PARTI I — DESKRIZZJONI TAL-KUNSINNA

Kaxxa

Deskrizzjoni

I.1

Konsenjatur

Indika l-isem u l-indirizz, il-pajjiż u l-kodiċi ISO tal-pajjiż (1) tal-persuna fiżika jew ġuridika li qed tibgħat il-kunsinna.

I.2

Referenza tal-IMSOC

Dan huwa l-kodiċi alfanumeriku uniku assenjat mill-IMSOC. Ripetut fil-kaxxi II.a u III.2

I.2a

Referenza lokali

Indika l-kodiċi alfanumeriku uniku li l-awtorità kompetenti tista’ tassenja. Ripetut fil-kaxxi II.b u III.2a

I.3

Awtorità ċentrali kompetenti

Indika isem l-Awtorità ċentrali kompetenti fil-pajjiż li qed joħroġ iċ-ċertifikat.

I.4

Awtorità kompetenti lokali

Indika l-isem l-awtorità kompetenti lokali fil-pajjiż li qed joħroġ iċ-ċertifikat.

I.5

Konsenjatarju

Indika l-isem u l-indirizz, il-pajjiż u l-kodiċi ISO tal-pajjiż tal-persuna fiżika jew ġuridika li għaliha hija maħsuba l-kunsinna fil-pajjiż tad-destinazzjoni.

I.6

Operatur li jwettaq operazzjonijiet ta’ assemblaġġ indipendentement minn stabbiliment

Din tikkonċerna operaturi li jwettqu operazzjonijiet ta’ assemblaġġ għall-ungulati u għat-tjur tat-trobbija miżmuma, indipendentement minn stabbiliment, kif imsemmi fl-Artikolu 90 tar-Regolament (UE) 2016/429 tal-Parlament Ewropew u tal-Kunsill (2).

Indika n-numru tar-reġistrazzjoni u isem l-operatur irreġistrat.

I.7

Pajjiż ta’ oriġini

Indika l-isem u l-kodiċi tal-pajjiż ISO tal-pajjiż minn fejn joriġinaw l-annimali jew il-prodotti (prodotti ġerminali, prodotti ta’ oriġini mill-annimali u prodotti sekondarji mill-annimali).

I.8

Reġjun ta’ oriġini

Fejn rilevanti, għall-moviment ta’ annimali jew ta’ prodotti li jkunu affettwati minn miżuri ta’ reġjonalizzazzjoni f’konformità mal-leġiżlazzjoni tal-Unjoni, indika l-kodiċi tar-reġjuni jew taż-żoni approvati kif indikat f’Il-Ġurnal Uffiċjali tal-Unjoni Ewropea, jew isem il-kompartimenti għall-mard tal-annimali akkwatiċi kif elenkati fuq http://ec.europa.eu/food/animal/liveanimals/aquaculture/index_en.htm

I.9

Pajjiż tad-destinazzjoni

Indika l-isem u l-kodiċi ISO tal-pajjiż tal-pajjiż li għalih huma ddestinati l-annimali jew il-prodotti.

I.10

Reġjun tad-destinazzjoni

Ara l-kaxxa I.8

I.11

Post tad-dispaċċ

Indika l-isem u l-indirizz, il-pajjiż u l-kodiċi ISO tal-pajjiż tal-istabbiliment(i), jew fejn rilevanti post(ijiet) ieħor/oħra, minn fejn ikunu ġejjin l-annimali jew il-prodotti. Meta japplika, indika wkoll in-numru tar-reġistrazzjoni jew tal-approvazzjoni tal-istabbiliment(i).

Għall-annimali: indika l-istabbiliment fejn jinżammu b’mod regolari jew fejn jiġu assemblati l-annimali.

Għal semen, għal ovoċiti jew għal embrijuni maħsuba għar-riproduzzjoni artifiċjali: indika kif xieraq iċ-ċentru għall-ġbir tas-semen, it-tim għall-ġbir jew għall-produzzjoni tal-embrijuni, l-istabbiliment għall-ipproċessar tal-prodott ġerminali, iċ-ċentru għall-ħżin tal-prodott ġerminali jew l-istabbiliment konfinat. Fil-każ ta’ semen ta’ annimali ovini u kaprini, il-post tad-dispaċċ jista’ jkun l-istabbiliment li jżomm annimali donaturi.

Għal prodotti oħra: kwalunkwe unità ta’ kumpanija fis-settur tal-ikel jew tal-prodotti sekondarji mill-annimali. Irid jissemma biss l-istabbiliment li jibgħat il-prodotti.

I.12

Post tad-destinazzjoni

Indika l-isem u l-indirizz, il-pajjiż u l-kodiċi ISO tal-pajjiż tal-istabbiliment, jew fejn rilevanti post ieħor, fejn ikunu se jitwasslu l-annimali jew il-prodotti għall-ħatt finali. Meta japplika, indika wkoll in-numru tar-reġistrazzjoni jew tal-approvazzjoni tal-istabbiliment ta’ destinazzjoni.

I.13

Post tat-tagħbija

Għall-annimali biss: indika l-isem u l-indirizz tal-post fejn l-annimali jitgħabbew fil-mezz tat-trasport, u fil-każ li jiġu assemblati minn qabel, l-isem u l-indirizz tal-istabbiliment approvat għall-operazzjonijiet ta’ assemblaġġ u n-numru tal-approvazzjoni tiegħu.

Għall-prodotti: indika l-isem, l-indirizz u l-kategorija (pereżempju, stabbiliment, port jew ajruport) tal-post finali fejn il-prodotti jkunu se jitgħabbew fil-mezz tat-trasport.

I.14

Data u ħin tat-tluq

Indika d-data u, meta meħtieġ, il-ħin, meta l-annimali jew il-prodotti jkunu skedati li jitilqu mill-post tat-tagħbija.

I.15

Mezzi tat-trasport

Agħżel wieħed jew aktar mill-mezzi tat-trasport li ġejjin għall-annimali jew għall-prodotti li jkunu se jitilqu mill-pajjiż tad-dispaċċ, u indika l-identifikazzjoni(jiet) tagħhom:

Fil-każ ta’ mezz ta’ trasport tul korp tal-ilma, agħżel “bastiment” u identifika l-vettura/i tat-triq permezz tan-numru tar-reġistrazzjoni (flimkien man-numru tat-trejler, jekk applikabbli), minbarra l-isem u n-numru tal-mezz ta’ trasport tul korp tal-ilma skedat.

I.16

Trasportatur

Din il-kaxxa tapplika biss għal annimali u għal prodotti fejn dan ikun meħtieġ mil-leġiżlazzjoni tal-Unjoni.

Indika l-isem, l-indirizz, il-pajjiż u l-kodiċi ISO tal-pajjiż tal-persuna/i fiżika/fiżiċi jew ġuridika/ġuridiċi responsabbli mit-trasport.

Indika n-numru tar-reġistrazzjoni jew tal-awtorizzazzjoni, fejn applikabbli.

I.17

Dokumenti ta’ akkumpanjament

Indika t-tip ta’ dokument: pereżempju permess CITES f’konformità mal-Artikolu 9 tar-Regolament tal-Kunsill (KE) Nru 338/97 (4), permess għal speċijiet aljeni invażivi (IAS) f’konformità mal-Artikolu 8(1) u (2) tar-Regolament (UE) Nru 1143/2014 tal-Parlament Ewropew u tal-Kunsill (5), dikjarazzjonijiet jew dokumenti oħra inklużi ta’ natura kummerċjali.

Indika l-kodiċi uniku tad-dokumenti ta’ akkumpanjament u tal-pajjiż ta’ ħruġ.

Referenzi tad-dokumenti kummerċjali: pereżempju indika n-numru tal-polza tal-ajru, in-numru tal-polza ta’ kargu jew in-numru kummerċjali tal-ferrovija jew tal-vettura tat-triq.

Għall-prodotti (prodotti ta’ oriġini mill-annimali u prodotti sekondarji mill-annimali): indika r-referenza tad-dokument kummerċjali fejn din tkun meħtieġa mil-leġiżlazzjoni tal-Unjoni.

Għas-semen, l-ovoċiti jew l-embrijuni intiżi għar-riproduzzjoni artifiċjali mibgħuta minn stabbilimenti għall-ipproċessar ta’ prodotti ġerminali u ċentri għall-ħżin ta’ prodotti ġerminali: indika r-referenza tad-dokument(i) jew ċertifikat(i) uffiċjali inizjali li jakkumpanjaw is-semen, l-ovoċiti u/jew l-embrijuni ta’ din il-kunsinna lil dawk l-istabbilimenti ta’ proċessar tal-prodotti ġerminali u ċ-ċentri ta’ ħżin tal-prodotti ġerminali minn:

Għall-klieb, għall-qtates u għall-inmsa, u fejn applikabbli għall-ekwidi: indika n-numru tal-passaport.

Għall-annimali ta’ speċijiet protetti: indika n-numru tal-permess CITES.

Għall-ungulati mibgħuta minn stabbiliment approvat għall-operazzjonijiet ta’ assemblaġġ: indika n-numru/i tas-serje tad-dokument(i) u/jew taċ-ċertifikat(i) uffiċjali li abbażi tiegħu/tagħhom jinħareġ iċ-ċertifikat għal din il-kunsinna.

I.18

Kundizzjonijiet tat-trasport

Indika l-kategorija tat-temperatura meħtieġa matul it-trasport ta’ prodotti (ambjentali, imkessħa, iffriżata).

Din il-kaxxa ma tapplikax għall-annimali.

I.19

Numru tal-kontenitur/Numru tas-siġill

Fejn japplika, indika n-numru tal-kontenitur u n-numru tas-siġill (tista’ tindika iktar minn numru wieħed).

In-numru tal-kontenitur irid ikun ipprovdut jekk l-oġġetti jkunu ttrasportati f’kontenituri magħluqa.

In-numru uffiċjali tas-siġill biss irid jiġi ddikjarat. Numru tas-siġill uffiċjali japplika jekk siġill jitwaħħal fuq il-kontenitur, fuq it-trakk jew fuq il-vagun tal-ferrovija taħt is-superviżjoni tal-awtorità kompetenti li toħroġ iċ-ċertifikat.

I.20

Ċertifikat bħala jew għal

Agħżel l-iskop tal-moviment tal-annimali, l-użu maħsub tal-merkanzija jew il-kategorija kif speċifikata fil-leġiżlazzjoni rilevanti tal-Unjoni:

Fertilizzanti organiċi u tejjieba tal-ħamrija: tikkonċerna ċerti prodotti sekondarji jew prodotti derivati kif imsemmija fir-Regolament (KE) Nru 1069/2009 tal-Parlament Ewropew u tal-Kunsill (6).

Użu tekniku: prodotti sekondarji mill-annimali jew prodotti derivati li mhumiex tajbin għall-konsum mill-bniedem jew mill-annimali, kif imsemmi fl-Artikolu 36 tar-Regolament (KE) Nru 1069/2009.

Wirja: tikkonċerna annimali maħsuba għal wirja u għal avvenimenti sportivi, kulturali jew simili f’konformità mal-leġiżlazzjoni tal-Unjoni.

Prodotti għall-konsum mill-bniedem: tikkonċerna biss prodotti ta’ oriġini mill-annimali maħsuba għall-konsum mill-bniedem li għalihom il-leġiżlazzjoni tal-Unjoni teħtieġ ċertifikat.

Ipproċessar ulterjuri: tikkonċerna prodotti li jridu jiġu pproċessati aktar qabel ma jitqiegħdu fis-suq kif ukoll annimali akkwatiċi ħajjin u prodotti ta’ oriġini mill-annimali minn annimali akkwatiċi għajr annimali akkwatiċi ħajjin, li huma ddestinati għal stabbiliment tal-ikel akkwatiku għall-kontroll tal-mard kif iddefinit fl-Artikolu 4(52) tar-Regolament (UE) 2016/429.

