Taighde agus nuáil na hEorpa
Céard is CORDIS ann?
Is Seirbhís Faisnéise um Thaighde & Forbairt an Chomhphobail Eorpaigh é CORDIS.
Is tairseach faisnéise idirghníomhach é atá ar fáil ag http://cordis.europa.eu/ chun tacaíocht a thabhairt do chomhoibriú i dtaighde agus i nuáil Eorpach.
Is iad seo aidhmeanna CORDIS:
- rannpháirtíocht i ngníomhaíochtaí taighde Eorpacha a éascú
- torthaí ar thionscadail a mhaoinigh an AE a fhoilsiú
- scaipeadh eolais a chur chun cinn ionas go neartófar cumas nuála na bhfiontar
- cuidiú leis an mbearna idir saoránaigh agus an eolaíocht a líonadh.
Faoi láthair, tá CORDIS ar fáil i 6 theanga agus ó 1994 i leith is ardfhoinse comhairle agus ardfhoinse tagartha ar an idirlíon é.
Agus é ina chomh-thaisclann ar thionscadail is ar thorthaí a mhaoinigh an AE le 20 bliain anuas, foilsíonn CORDIS na táirgí insoláthartha foirmiúla a bhailigh an Coimisún Eorpach agus cruthaíonn sé bealaí dá gcuireann an pobal taighde ar fáil is breisluach aige.
I measc na ngníomhaíochtaí tacaíochta tá athscríobh agus aistriú ar thorthaí nua do lucht léitheoireachta níos leithne, seirbhísí nuachta is imeachtaí, rangú agus athúsáid ábhair, foilseacháin chlóbhuailte, chomh maith le foilsiú ar an ngréasán, uirlisí comhoibritheacha agus uirlisí líonraithe.
Bíonn CORDIS ag obair go dlúth leis na seirbhísí atá bainteach le cur i bhfeidhm na glár taighde a mhaoinigh an AE, agus is faoi théama Comhordaithe an Seachtú Creatchlár (FP7) a mhaoinítear é.
Oifig Foilseachán an Aontais Eorpaigh a bhainistíonn CORDIS.
Eochair-sheirbhísí
Cuirtear príomh-thascanna CORDIS i gcrích trí na seribhísi seo a leanas:
- Brabhsáil agus aimsiú: na tionscadail taighde, na torthaí agus tuarascálacha, na sárthaispeántais ilteangacha agus na Pointí Teagmhála Náisiúnta ar fad atá maoinithe ag an AE.
- An Nuacht agus imeachtaí: ar fáil go laethúil agus i 6 theanga ón gCoimisiún Eorpach nó atá ar fáil ó chomhphobail taighde na hEorpa trí CORDIS Wire.
- Comhar-sheirbhís: ardán faisnéise idirghníomhach chun d’eagraíocht agus do shaineolas a chur chun cinn, teacht ar chomhpháirtithe gnó nó ar chomhpháirtithe taighde, grúpaí a chruthú agus dul isteach ar líonraí, agus áiseanna cuardaigh agus áiseanna scagtha in úsáid chun na comhoibrithe is fearr a thacaíonn le do riachtanais a aimsiú.
- An Iris Research*eu Results: le bheith ar an eolas maidir leis na torthaí inúsáidte is déanaí, le heagráin rialta Research*eu Focus faoi théamaí inspéise.
- Náisiúnta agus réigiúnach: bealach isteach ar thaighde agus nuáil sna Ballstáit agus tíortha comhlachaithe.
- Seirbhísí an úsáideora: fógraí ríomhphoist, fothaí RSS, áiseanna d’athúsáid, deasc chabhrach, cúrsaí oiliúna.
- Ardán d’fhoilsiú gréasáin: do chláir ar leith, gníomhaíochtaí taighde AE agus óstfheidhmchláir.
- Taifead trédhearcach ar mhaoiniú taighde an AE: cláir, seirbhísí gréasáin, glaonna ar thograí, leabharlann doiciméad agus tagairtí foilseachán chomh fada siar le 1990.