(1)

Ir-reġjun bijoġeografiku tal-Baħar l-Iswed imsemmi fl-Artikolu 1(c)(iii) tad-Direttiva 92/43/KEE huwa magħmul minn partijiet mit-territorju tal-Unjoni tal-Bulgarija u tar-Rumanija, kif speċifikat fil-mappa bijoġeografika approvata fl-20 ta’ April 2005 mill-kumitat stabbilit bl-Artikolu 20 ta’ dik id-Direttiva, (il-“Kumitat dwar il-Ħabitats”).

(2)

Il-lista inizjali tas-siti ta’ importanza Komunitarja għar-reġjun bijoġeografiku tal-Baħar l-Iswed, skont it-tifsira tad-Direttiva 92/43/KEE, ġiet adottata bid-Deċiżjoni tal-Kummissjoni 2009/92/KE (2). Dik il-lista ġiet aġġornata l-aħħar bid-Deċiżjoni ta’ Implimentazzjoni tal-Kummissjoni (UE) 2021/164 (3).

(3)

Is-siti inklużi fil-lista tas-siti ta’ importanza Komunitarja għar-reġjun bijoġeografiku tal-Baħar l-Iswed jiffurmaw parti min-network Natura 2000, li huwa element essenzjali tal-ħarsien tal-bijodiversità fl-Unjoni. Sabiex in-network Natura 2000 ikompli jiġi stabbilit dejjem aktar u fil-kuntest tal-adattament dinamiku ta’ dak in-network, il-listi ta’ siti ta’ importanza Komunitarja jiġu rieżaminati regolarment.

(4)

Bejn is-17 ta’ Settembru 2021 u t-30 ta’ Jannar 2022, l-Istati Membri pproponew siti addizzjonali ta’ importanza Komunitarja għar-reġjun bijoġeografiku tal-Baħar l-Iswed fit-tifsira tal-Artikolu 1 tad-Direttiva 92/43/KEE. L-Istati Membri ressqu wkoll bidliet fl-informazzjoni li għandha x’taqsam mas-siti li jkunu jinsabu fil-lista tas-siti ta’ importanza Komunitarja għar-reġjun bijoġeografiku tal-Baħar l-Iswed.

(5)

Abbażi tal-abbozz tal-lista mfassla mill-Kummissjoni bi qbil ma’ kull wieħed mill-Istati Membri kkonċernati, li tidentifika wkoll is-siti li għandhom tipi ta’ ħabitats naturali ta’ prijorità jew speċijiet ta’ prijorità, jenħtieġ li tiġi adottata lista aġġornata tas-siti magħżula bħala siti ta’ importanza Komunitarja għar-reġjun bijoġeografiku tal-Baħar l-Iswed. L-Artikoli 4(4) u 6 tad-Direttiva 92/43/KEE japplikaw għas-siti li ġew inklużi reċentement.

(6)

L-għarfien dwar l-eżistenza u t-tqassim tat-tipi ta’ ħabitats naturali u ta’ speċijiet qiegħed jevolvi b’mod kostanti minħabba s-sorveljanza mwettqa f’konformità mal-Artikolu 11 tad-Direttiva 92/43/KEE. Għalhekk, l-evalwazzjoni u l-għażla tas-siti fil-livell tal-Unjoni saru bl-użu tal-aqwa informazzjoni disponibbli f’dak iż-żmien.

(7)

Fir-rigward tar-reġjun bijoġeografiku tal-Baħar l-Iswed, mhux l-Istati Membri kollha pproponew biżżejjed siti biex jiġu ssodisfati r-rekwiżiti tad-Direttiva 92/43/KEE għal ċerti tipi ta’ ħabitats u speċijiet. Barra minn hekk, l-għarfien dwar l-eżistenza u t-tqassim ta’ wħud mit-tipi ta’ ħabitats naturali elenkati fl-Anness I u ta’ wħud mill-ispeċijiet elenkati fl-Anness II tad-Direttiva 92/43/KEE għadu mhux komplut. Għaldaqstant, għal dawk it-tipi ta’ ħabitats u speċijiet ma jistax jiġi konkluż li n-network Natura 2000 huwa komplut.

(8)

Fl-interess taċ-ċarezza u tat-trasparenza, jenħtieġ li d-Deċiżjoni ta’ Implimentazzjoni (UE) 2021/164 titħassar.

(9)

Il-miżuri previsti f’din id-Deċiżjoni huma skont l-opinjoni tal-Kumitat dwar il-Ħabitats,