Annimali akkwatiċi ħajjin għall-konsum mill-bniedem: annimali akkwatiċi maħsuba għall-konsum dirett mill-bniedem, jiġifieri annimali akkwatiċi li jitwasslu lill-konsumatur finali ħajjin jew ikkonsmati ħajjin.

Stabbiliment konfinat: kif definit fl-Artikolu 4(48) tar-Regolament (UE) 2016/429.

Stabbiliment ta’ kwarantina jew simili: kif previst fl-Artikolu 14 tar-Regolament Delegat tal-Kummissjoni (UE) 2019/2035 (7) fir-rigward tal-annimali terrestri u fl-Artikolu 15 jew fl-Artikolu 16 tar-Regolament Delegat tal-Kummissjoni (UE) 2020/691 (8) fir-rigward tal-annimali tal-akkwakultura.

Ċirklu li jivvjaġġa /eżibizzjoni tal-annimali: kif iddefinit fl-Artikolu 2(34) u (35), rispettivament, tar-Regolament Delegat (UE) 2019/2035.

Ħelsien fl-ambjent naturali: tikkonċerna biss annimali ħajjin, li għandhom jinħelsu fl-ambjent naturali fil-post tad-destinazzjoni.

Annimali ekwini reġistrati: skont id-definizzjoni fl-Artikolu 2(30) tar-Regolament Delegat (UE) 2019/2035.

Żamma aktar fit-tul: annimali maħsuba għal stabbilimenti li jżommu annimali ħajjin inkluż dawk maħsuba għar-riċerka jew għal dawk li jżommu l-annimali domestiċi, ħlief jekk ikunu japplikaw għalihom skop jew kategorija aktar speċifiċi minn I.20 (eż. stabbilimenti ta’ kwarantina, konfinati eċċ.). Tinkludi wkoll annimali, li huma maħsuba sabiex jerġgħu jibnu l-istokk ta’ provvisti tal-kaċċa salvaġġa jew sabiex jinħelsu fl-ambjent naturali, jekk dawk ikunu maħsuba biex jgħaddu minn stabbiliment qabel ma jinħelsu.

Ċentru ta’ purifikazzjoni: kif iddefinit fl-Artikolu 2(2) tar-Regolament Delegat (UE) 2020/691.

Ċentru ta’ dispaċċ: skont id-definizzjoni fl-Artikolu 2(3) tar-Regolament Delegat (UE) 2020/691.

Żona fejn jinżammu l-molluski: skont id-definizzjoni fl-Artikolu 2(4) tar-Regolament Delegat (UE) 2020/691.

Stabbiliment tal-akkwakultura ornamentali: kif previst fl-Artikolu 17 jew fl-Artikolu 18 tar-Regolament Delegat (UE) 2020/691.

Tbiċċir: għal annimali maħsubin għal biċċerija, jew direttament jew permezz ta’ stabbiliment approvat għall-operazzjonijiet ta’ assemblaġġ.

Prodotti ġerminali: skont id-definizzjoni fl-Artikolu 4(28) tar-Regolament (UE) 2016/429.

Avveniment jew attività qrib il-fruntieri: tikkonċerna l-movimenti ta’ annimali terrestri miżmuma bejn l-Istati Membri f’konformità mal-Artikolu 139 tar-Regolament (UE) 2016/429 fejn tali movimenti jkunu għal:

Oħra: maħsuba għal skopijiet mhux elenkati band’oħra f’din il-klassifikazzjoni, inklużi annimali akkwatiċi maħsuba għal lixka tas-sajd.

I.21

Għal tranżitu permezz ta’ pajjiż terz

Indika l-isem u l-kodiċi ISO tal-pajjiż terz ta’ tranżitu fil-każ tat-trasport bit-triq.

