid-distribuzzjoni bl-ingrossa ta’ partijiet tal-karozzi għall-karozzi tal-passiġġieri u vetturi kummerċjali ħfief.

3.   

Wara eżami preliminari, il-Kummissjoni Ewropea tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

4.   

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Dawn il-kummenti jeħtieġ li jaslu għand il-Kummissjoni mhux aktar tard minn għaxart ijiem wara id-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:

M.9575 — Renault/Mobivia/Exadis

Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Faks +32 22964301

Indirizz postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË