|
Iris Oifigiúil |
GA Sraith L |
|
2024/2181 |
6.9.2024 |
CINNEADH (CBES) 2024/2181 ÓN gCOISTE POLAITIÚIL AGUS SLÁNDÁLA
an 27 Lúnasa 2024
maidir le Ceannasaí Fórsa Mhisean an Aontais Eorpaigh a cheapadh ar Mhisean Cúnaimh Mhíleata an Aontais Eorpaigh i Mósaimbíc (EUMAM Mozambique), agus lena n-aisghairtear Cinneadh (CBES) 2023/1790 (EUMAM Mozambique/1/2024)
TÁ AN COISTE POLAITIÚIL AGUS SLÁNDÁLA,
Ag féachaint don Chonradh ar an Aontas Eorpach, agus go háirithe Airteagal 38 de,
Ag féachaint do Chinneadh (CBES) 2021/1143 ón gComhairle an 12 Iúil 2021 (1) maidir le Misean an Aontais Eorpaigh le haghaidh Oiliúint Mhíleata i Mósaimbíc (EUTM Mozambique), agus go háirithe Airteagal 5(1) de,
De bharr an mhéid seo a leanas:
|
(1) |
De bhun Airteagal 5(1) de Chinneadh (CBES) 2021/1143, thug an Chomhairle údarú don Choiste Polaitiúil agus Slándála cinntí a dhéanamh maidir le rialú polaitiúil agus treoir straitéiseach EUTM Mozambique, lena n-áirítear na cinntí ábhartha maidir le Ceannasaithe Fórsa Mhisean an Aontais Eorpaigh a cheapadh. |
|
(2) |
Le Cinneadh (CBES) 2023/1790 (2), cheap an Coiste Polaitiúil agus Slándála an Briogáidire-Ghinearál João Carlos de BASTOS JORGE GONÇALVES mar Cheannasaí Fórsa Mhisean an Aontais Eorpaigh ar EUTM Mozambique. |
|
(3) |
An 14 Bealtaine 2024, ghlac an Chomhairle Cinneadh (CBES) 2024/1354 (3), lena leasaítear sainordú EUTM Mozambique agus lena bhforáiltear go n-ainmneofar an Misean mar Mhisean Cúnaimh Mhíleata an Aontais Eorpaigh i Mósaimbíc (EUMAM Mozambique) ón 1 Meán Fómhair 2024. |
|
(4) |
An 1 Lúnasa 2024, mhol údaráis na Portaingéile go dtiocfadh an Briogáidire-Ghinearál Luís Fernando MACHADO BARROSO i gcomharbas ar an mBriogáidire-Ghinearál João Carlos de BASTOS JORGE GONÇALVES mar Cheannasaí Fórsa Mhisean an Aontais Eorpaigh ar EUMAM Mozambique. |
|
(5) |
An 2 Lúnasa 2024, mhol Ceannasaí Mhisean an Aontais Eorpaigh go gceapfaí an Briogáidire-Ghinearál Luís Fernando MACHADO BARROSO mar Cheannasaí Fórsa Mhisean an Aontais Eorpaigh ar EUMAM Mozambique ón 11 Meán Fómhair 2024. |
|
(6) |
An 5 Lúnasa 2024, thacaigh Coiste Míleata an Aontais Eorpaigh leis an moladh sin. |
|
(7) |
Ba cheart cinneadh a dhéanamh an Briogáidire-Ghinearál Luís Fernando MACHADO BARROSO a cheapadh mar Cheannasaí Fórsa Mhisean an Aontais Eorpaigh ón 11 Meán Fómhair 2024 agus ba cheart Cinneadh (CBES) 2023/1790 a aisghairm. |
TAR ÉIS AN CINNEADH SEO A GHLACADH:
Airteagal 1
Leis seo, déantar an Briogáidire-Ghinearál Luís Fernando MACHADO BARROSO a cheapadh mar Cheannasaí Fórsa Mhisean an Aontais Eorpaigh ar Mhisean Cúnaimh Mhíleata an Aontais Eorpaigh i Mósaimbíc (EUMAM Mozambique) ón 11 Meán Fómhair 2024.
Airteagal 2
Leis seo, déantar Cinneadh (CBES) 2023/1790 a aisghairm.
Airteagal 3
Tiocfaidh an Cinneadh seo i bhfeidhm an 11 Meán Fómhair 2024.
Arna dhéanamh sa Bhruiséil, an 27 Lúnasa 2024.
Thar ceann an Choiste Pholaitiúil agus Slándála
An Cathaoirleach
D. PRONK
(1) IO L 247, 13.7.2021, lch. 93.
(2) Cinneadh (CBES) 2023/1790 ón gCoiste Polaitiúil agus Slándála an 14 Meán Fómhair 2023 maidir le Ceannasaí Fórsa Mhisean an Aontais Eorpaigh a cheapadh ar Mhisean an Aontais Eorpaigh le haghaidh Oiliúint Mhíleata i Mósaimbíc (EUTM Mhósaimbíc), agus lena n-aisghairtear Cinneadh (CBES) 2022/1482 (EUTM Mozambique/2/2023) (IO L 230, 19.9.2023, lch. 14, ELI: http://data.europa.eu/eli/dec/2023/1790/oj).
(3) Cinneadh (CBES) 2024/1354 ón gComhairle an 14 Bealtaine 2024 lena leasaítear Cinneadh (CBES) 2021/1143 maidir le misean an Aontais Eorpaigh le haghaidh oiliúint Mhíleata i Mósaimbíc (EUTM Mhósaimbíc) (IO L, 2024/1354, 15.5.2024, ELI: http://data.europa.eu/eli/dec/2024/1354/oj).
ELI: http://data.europa.eu/eli/dec/2024/2181/oj
ISSN 1977-0839 (electronic edition)