Agħżel il-post ta’ kontroll fuq il-fruntiera ta’ ħruġ jew indika l-isem tal-awtorità lokali tal-post li fih jinsab il-punt ta’ ħruġ.

Agħżel il-post ta’ kontroll fuq il-fruntiera ta’ dħul fl-Unjoni.

I.22

Għat-tranżitu minn Stati Membri

Indika l-isem u l-kodiċi ISO tal-pajjiż tal-Istat(i) Membru/i ta’ tranżitu fil-każ tat-trasport bit-triq.

I.23

Għall-esportazzjoni

Indika l-isem u l-kodiċi ISO tal-pajjiż terz tad-destinazzjoni u agħżel il-post ta’ kontroll fuq il-fruntiera ta’ ħruġ jew indika l-isem tal-awtorità lokali tal-post li fih jinsab il-punt ta’ ħruġ.

I.24

Ħin mistenni tal-ivvjaġġar

Din il-kaxxa tapplika biss għal annimali li jaqgħu taħt il-kamp ta’ applikazzjoni tar-Regolament (KE) Nru 1/2005 u tirreferi għad-durata mistennija tal-vjaġġ intenzjonat iddikjarat mit-trasportatur fid-dokumentazzjoni tat-trasport f’konformità mal-Artikolu 4(1)(e) tiegħu.

L-informazzjoni mdaħħla f’din il-kaxxa għandha tikkorrispondi għad-durata totali mistennija ddikjarata fit-Taqsima 1 tal-ippjanar tar-reġistru tal-vjaġġ stabbilit fl-Anness II għal dak ir-Regolament, fil-każ ta’ ekwidi domestiċi għajr ekwidi rreġistrati u annimali domestiċi ta’ speċijiet bovini, ovini, kaprini u porċini soġġetti għal vjaġġi twal bejn l-Istati Membri u ma’ pajjiżi terzi (kif iddefiniti fil-punt (m) tal-Artikolu 2 ta’ dak ir-Regolament).

I.25

Reġistru tal-vjaġġ

Din il-kaxxa tapplika biss għal ekwidi domestiċi għajr ekwidi reġistrati u annimali domestiċi ta’ speċijiet bovini, ovini, kaprini u porċini soġġetti għal vjaġġi twal bejn l-Istati Membri u ma’ pajjiżi terzi, kif iddefiniti fil-punt (m) tal-Artikolu 2 tar-Regolament (KE) Nru 1/2005.

Billi timmarka “iva”, l-IMSOC awtomatikament tiġġenera r-reġistru tal-vjaġġ li għandu jimtela u jiġi ppreżentat mill-organizzatur tal-vjaġġ f’konformità mal-Anness II għal dak ir-Regolament.

I.26

Numru totali ta’ pakketti

Indika n-numru totali u t-tip ta’ pakketti fil-kunsinna, fejn xieraq.

Għall-annimali: in-numru ta’ kaxxi, ta’ gaġeġ, ta’ kontenituri, ta’ tankijiet, ta’ kaxxi tan-naħal jew ta’ stalel li fihom qed jiġu ttrasportati l-annimali.

Għas-semen, għall-ovoċiti u għall-embrijuni intenzjonati għar-riproduzzjoni artifiċjali: in-numru ta’ kontenituri.

Għall-prodotti: in-numru ta’ pakketti.

Fil-każ ta’ kunsinni bl-ingrossa, din il-kaxxa mhijiex obbligatorja.

I.27

Kwantità totali

Għall-annimali terrestri jew għall-prodotti ġerminali: indika kif xieraq in-numru totali ta’ rjus, ta’ bajd għat-tfaqqis jew ta’ tubi straw espressi bħala unitajiet.

Għall-annimali akkwatiċi: indika kif xieraq, in-numru totali ta’ annimali, ta’ bajd jew ta’ larvi espress bħala unitajiet.

