5.6. Struchtúr a chur ar an téacs

Ní mór téacs an tsaothair a leagan amach i bhfoirm an-soiléir ionas go léifear gan stró é. Ní mór mar sin an téacs a bhriseadh síos ina chodanna agus ina fhochodanna chun nach gcuifear mearbhall ar na léitheoirí agus chun struchtúr maith a chur ar a bhfuil sa téacs. Chuige sin, níor cheart níos mó ná seacht gcineál teidil a bheith sa saothar. Ní mór téacs den mhéid agus den saghas céanna a chur i ndiaidh gach teidil idirmheánaigh áirithe tríd síos sa saothar.

Struchtúr ina bhfuil uimhriú casta

Is féidir an téacs a struchtúrú ina chodanna, ceannteidil, caibidlí, ailt, míreanna, pointí, etc., agus leas a bhaint as uimhreacha, as litreacha, as daiseanna agus as pointí urchair. Úsáidtear an struchtúr uimhrithe mar a leanas de ghnáth, de réir ord íslitheach na n-uimhreacha:

—

uimhreacha rómhánacha i gcás uachtair (I, II, III, IV, etc.),

—

litreacha i gcás uachtair (A, B, C, D, etc.),

—

uimhreacha arabacha (1, 2, 3, 4, etc.),

—

litreacha i gcás íochtair idir lúibíní (a), (b), (c), (d), etc.,

—

uimhreacha rómhánacha i gcás íochtair atá idir lúibíní (i), (ii), (iii), (iv), (v), etc.,

—

daiseanna (—),

—

pointí urchair i gcló troma (•).

NB:

—

Is uimhreacha rómhánacha i gcás íochtair a úsáidtear san Iris Oifigiúi den chuid is mó (i gcás forannáin pointí (a), (b), etc.). Seachnaítear pointí urchair i gcló trom agus eagarthóireacht á déanamh ar ghníomhartha. Maidir leis na rialacha a bhaineann leis an Iris Oifigiúil, féach Cuid 1, Pointe 2.7 agus Táblaí achoimre.

—

Scartar uimhreacha aómhánacha agus litreacha i gcás uachtair ó théacs an teidil le dais fhada; cuirtear lánstad tar éis uimhreacha arabacha; cuirtear litreacha i gcás íochtair agus uimhreacha rómhánacha i gcás íochtair idir lúibíní: ná dearmadtar an lúibín tosaigh.

Is mar seo a roinntear saothar de ghnáth:

Cuid a hAon OBAIR AN AONTAIS

Caibidil 1 FORÁS AN AONTAIS

Cuid 1 — An staid pholaitiúil ghinearálta

A — Cumhachtaí buiséadacha

1. Príomhfhorbairtí

(a) Treoracha arna nglacadh

Struchtúr gan uimhriú

Bealach eile chun na forannáin téacs a léiriú is ea luachanna cló-aghaidhe difriúla a úsáid chun luach beacht a thabhairt do gach ceannteideal agus fo-cheannteideal, gan ranna, caibidlí, etc. a dhéanamh den téacs:

OBAIR AN AONTAIS

FORÁS AN AONTAIS

An staid pholaitiúil ghinearálta

Cumhachtaí buiséadacha

Príomhfhorbairtí

Treoracha arna nglacadh

Struchtúr uimhrithe dheachúil

Féadfar uimhriú deachúil a úsáid freisin:

Cuid a hAon — OBAIR AN AONTAIS
Caibidil I — FORÁS AN AONTAIS
1. Staid pholaitiúil ghinearálta
1.1. Cumhachtaí buiséadacha
1.1.1. Príomhfhorbairtí

Sa chás sin, moltar gan an iomarca cineálacha fo-cheannteideal a úsáid.

Struchtúr uimhrithe leanúnaigh

I gcás foilseachán ina bhfuil a lán tagairtí do chodanna eile den saothar céanna, bíonn sé caoithiúil uaireanta uimhriú leanúnach a chur ar na míreanna. Ar an gcaoi sin, is féidir na tagairtí a chur isteach sula ndéantar an t-uimhriú deiridh.

Is féidir an t-uimhriú leanúnach a úsáid mar aon le ceann de na struchtúir uimhrithe eile.