3. Ir-regoli tal-abbozzar tad-dokumenti
Jeżistu regoli stretti għall-abbozzar tal-atti ppubblikati fil-Ġurnal Uffiċjali.
It-testi għall-pubblikazzjoni fil-Ġurnal Uffiċjali jeħtieġ li jkunu disponibbli b’kull waħda mil-lingwi uffiċjali tal-Unjoni Ewropea.
It-testi tal-pubblikazzjonijiet tal-verżjonijiet lingwistiċi kollha fil-Ġurnal Uffiċjali huma sinottiċi, jiġifieri l-istess test f’paġna partikolari jista’ jinstab fuq l-istess paġna tal-istess ĠU fi kwalunkwe verżjoni lingwistika oħra.
Flimkien mar-regoli msemmija hawn taħt, l-atti ppubblikati fil-Ġurnal Uffiċjali jsegwu r-regoli msemmija fit-Tielet u r-Raba’ Parti ta’ din il-Gwida, inklużi l-annessi, b’mod partikolari f’dak li għandu x’jaqsam mal-użu ta’ ittri kbar jew żgħar (inklużi dawk tal-kumitati jew kummissjonijiet), it-taqsiriet, l-indirizzi, eċċ.