I.28

Piż totali nett/piż gross (f’kg)

Il-piż nett totali huwa l-massa tal-annimali jew tal-oġġetti nfushom, mingħajr il-kontenituri immedjati jew kwalunkwe imballaġġ. Jiġi kkalkolat awtomatikament mill-IMSOC fuq il-bażi tal-informazzjoni mdaħħla fil-kaxxa I.30.

Il-piż nett iddikjarat tal-ikel miksi għandu jkun mingħajr il-kisi.

Indika l-piż gross totali, jiġifieri l-massa aggregata tal-annimali jew tal-oġġetti, flimkien mal-kontenituri immedjati u l-imballaġġ kollu tagħhom, iżda mingħajr il-kontenituri tat-trasport u tagħmir ieħor tat-trasport.

I.29

Spazju totali previst għall-kunsinna (f’m2)

Din il-kaxxa tapplika biss għall-annimali li jaqgħu fil-kamp ta’ applikazzjoni tar-Regolament (KE) Nru 1/2005.

L-allokazzjonijiet tal-ispazju matul it-trasport għandhom tal-anqas jikkonformaw maċ-ċifri stipulati, fir-rigward tal-annimali u tal-mezzi tat-trasport imsemmija, fil-Kapitolu VII tal-Anness I għar-Regolament (KE) Nru 1/2005.

L-informazzjoni mdaħħla f’din il-kaxxa għandha tikkorrispondi għall-ispazju totali previst għall-kunsinna ddikjarat fit-Taqsima 1 tal-ippjanar tar-reġistru tal-vjaġġ stabbilit fl-Anness II għar-Regolament (KE) Nru 1/2005, fil-każ ta’ ekwidi domestiċi għajr ekwidi reġistrati u annimali domestiċi ta’ speċijiet bovini, ovini, kaprini u porċini soġġetti għal vjaġġi twal bejn l-Istati Membri u ma’ pajjiżi terzi (kif iddefiniti fil-punt (m) tal-Artikolu 2 ta’ dak ir-Regolament).

I.30

Deskrizzjoni tal-kunsinna

Iddikjara kwalunkwe rekwiżit speċifiku relatat mal-annimali jew man-natura/mal-ipproċessar tal-prodotti kif iddefinit fil-leġiżlazzjoni rilevanti tal-Unjoni.

Għall-annimali: indika l-ispeċi, il-kategorija, il-metodu ta’ identifikazzjoni, in-numru ta’ identifikazzjoni, l-età, is-sess, il-kwantità jew il-piż nett, u t-test. Għan-naħal tal-għasel u għan-naħal bagħli, indika waħda minn dawn li ġejjin: irġejjen b’massimu ta’ 20 attendent, kolonji bid-duqqajs jew oħrajn. Għall-annimali akkwatiċi, indika n-numru, il-volum jew il-piż nett, kif xieraq għall-istadju tal-ħajja tagħhom.

Għas-semen, għall-ovoċiti u għall-embrijuni intenzjonati għar-riproduzzjoni artifiċjali: indika

Għall-prodotti: indika l-ispeċi, it-tipi ta’ prodotti, it-tip ta’ trattament, in-numru tal-approvazzjoni jew tar-reġistrazzjoni tal-istabbilimenti flimkien mal-kodiċi ISO tal-pajjiż (biċċerija, impjant tal-ipproċessar, maħżen imkessaħ, ċentru tal-ġbir), in-numru ta’ pakketti, it-tip ta’ imballaġġ, in-numru tal-lott, il-piż nett.

Speċi: indika l-isem xjentifiku jew kif iddefinit f’konformità mal-leġiżlazzjoni tal-Unjoni.

Tip ta’ imballaġġ: identifika t-tip ta’ imballaġġ skont id-definizzjoni mogħtija fir-Rakkomandazzjoni Nru 21 (9) tan-NU/CEFACT (Ċentru tan-Nazzjonijiet Uniti għall-Iffaċilitar tal-Kummerċ u għan-Negozju Elettroniku).

PARTI II – Ċertifikazzjoni

Kaxxa

Deskrizzjoni

L-Unjoni Ewropea

Din il-kaxxa tirreferi għall-pajjiżi emittenti.

