ISSN 1831-5380
Léarcsáil an tsuímh | Fógra dlíthiúil | Fianáin | Ceisteanna coitianta | Teagmháil | Priontáil

5.7. Liostaí

Liostaí simplí

Léirítear na ceithre chineál liostaí simplí thíos.

(a)
I gcás liostaí de mhíreanna gearra (gan phríomhbhriathra), ba cheart abairt iomlán tosaigh a bheith rompu agus ba cheart na gnéithe seo a leanas a bheith san áireamh:
(i)
idirstad ag deireadh na habairte tosaigh,
(ii)
gan ceannlitreacha tosaigh,
(iii)
gan phoncaíocht (míreanna an-ghearr), nó camóg tar éis gach míre,
(iv)
lánstad ag an deireadh.
(b)
I gcás inar comhlánú í gach mír ar an abairt tosaigh, ba cheart:
(i)
idirstad a chur ag deireadh na habairte tosaigh;
(ii)
céadlitir gach míre a bheith i gcás íochtair;
(iii)
leathstad a chur ag deireadh gach míre;
(iv)
lánstad a bheith ag deireadh na míre deiridh.

Moltar féachaint chuige nach dtéann an abairt ar aghaidh tar éis an liosta pointí.

(c)
Más rud é gur ráitis iomlána iad na míreanna uile, nach bhfuil gaol gramadúil acu leis an abairt tosaigh, déantar an méid seo a leanas:
(i)
cuirtear idirstad ag deireadh na habairte tosaigh;
(ii)
lipéadaítear gach mír leis an bpointe urchair, leis an uimhir nó leis an litir iomchuí;
(iii)
cuirtear céadlitir gach míre i gcás íochtair;
(iv)
cuirtear leathstad ag deireadh gach míre;
(v)
cuirtear lánstad ag deireadh an liosta.
(d)
Más rud é go bhfuil roinnt abairtí iomlána in aon cheann de na míreanna, bíonn príomhabairt roimh an liosta agus leantar na céimeanna thíos.
(i)
Ná húsáidtear idirstad ag deireadh na habairte tosaigh.
(ii)
Lipéadaítear gach mír leis an bpointe urchair, leis an uimhir nó leis an litir iomchuí.
(iii)
Cuirtear tús le gach mír le litir i gcás uachtair.
(iv)
Cuirtear lánstad ag deireadh gach ráitis. Dá réir sin, is féidir roinnt abairtí a bheith faoi aon mhír amháin gan an phoncaíocht a bheith ina cúis mhearbhaill.

Is é an cineál deiridh sin príomhchineál na scríbhneoireachta riaracháin. Féadfaidh an liosta pointí dul thar roinnt leathanach, rud a fhágann go bhfuil sé fíor-riachtanach gan abairt neamhiomlán ná abairt a chríochnaíonn ar idirstad a bheith mar abairt tosaigh.

NB:
Maidir leis na rialacha a bhaineann leis an Iris Oifigiúil, féach Pointe 3.5.

Liostaí iolracha

I dtaca le liostaí iolracha, leantar na rialacha maidir le roinnt an téacs le huimhreacha, litreacha, daiseanna agus lánstadanna:

Dúbailte Triarach Ceathrúil
Xxxxxxxx:
1.
xxxxxx:
(a)
xxxx,
(b)
xxxx,
(c)
xxxx;
2.
xxxx.
Xxxxxxxx:
1.
xxxxxx:
(a)
xxxx:
xxxx,
xxxx;
(b)
xxxx;
2.
xxxx.
Xxxxxxxx:
1.
xxxxxx:
(a)
xxxx:
xxxx;
xxxx:
xxxx,
xxxx;
(b)
xxxx;
2.
xxxx.
Nuashonraithe: 15.3.2024
barr an leathanaigh
leathanach roimhe seoan chéad leathanach eile