Mudell taċ-ċertifikat

Din il-kaxxa tirreferi għat-titlu speċifiku ta’ kull mudell taċ-ċertifikat.

II.

Informazzjoni dwar is-saħħa

Din il-kaxxa tirreferi għar-rekwiżiti speċifiċi tal-Unjoni dwar is-saħħa li jkunu applikabbli għall-ispeċi tal-annimali jew għan-natura tal-prodotti ttrasportati bejn l-Istati Membri jew fi ħdan l-Unjoni.

II.a

Referenza tal-IMSOC

Dan huwa l-kodiċi alfanumeriku uniku indikat fil-kaxxa I.2.

II.b

Referenza lokali

Dan huwa l-kodiċi alfanumeriku uniku indikat fil-kaxxa I.2a.

Uffiċjal taċ-ċertifikazzjoni

Din il-kaxxa tirreferi għall-firma tal-uffiċjal taċ-ċertifikazzjoni kif iddefinit fil-punt (26) tal-Artikolu 3 tar-Regolament (UE) 2017/625 tal-Parlament Ewropew u tal-Kunsill (10).

Indika l-isem bl-ittri kapitali, il-kwalifika u t-titlu, fejn applikabbli, tal-firmatarju, u l-isem u l-kodiċi tal-unità ta’ kontroll, it-timbru oriġinali tal-awtorità kompetenti li l-firmatarju huwa assoċjat magħha u d-data tal-firma.

PARTI III – Kontrolli

Kaxxa

Deskrizzjoni

III.1

Data tal-kontrolli uffiċjali

Indika d-data meta l-veterinarju uffiċjali kif iddefinit fil-punt (32) tal-Artikolu 3 tar-Regolament (UE) 2017/625 ikun wettaq il-kontrolli uffiċjali fuq il-kunsinna.

III.2

Referenza tal-IMSOC

Dan huwa l-kodiċi alfanumeriku uniku indikat fil-kaxxa I.2.

III.2a

Referenza lokali

Dan huwa l-kodiċi alfanumeriku uniku indikat fil-kaxxa I.2.a.

III.3

Verifika ta’ dokumenti

Dan huwa l-eżami taċ-ċertifikati, tal-attestazzjonijiet uffiċjali u ta’ dokumenti oħra li jinkludu dokumenti ta’ natura kummerċjali, li huma meħtieġa li jakkumpanjaw il-kunsinna, sabiex tiġi vverifikata l-konformità mal-leġiżlazzjoni tal-Unjoni, inklużi l-garanziji addizzjonali dwar is-saħħa tal-annimali għall-mard tal-Kategorija Ċ kif iddefiniti fil-punt (3) tal-Artikolu 1 tar-Regolament ta’ Implimentazzjoni tal-Kummissjoni (UE) 2018/1882 (11). Dan jinkludi wkoll il-verifika tal-konformità mal-miżuri nazzjonali kif rilevanti f’konformità mal-Artikolu 226 tar-Regolament (UE) 2016/429.

In-nuqqas ta’ konformità mal-miżuri nazzjonali jfisser li l-kunsinna mhijiex sodisfaċenti.

Immarka “iva” jew “le” skont kif ikun xieraq.

III.4

Kontroll tal-identità

Din hija spezzjoni viżwali sabiex jiġi vverifikat li l-kontenut u t-tikkettar tal-kunsinna, inklużi l-marki fuq l-annimali, is-siġilli u l-mezzi tat-trasport, jikkorrispondu għall-informazzjoni pprovduta fiċ-ċertifikat u f’dokumenti oħra li jakkumpanjawh.

Immarka “iva” jew “le” skont kif ikun xieraq.

III.5

Kontroll fiżiku

Din tirreferi għal kontroll fuq l-annimali jew fuq il-prodotti, u, kif xieraq, kontroll fuq l-imballaġġ, fuq il-mezz tat-trasport, fuq it-tikkettar u fuq it-temperatura, it-teħid ta’ kampjuni għall-analiżi, għall-ittestjar jew għad-dijanjożi, u kwalunkwe kontroll ieħor meħtieġ għall-verifika tal-konformità mar-regoli applikabbli.

Immarka “iva” jew “le” skont kif ikun xieraq.

Iddikjara n-numru tal-annimali vverifikati.

III.6

Test tal-laboratorju

Immarka “iva” jekk ikun sar test.

Ittestjati għal: agħżel il-kategorija tas-sustanza jew tal-patoġenu li għalih ikun sar test tal-laboratorju.

Riżultati tat-test:

III.7

Kontroll tat-trattament xieraq tal-annimali

Din il-kaxxa tapplika biss għall-annimali li jaqgħu fil-kamp ta’ applikazzjoni tar-Regolament (KE) Nru 1/2005.

Immarka “le” meta l-annimali ma jkunx sarilhom kontroll tat-trattament xieraq tal-annimali.

Immarka “sodisfaċenti” jew “mhux sodisfaċenti” meta jkunu disponibbli r-riżultati tal-kontrolli fuq l-annimali u fuq il-kundizzjonijiet tat-trasport mal-wasla.

III.8

Nuqqas ta’ konformità mal-leġiżlazzjoni dwar it-trattament xieraq tal-annimali

Immarka l-kaxxa/i xierqa skont in-natura tan-nuqqas(ijiet) ta’ konformità stabbilit(i) fir-rigward tal-protezzjoni tal-annimali matul it-trasport skont id-dispożizzjonijiet rilevanti tar-Regolament (KE) Nru 1/2005:

III.9

Nuqqas ta’ konformità mal-leġiżlazzjoni dwar is-saħħa

Immarka l-kaxxa/i xierqa skont in-natura tan-nuqqas(ijiet) ta’ konformità stabbilit(i):

III.10

Impatt tat-trasport fuq l-annimali

Din il-kaxxa tapplika biss għall-annimali.

Numru ta’ annimali mejtin: indika kemm mietu annimali.

Numru ta’ annimali mhux f’sikkithom: indika kemm annimali ma kinux f’sikkithom biżżejjed sabiex jivvjaġġaw.

Numru ta’ kemm twieldu jew ta’ aborti: indika kemm-il mara welldet jew korriet matul it-trasport.

Fil-każ ta’ annimali mwassla f’numri kbar (flieles ta’ ġurnata, ħut, molluski, eċċ.), agħti stima tan-numru ta’ annimali mejtin jew mhux f’sikkithom kif rilevanti.

III.11

Azzjoni korrettiva

Indika kwalunkwe deċiżjoni meħuda sabiex jiġi rrimedjat nuqqas ta’ konformità stabbilit wieħed jew aktar minn fost dawk indikati fil-kaxxi III. 8 u III. 9, f’konformità mal-Artikolu 138(2) tar-Regolament (UE) 2017/625:

III.12

Segwitu għall-kwarantina jew għall-iżolament

Għall-annimali terrestri: agħżel “qtil umanitarju/ewtanażja” jew “ħelsien” tal-annimali skont ir-riżultati tal-eżamijiet matul il-kwarantina.

Għall-annimali tal-akkwakultura: agħżel “qtil umanitarju/ewtanażja” jew “ħelsien” tal-annimali skont ir-riżultati tal-eżamijiet matul l-iżolament fi stabbiliment approvat f’konformità mal-Artikolu 16 tar-Regolament Delegat (UE) 2020/691.

III.13

Post tal-kontrolli uffiċjali

Agħżel post ta’ spezzjoni:

III.14

Veterinarju uffiċjali

Din il-kaxxa tirreferi għall-firma tal-veterinarju uffiċjali kif iddefinit fil-punt (32) tal-Artikolu 3 tar-Regolament (UE) 2017/625.

Indika l-isem bl-ittri kapitali, il-kwalifika u t-titlu, fejn applikabbli, l-isem u l-kodiċi tal-unità ta’ kontroll u d-data tal-firma.